الوقت غربه وآخر العمر عنوان
السلام عليكم ورحمة الله وبركاته
قصيدة اعجبتني مرة وحبيت نقلها لكم وهي ابيات للشاعر حامد زيد .
*************************************
مرات ربك يرزقك خوة انسان
واحد ويسوى في عيونك قبايل
ياشعر تبقى في نظرهم كحيلان
وبنظرتي تسوى عيال الحمايل
حنا اثنين اخوان واكثر من اخوان
لو ما تجمعنا عروق وسلايل
لو نختلف بأسماء وعروق وأوطان
يبقى التشابه بيننا بالخصايل
وأنا ليا مني بغيت اكسب انسان
اسعى له بكل السبل والوسايل
أعرف كيف أرد الاحسان بإحسان
كيف أحصد بذور الفضايل فضايل
عايش زمان عاصرت به كل الازمان
ما أعيل بس أكسر ثلاثين عايل
أكسب عدو واحرق به قلوب عدوان
أشعل فتيله بس أطفي فتايل
وإن خفت ضعف أخاف من ضعف الايمان
وإن عفت حمل إعاف حمل الجمايل
ما أظمأ على الساحل ولومت غرقان
لومركبي تابوت والموج هايل
تغرق شهيد أرحم من تموت عطشان
طيحة شموخ ولاوقوف متمايل
ودك ليا من جيت في كل ميدان
لو مـنـت الأول..بالصفوف الأوايل
خلك ليا عودت خسران ..خسران
ينقال عنك عامل لك عمايل
لاصرت تحلم احلم تكون سلطان
وإن جيت تقنع إقنع بحلم زايل
الوقت غربه وآخر الدرب عنوان
والعمر رحله والتجارب رحايل
وأنا كثر مالي من الناس خلان
اللي صفوا لي بالشدايد قلايل
شايف حسد قل شايف اشكال وألوان
قابلت ظلم؟ إلا لقيت الهوايل
إن عشش بصدري من الغبن شيطان
وتسددت دوني جميع الوسايل
بلقى من عيال الحمايل كحيلان
اللي يكفي عن عيال الحمايل .
رد مع اقتباس
المشاركة الأصلية كتبت بواسطة وارث الطيب
المفضلات