صفحة 1 من 5 1 2 3 4 5 الأخيرةالأخيرة
النتائج 1 إلى 10 من 41

الموضوع: امكنوا مزيونكم راح وطي يالشبث

  1. #1
    مستشار مضيف قصه وقصيده


    تاريخ التسجيل
    12 2006
    المشاركات
    2,071
    المشاركات
    2,071

    امكنوا مزيونكم راح وطي يالشبث



    الحقيقه انه حصلت معركه بسيطه عندي بالبيت

    وانا اسميها معركه مجازا لانها هي كانت هجوم من طرف واحد وكان هجوم مفاجئ وفيه نوع
    من الغدر من ام فهد وكانت متسلحه بالصاج وبعض الملاعق الكبار اللي نسميهن مخاشيق
    في حين اني كنت اعزل مامعي اي سلاح للدفاع عن النفس ولذلك حدثت اضرار جانبيه
    لكنها مؤلمه لانها استعملت الصاج بالهجوم وكانت تبيه في الاخير لكن تدخل العيال
    بالوقت المناسب وسيطروا على الوضع بمساعدة فرقة مكافحة الشغب وهي قاذفة الصواريخ
    حماتي اللي ماجاني منها شي ماغير بقس مع شاكلتي مع شوتة بوز مع العصعص 0
    بالبدايه كنت احاول اقنع ام فهد علشان احيلها للتقاعد براتب كامل علشان اتمتع بشبابي
    الزيزفوني فقلت لها:


    [poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""] ويــش رايك يالـعـزيـزه بـالـتـقـاعـد=ويـحـصل عندك على المطبخ مساعد
    لاجل ترتاحين عن غسل الجواعد=وتـبـسطين الـخــمس في رز ودجاجي[/poem]


    قالت ام فهد لانها تقضم الشعر:


    [poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""] يا كـريـه الـهـرج لا تـدفـق صبـوحـي=شـف شبابـي صـار للـعـالـم ذبوحي
    تر بنات الوقت ماهن مثل روحي=وش يجيب الغيث مع شين العجاجي[/poem]


    قلت انا لام فهد:


    [poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""] اتركي من جاك وسط الناس مادح=الـبـلاء ماشاف بـك كـبـر الصنادح
    وان زعلتي شفت زند الضغط قادح=وقلتي اسرع هات لي كيس العلاجي[/poem]


    قالت ام فهد(وبدى الجو يتوتر شوي):


    [poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""] وش نـفـع نـذخـك قـبال ام المغاشي=تبترم عند العذارى تـقـل حاشي
    وانت لو تقعد سنه وسط القراشي=ناقصك بـسـتـم وكـرتـيل وبواجي[/poem]


    قلت انا(وماانتبهت انها قعدت تتناول الصاج شوي شوي):


    [poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,5,black" type=2 line=0 align=center use=ex num="0,black""] دامـنـي مزيــون مـثـل الـبـدر شـارق=ومن يشوفن قال هذا الشخص خارق
    ومن يشوفك قال تقل عيون سارق=زوجـــهـــا وشـلـــون مـايـطــري زواجــي[/poem]


    قالت ام فهد يوم تمكنت من الصاج وانا منسدح على ظهري اعانده وغافل ولا ادري
    باللي يدور عند راسي:


    [poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""] شهرتك ترفع بوسط الناس سوقك=مادروا عـن شين مـنـطـوقـك وذوقك
    انــثــبــر والا يـطـيـح السقف فوقك=وانت تذكر لا مسكت اطراف صاجي[/poem]


    قلت انا من القراده لاني مااحسب الصاج قريب عندنا بالحوش واثاريها سوت لي
    رغفان الصبح برا وخلته ماهو بعيد وانا يوم الله اراد الحق وانا اقول:


    [poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""] اسكتي شوفي جـنوبك تـقـل قربه=والا انا اصلح بالملاعب راس حربه
    ودي آخذ لي من الخفرات طربه=هـي هـوى بـالـي وهـي راحـة مزاجي[/poem]


    علمي بروحي يوم انطق كلمة مزاجي يمار ماادري انا بليل والا بنهار يالشبث0
    اثاريها رنعتن بالصاج بعرضه على مقرن الكتوف من العلباء وتوسط توسط مني وغديت
    اوجس الدنيا تقادح بعيوني الله لايبلى 0 مع اني ذقته قبل عدة مرات لكنه هالمره غير
    والله اني احسب السقف وقع علي اوجس نفسي طار مني وقمت اشاهق تقل صخل يذبح
    والمصيبه اني تشنجت بمكاني عجزت اهرب لدروب الوساع تقل جاني شلل0 اثاريها مغله علي
    وتطحن غيظ وتكتم لين انفجرت يمار انفجارت الشر والشرير لما دقت كتوفي دق حيه وانا
    ماغير ارافش بمكاني واتلقط النفس ابي الهواء 0 كيف وحنا بالحوش تقل قضى الاكسجين لين
    قمت احس اني مغموت بفروه اعوذ بالله 00
    واشوا جو العيال اثاريهم سمعوا حس رنع الصاج بعلباي وحس شهاقي من الموت الحمر وهم يمسكونه
    ويفكونن منها ويرشقون وجهي بالماء لين صحيت وانا اراعي لها يمار تهوش ومنتفخه مابرد شره 00
    والله وانا اتهيض بلي بويتاتن وهن اقل من حقه واقول:


    [poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]
    ليت ربي يـخـلـي القاع من نصف الحريم=وصفهن في مـحـكم الذكر بآيات الفلق
    لو تـحـطـه فـي وناسات جـنـات النعيم=تـجـدعـك في ساعة الضيق بـهـموم وقلق
    كيف نامن بالافاعي تحت كوم الهشيم=ومن ينوشه ناب الافعى على طول اعتلق
    صاجها الملعون جاهز ويطعن بالصميم=وهو جزاء من شال قشه على حشو الزلق
    ان طردته وش تسوي مع الطفل الفطيم=واحـدن يـبــي الـرضـاعــه وهـذاك انـفـلق
    وان بغيت الضرب عيبن على الرجل الكريم=وان تركته تسهر الليل من نبح السلق
    تـخـدعك في ريـح الاطياب لا هب النسيم=وزين مجدولن على الـمتن بالعطر اندلق
    قبل تـسـفـيـرك شروره على خـط الـقـصـيـم=ولا تراعي عـشـرة الطيب لا واللي خلق
    لا دخلت البيت جايع تبي قلبن رحيم=جت تقل داب(ن)خبيث(ن)من الظلع انصلق
    لـيـتـهـن قــدام بـارود مـع خـبــلــن عـديــم=وكل وحــده طـلــعــة الشمس يرجـفـها طلق
    [/poem]



    [poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]
    عـفـى الله عن عين جـفـى النوم موقها=من الـعــام هـجـعـات الـمـلا ماتذوقـها
    [/poem]

  2. #2
    من فرسان شبكة شمر الصورة الرمزية أبوطروق


    تاريخ التسجيل
    03 2007
    المشاركات
    3,761
    المشاركات
    3,761


    هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههه والله انا اللي غدالي مشاهق من الضحك

    شفت فايدة اللي دايم متجندله فرد أو متحيزم بجنبية

    ابوفهد خلك دايم مسلح وجاهز لأن هذي البداية وهالمرة فكوك الوغيدان بس مهو كل مرة يكونون حولك

    والحمدلله على سلامتك


    ومشكور للدفنة على هالسالفة

    :




  3. #3
    ... ولكـ ذكرى طيبهـ [ التصآميم ] الصورة الرمزية روح حايل


    تاريخ التسجيل
    07 2008
    المشاركات
    3,593
    المشاركات
    3,593


    يابرده على تسبدي هههههههههههههههههههههههههههههههههههههههه ههههههه


    تعيش أم فهد لقمع الشيبان





    http://www.gulfup.com/lives/12697551661.jpg
    ياحبي لتس .. : )

  4. #4
    ما ينلحق معروفه


    تاريخ التسجيل
    06 2008
    المشاركات
    1,764
    المشاركات
    1,764


    حي الله ابوفهد :

    وان بغيت الضرب عيبن على الرجل الكريم
    وان تركته تسهر الليل من نبـح السلـق
    أيه والله عيب وشق جيب بعد ، لكن يقولون يبوفهد( هي قرصة الحنش مرة وتأخذ مناعه .




  5. #5
    من المعازيب الصورة الرمزية هند عبد الله


    تاريخ التسجيل
    07 2008
    الدولة
    دزاير
    المشاركات
    867
    المشاركات
    867
    Blog Entries
    6

    ورده1



    معاها حق ام فهد

    شوووو
    قال يجيبلها مساعد مطبخ قال

    واحمد ربك انو كان فيه حماتك و الاولاد

    اختي ام فهد الله يسلم ايديك و يعطيك صحتك

    لانو اذا حاول مرة ثانية لا تستعملي الملاعق استعملي




  6. #6


    هههههههههههههههههه

    تعيش وتاكل غيرها

    ياحبي لها ههههههههههههه

    ربي يعطيك العافيه

    تقبل احترامي,,





    سبحان الله .. والحمدلله .. ولا اله الا الله .. والله اكبر ..

  7. #7
    طفلہ ثائرهـ ..!
    مشرفة المضيف التعليمي
    الصورة الرمزية بالمختصر..


    تاريخ التسجيل
    10 2006
    الدولة
    Utopia
    المشاركات
    10,731
    المشاركات
    10,731


    هههههههههههههههههههههههههههه

    هذا جزاء اللي يفكر (بس يفكر) يآخذ على مرتوه

    تبي تجدد شبابك هآه ..؟


    عجايب إلحقي شوفي .. وينتس ياعجايب تشمتين ..

    << توه معتمره ماتبي تشمت




    .
    .




    ألا يا ربنا عفـوك .... و غفرانك ، لك الدعوى
    ألا يا الله نبي قربك .... و جنّاتك لنا مأوى !♥

  8. #8
    مراقب المضايف الاسلامية الصورة الرمزية ابو ضاري


    تاريخ التسجيل
    03 2007
    الدولة
    الجبي
    العمر
    45
    المشاركات
    15,733
    المشاركات
    15,733
    Blog Entries
    1


    يازين سوالفك يابو فهد

    الحمد لله على السلامه ان الصاج جاء بين اكتوفك انتبه لا تنسدح وانت مزعل ام فهد

    بس عسى مافقدت ذاكرتك










  9. #9
    لم يؤكد اشتراكه عن طريق بريده


    تاريخ التسجيل
    10 2007
    الدولة
    شيـــع
    المشاركات
    3,935
    المشاركات
    3,935


    هههههههههههههههههههههههههههههههههههههههه ههههههههههههههههههههههههههههههههههههه

    هههههههههههههههههههههههههههههههههههههههه ههههههههههههههههههههههههههههه

    واتسبدي.......... تستااهل......تستااهل

    يووم انك تعاايره حراام عليك تكسر انووثته...

    يااويلك من الله ...ام فهد تسوى له قبيله...

    حراام علييك والله حراام ......لييش تعاايره انت يووم تبدى بالمعاايرر وشووله

    زيين ما ذبحتك بعد...

    مشكوور عالقصييد والرديه هههههههههه

    بس لا تعرس على ام فههد انا فدى هاللحيه قل تم....




  10. #10
    ... ولكـ ذكرى طيبهـ [ التصآميم ] الصورة الرمزية روح حايل


    تاريخ التسجيل
    07 2008
    المشاركات
    3,593
    المشاركات
    3,593


    حراام عليك تكسر انووثته...
    جازت لي رتوج



    http://www.gulfup.com/lives/12697551661.jpg
    ياحبي لتس .. : )

صفحة 1 من 5 1 2 3 4 5 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. % محسود يالشبث على ... %
    بواسطة الشبث في المنتدى مضيف فلّة الحجاج
    مشاركات: 57
    آخر مشاركة: 28-12-2008, 15:28
  2. امكنوا مزيونكم راح وطي يالشبث
    بواسطة فواز الغسلان في المنتدى مضيف فلّة الحجاج
    مشاركات: 54
    آخر مشاركة: 22-08-2008, 20:46
  3. ياعلوه مبروك يالشبث
    بواسطة الشبث في المنتدى مضيف الإهداءات
    مشاركات: 22
    آخر مشاركة: 27-06-2008, 23:08

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته