مرثيه الشاعر/عوض مخلف الشمري بأبنه.
بسم الله الرحمن الرحيم
الحمد الله رب العالمين والصلاة والسلام على أشرف الأنبياء والمرسلين أما بعد...
هذي القصيدة للشاعر/ عوض بن مخلف الحسيني الشمري. وكانت هذه القصيدة مرثية بأبنه الأكبر عيد بن عوض مخلف الحسيني الشمري رحمه الله واسكنه فسيح جناته آآآمين بعد ان وافته المنيه ـ في رمضان ً قال الشاعر القصيده عند حلاله بمحافظة تمير ..
فكتب االشاعرهذه القصيدة المرثية موجهه لأحد أبناء عمه وهو نهير بن نمش الحسيني الشمري
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] ضلـعـاً بـغـرب تمـيـر عـديـت عاليه= قبل أمس في وقت الغروب أعتليته
قلـت الهمـوم اتفارقـاً عنـد ماجيـه= وشوف همـي زاد مـن يـوم جيتـه
قلبـي بعـد مارقـاه كثـرة طواريـه= ياليتنـي يـابـو نـمـش مارقيـتـه
ذكـر علـي شخصـاً نحبـه ونغليـه= سافـر وخلانـي وأنــا ماهقيـتـه
يذكـر عليـه كـل وقـتـاًً نصلـيـه =وان شفت مـن يشبـه لزولـه بكيتـه
سـاق الركايـب وتجـه يـم والـيـه =مـن ساقهـن يابونمـش مارجيـتـه
على النعـش شالـوه والنـاس تتليـه= مـن ضمنهـم يـم المقابـر تليـتـه
عليـه دمـع العيـن بانـت مواريـه= رجل الشمـاغ وجيـب ثوبـي مليتـه
لوجيت عند بعض العرب ودي أخفيـه= يابـو نمـش يامسـنـدي ماقويـتـه
يابو نمش لـو غـاب مانـي بناسيـه =أبتبـعـه يامـسـنـدي مانسـيـتـه
المـوت حـق وكـل عبـد ملاقـيـه= مـن تخلـص الأيـام يرحـل لبيتـه
بيتـً سكنبـه عارفـه وينهـو فـيـه =لاشـك ماقـدر جيتـه لـو بغيـتـه
لقيت حـراس علـى البـاب تحميـه =قالولـي إرجـع وأمرهـم ماعصيتـه
قلت إسمحولـي ودي أدخـل وناديـه= وأنـاادري إنـه مايجـي لـو دعيتـه
خلونـي أدخـل يـم قبـره وراعيـه= من عرض مـن زار المقابـر لميتـه
قالـوا لنـا وش ينفعـك يـوم تاتيـه= الطيـن دونـه وإنـت بيـدك بنيـتـه
قلـت أتونـس يـوم ادوج حوالـيـه =وأرتـاح لــو بالمقـبـره مالقيـتـه
وختـام قافـي نطلـب الله ونرجـيـه= يـارب تغفـر ذنـب عبـداً خذيـتـه
تـم الـكـلام ونـذكـر الله بتالـيـه= عد النبات وعـد مـن ماطـاف بيتـه[/poem]
وصلى الله على نبينا محمد
رد مع اقتباس
المفضلات