((أجــــــــ(( قصيدة))ـــــــمل))

[أسير الليل]

راقية أبياتك أخوي كحل المحاجر لاهنت .

وأشكر الأخ الشمالي على هذا الموضوع الجميل , أن شاء الله بشارك معكم في بعض القصايد عندما يصير عندي وقت . تحياتي للجميع ولأختنا عطر القصيد أجمل تحيه .


شاكر لكم جميل القصيد

[al-shmaly]

مراااااااااااحب للجميع عقب غيبه
والله يسعدكم قرائنا الاعزاء وكل الشكر
لمشرفنا الرااااايع كحل المحاجر على جهوده واهتمامه الملحوظ

وحيااااااااااااك الله اخوي اسير الليل والاجمل هو حضورك العطر
والعفو وراح نكون بانتظاااارك باي وقت والله يحرسك ويوفقك يا القرم






من معلّمهم يطيرو في أدبهـم وإحتـرام
كيف كل منهم وفا وبينهم نفس المسافه ،

يابني آدم تعلّم من طبـع هـذا الحمـام
ما تلاقي طير منهم حاقد وطبعه اللقافه ،

[((عبدالله بن غيث))]

مبدع يالشمالي لاهنت ...!
يعجبني ذوقك خلقك كل مافيك رااائع ...!


لك تحياتي

[همس القصيد]

قصيده رائعه ذات الحروف بدون نقاط للشاعر/ فاضل الغشم الشمري


اول كــــــلام الله عــــــلام الاســرار****العالــــم الاول علـــى كـل معهــــــود

له الســما مع الوطــا وكـل ماصــار****و لــه المــلا ركـــــاع والكـل مـردود

الواحـــــد المحـمـود لـلـــــــدور دوار****امره مطــاع وكــامل الصح حاصـود

ســــلط عصى موسى على كل سحـار****وأوصى المسامع كلها لحـسّ داوود

درس الـمـــدرس للمــــلا در محـــــار****والدارس السـامع له العلـم ممهـود

حلو الكــــلام لمسمـع الكـل هـــــــدار****حامـــل دروس وحللو كـل مـــــورود

وطعم العسـل على السحل هد الامرار****كاس الحلى مع واله الطعم مـردود

ولم الســـــطور وسطرها وحطها عـار****على معــد الطلـح لاصـار لاهـــــود

دار الدهــــر لاهـــل الوطا وللعلا سـار****دام المسامـع مالهـا حـكــــم رادود

المـدح وارد للهــــوى مهـو محــــــدار****واحمل مـوده دوم لمسلهـم الســود

واهـــل المـوده والهـوى دوم سهـــــار****الكل سـارح ماعـس الهـم موعــود

لولا الهوى مارح حلو الكرى وطــــــار****ودمع المدامع والسهر مالـه حـدود

حــوى وكاد سهوم سوده لهـــــا كـــــار****والاسر صار لكامل الـــــدل ماكـود

ولــد الملوّح دمـره حســــم الاعمــــــار****وللروح طالع سلـم الهـم صاعــود

عصــر الاحد مر المولــــــع على الـدار****سلــم وعدى والامل صـار مـردود

دار الحــوار ومـد للــــــروح مسمـــــار****مسمــار هم الـدور للـروح ممـدود

صـــار الوداع وهل دمعــه كاالامطــــار****كما المطـر لاهل مع حـس راعـود

معصـــوم وحدود المـــوده لهـا اســـوار****وسور الموده والهوى ماهو مهـدود

وصلـــوا على المرسل عدد كل ماســـار****على الرســول اعداد ماعـد عـادود



الصراحه عيبتني فحبيت انقلها لكم

مع تحياتي

همس القصيد

[((عبدالله بن غيث))]

سلمتي ودمتي أختي الفاظله....!

(همس القصيد)

الله لايهينك ....!


لك تحياتي

[سمااا]

السلام عليكم :
لن أضيف أفضل مما أضاف الأعضاء .. وددت تسجيل حضوري هنا ...
::
مشكلتي إني ما أحفظ .. قصائد مطوله ..!!
لكن أستطيع أن أذكر .. بعض أسماء القصائد ..
عندك .. حامد زيد و المباني ..

-السهلي وأسبوع مر ..

-عبدالرزاق الهذيل الشمري .. و قصيدته في أبنه حسين .... و قصيدته العروس ..<< هو بحق شاعر الجوف الأول ..
لعلي أحاول كتابة بعض أشعاره هنا ...
::
و خلف مشعان وقصيدة المال يابن حنيف ...
::
و قصيدة غريبه لشاعر أسمه عبدالله بن غيث << كني
سامعه هالأسم ..!!
..
و قصيدة بن فطيس يالله عفوك يوم تصفية الحساب ...
..
وسلااااامتكم ..!!

[((عبدالله بن غيث))]

::
و قصيدة غريبه لشاعر أسمه عبدالله بن غيث << كني
سامعه هالأسم ..!!
..
..
وسلااااامتكم ..!!

أختي سمااا الله يبيض وجهك , قولي آمين ...!

ألف ألف ألف ألف مليون شكر على أطرائك ياطويلة العمر الله يرفع قدرك ..!


الله يسلمك ...!

تحياتي لك

[al-shmaly]

مبدع يالشمالي لاهنت ...!
يعجبني ذوقك خلقك كل مافيك رااائع ...!


لك تحياتي

مشرفنا الذوق

ماعليك زود يالغلاااا
ومايهون راسك وراس من عقبك
اشكرك ل تواصلك واهتمامك الراقي والمميز

تــــلاقينا علـى (الموعـــــد) وهـذي عـادة العشــــــاق
عسى صبحٍ جمع قلبــــي وقلبـــك تضحـك شروقـه

على شانك تحديت (الظــــروف) وجيت لك منســـــاق
اغنـي للخطــــر والقلـب مايهـتـز معلـوقــــه

(حبيبـــي) مادفعنـي يمـك الا صـادق الاشـــواق
مشاعر صادقة ماهي مشاعـر نـاس مطفوقـه

اعاهـــدك بوفـاي ووالله اني مـا اخلـف(الميثـــــاق)
ابد مادمـت حـي وحبنــــا ماضاعـت حقوقـــــه

اسافر وانت في(بــالــي) واعـود يمكـم مشتـاق
طراة الحــــب شوف العاشـق المغـــرم لمعشوقــه

سكن حبـــك( بوســط القلـــب) واحرقت الضلوع احـــراق
تخيل وش كثر قلبــي عليـك همومـه تسوقــــه

انــــــا (شاعـــرك) بالمعنى ليامـن الفضـا بـي ضـاق
ليامنه طـرى طاريـك شعـري زان طاروقــــه

كلامـــك (عسل صافي) وصمتـك دمعـي الدفـاق
ولا غيرك من العالم طلع ذوقـي علـى ذوقـه

انــــا (العاشق) وانـــا (المغرم) وانا اللي للخطـر سبـاق
اضحي لجلك بـــروحـي وابيــع الـذل فـي سوقـه


.
.
.

[((عبدالله بن غيث))]

انــــا (العاشق) وانـــا (المغرم) وانا اللي للخطـر سبـاق
اضحي لجلك بـــروحـي وابيــع الـذل فـي سوقـه



الله , جميل كالعادة يالشمالي , لك يسلم لي هالذوق ,,,,,.!


سلمت يمينك , الله لايهينك..!


تحياتي لك

[al-shmaly]

الله يجمل ايامك يا الغلااااا
والله يسلمك ويسعدك يارب
لاهنت واعذب التحايا ل شخصك الراقي






يا جاهـل ٍ مـر الزمـان وحلاتـه
خذ هاك عقلي مانفعنـي ولا بيـه

في هالزمان الطيب اعلـن
وفاتـه الطِيب مـات وكـل طيّـب يعزيـه

يرحمك ياعود ٍ حفظ لـك وصاتـه
يبيـك تتبـع ساقتـه مـا تخليـه

علمك سيئـات الزمـن وإحسناتـه
يامرك بالمعروف ليتـك تماشيـه

الله وهبنا ديـن واحسـن صفاتـه
وانزل لنا التشريع واجزل معانيـه

الحـق والباطـل عرفنـا جهاتـه
وما يزرع المخلوق له يوم يجنيـه

أحد ٍ له الدنيا على الكيـف جاتـه
الله عطـاه وكـل شـيٍ بايـاديـه

ما ذاق لوعات الزمـان وشقاتـه
الفقر والتجويـع يسمـع بطاريـه

وأحد ٍ يـدور فـي زمانـه نجاتـه
يبي الستر والعافيـه بيـن اهاليـه

عزيـز نفـس ولا يبـدّل عبـاتـه
راضي ويدري عيشته مـا تكفّيـه

وأحد ٍ أبـد ماخـذ طبايـع خواتـه
ضعيف رآي وكلمتـه مـا تقديـه

وأحد ٍ لبس ثـوب المراجـل بذاتـه
وا سِعد عين اللي من الضيق ناصيه

وأحد ٍ صميـدع يرهبـك بإلتفاتـه
حرٍ مطالعيه عـن النـاس تغنيـه

وأحد ٍ يضيع صيدته مـن عماتـه
لا واخساره مـن ترجّـى يعشيـه

وأحد ٍ زرع ما نال غيـر الحتاتـه
الحظ كنـه واقـف ٍ لـه معاديـه

وأحد ٍ قطف ورد الزمن وإثمراتـه
باب البخت مفتـوح دايـم يناديـه

(( وأحد ٍ تساوى في حياته مماتـه
وأحد ٍ يموت وطيّب الذكر يحييـه ))

الوقت لو يومـي عليـك بعصاتـه
ماهي غريبه منه هـذي مماشيـه

يابوي هات اللي يجي منـك هاتـه
راضيـن باللـي ماتكنـه وتخفيـه