[poem=font=",6,white,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مدت كفوف المعذره تلمس بها اغصان السماح=متأمله من بلبله يصدح بصوت ٍ ترتجيه
متأمله عج الغياب اللي فضح وجه الجراح=وبل الوصل في طلته يبدده حزة يجيه
آمالها غنالها خافق شجي ٍ ما استراح=يعزف على اوتار اللقا في ريشة الوعد السفيه
على مقام الدفئ في برد الشتا برد المراح=من نوتة اصباع الغلا في مسرح العشق الوجيه
غنالها لحن الرضا غنالها و غنت نياح=تأسف على جمر الجفا و شلون كانت تصطليه
ما صدقت يوم سمعت ترنيمة القول انشراح=دمع الفرح من عينها غرّق خدود ٍ تحتريه
ما صدقت عطر الامل من علبتين الياس فاح=ما دريت بكحل ٍ خذاه الدمع يومه يحتويه
فيها ذهول ٍ ما عطى صدر الدفا إذن اكتساح=طيّر حمامات السلام اللي بواديها تتيه
ودّي بعد ما شفتها تشرب كؤوس الارتياح=ودّي و لا ودّي أقول اللي بوّدي ابتديه
ودي على صوت الجفا تحجز لي الفرقا جناح=في فندق البعد القريب الصد به جدا ً أعيه
آصدّ به وتلدّ به عين ٍ لها اللقيا وشاح=لون التغلي تكرهه مره و انا مرّ اشتريه
ثغر الوفا غنّالها منها يجاوب له شحاح=جاوب له التوت الغريب اللي يحيّر ناظريه
يلفح له الليل البهيم اللي حجب شمس الصباح=يرقص له الموج الخفيف الصعب في نظرة نبيه
يصافحه كفّ النعاس اللي يشدد للجماح=يذوب له شمع البطى لا لا مسه جمر ٍ نسيه
نشوة مزاج السالفه يوم الأمل فالحب لاح=ميّ الطهر شعري بها يا صفحة الوجد اكتبيه
يخت الهجوس الوالمه ميّ بْحره ما هو ملاح=مرفا حروفي حبها يرسي عليه و يحتميه
أحبّها ووجه الغلا لا ما تعرّيه الرياح=شاحب و لكنه قوي يصبر على اللي ما يبيه
[/poem]
رد مع اقتباس
المشاركة الأصلية كتبت بواسطة زاهي حمود
المفضلات