هذه القصيده مجاراة لقصيدة (يالله انا طالبك حمراً هوى بالي)
أقول ياعاذلي رح مالك ومالي 0 نفس الفتى ماتحب اللي يعذربها
انا ابخص الناس في حِلي وترحالي 0 النفس نفسي واعرف اشلون أحاسبها
لضاق صدري وتاه من الغثا بالي 0 والارض ضاقت وضاقت بي مناكبها
نصيت لي مرقبٍ في صحصحٍ خالي 0 في راس رجمٍ تصافق بي هبايبها
بارضٍ خلا خاليه ماحولك الوالي 0 بس الذيابه تعاوي في مراقبها
جلست في مرقبي ابكي على حالي 0 من حرةٍ بالحشا زادت لواهبها
وقامت تكسر بصدري عبرة الجالي* 0 اللي قبل يتِقي لد لمضاربها
وقمت اتفكر بوقتي اول وتالي 0 وشلون عقب الصفا شانت مشاربها
طاوعت ثنتين والثنتين غربالي 0 استاهل اللي حصل لي من مصايبها
يامن يوصل لابوجراح* مرسالي 0 انا على العهد احارب من تحاربها
لغبت عني تكدر خاطري السالي 0 لغابت الشمس ماتنفع كواكبها
دامك رفيقي ورب البيت مابالي 0 اضرب على الكايده ماني بهايبها
يالله طلبتك ودمع العين همالي 0 اغفر ذنوبي قبل تِنشب مخالبها
(نديم المجره)
احمد بن عبدالرحمن العريفي
*الجالي : هو الشخص الذي جلا عن مضارب القبيله
*ابوجراح : احمد بن ثامر بن سليمان السعدون
رد مع اقتباس
المشاركة الأصلية كتبت بواسطة همس القصيد
المفضلات