يوسف الأغريقي وهتيم الكاثوليك(الجزءالأول)
السلام عليكم ...
والله لايمسيكم إلا بكل خير وياجعل كل أوقاتكم سعيدهـ وعسىا مدري وشو يصير إيه
طخت براسي لي فكرهـ وحبيت أكتبه بكذا جزء وإن شاء الله أتوفق وتعجبكم القصة ويكون مضمونه منتاز ويكون عند حسن ضنكم ..
(الجزء الأول )
هذا يالربع قبل ألاف السنون يعني الضروس ولد الأبن يوسف وكانت فرحة والدهـ ووالدته فيه ماش لأنه راس مربع ولاهو مزيون وله شوارب وهو وغد ...وكانو عايشين بديرة ماهي ديرتهم ولاحوله عيال عم ولاعيال خال ..
وكانت أمه إذا جنه حريم تغيبوه بدرام التنور ماتبي أحد يشوفه تخبرون وغد توه مولود وله شوارب ومعضل
المهم ماكان يصيح زي الوغدان وإذا خلوه لحاله ودخلو عليه فجأه يلقونه يدخن ومنسدح على ظهره وحاطن رجل على رجل ويفكر ...
مرت الأيام والشهور والسنين وهو على هالحال وتعود على العزله ...
ويوم جا عمره 14 سنة سمحو له أهله أنه يطلع ...
وهو يكشخ بهكالبدلة المرودنه ... وتخبرون لبس الاغريق لاهو شورت ولا ثوب غير معروفه هويته
وأول ماقابل شخص عيونه خضر وشعره أصفر على حمر وأذانه طوال وقصير بشكل غير طبيعي ..
يوسف أنخرع واستغرب هالكائن الغريب اللي شافه وهذاك فاتحن بلهوثه ينقش ويراعي ليوسف ..
قرب يوسف وقعد يطالع لهالكائن عن قرب ويدور عليه يتمقله زين يبي يتأكد من بنيته الجسديه وأستغرب أن له ذنب
المهم هذاك ينقش ويطالع ليوسف ...مسك يد الولد يوسف وسحبه قال ياخي انت الحين تطلع مخك علينا وش فيك مهبول ..
ضحك هذاك بضحكه مدري شلون هي جايه صعب أوصفه
المهم قال يوسف انت ياولد وش اسمك قال هذاك انا سناعيس ابن جاطور ...
قال يوسف لسناعيس ابيك تاخذ بي فره على الديره ...
وهم يروحون يمشون ودخلو وسط السوق وماخذو شوي إلا هكالبنت المزيونه تمشي وهو يزخ سناعيس يوسف ويضرب بوه على خشته بالارض وهو يصب الدم من وجهـ يوسف وينصفر ... وقام سناعيس يراعي للبنت ويتبوسم
المهم فزعت العالم وهم يرشون كلونيا على يوسف وقام يمار براطم يوسف صايراتن من كبرهن جسم لحال ..
شوفو النذخ وين وصل هههههههههههههههههههههههههههه
المهم مالكم بالطويله وهو يسمع يوسف اللجه بزاوية السوق يوسف منخرع من هالعالم ..
قال سناعيس امش امش يايوسف أوريك حراجنا ...
الا الحراج على خيول...
طبعا خيولهم بهالكوقت جعولهـ ..
وهي تطيح عين يوسف على هكالجعل والجعل يراعي ليوسف بنظرات مثل قولت هذا انت يالفارس اللي انا مجيوبن لك
قال يوسف ابي هذا ..ويأشر على سناعيس
عفوا على الجعل ... قالو هذا محد يبيه طقيع ماهو هكالزود ...قال يوسف ابيه بكم تبيعونه قالو نبيعه لك بأربعين قوطي ..
وهو يروح يوسف ركض طافحن جلالوه يبي يأخذ فلوس (قواطي ) من أبوه ..
وهو يعطيه أبوه هكالقواطي اللي توهن مجيوبات ...
وهو يشري الجعل ويشخص بوه بالحاره بس يلمعوه ويحط عليه خلطه بيبسي مع سكر علشان يلمع
قال يوسف لروحه وهو منسدح فوق الجدار أنا ليه ماأتدرب على ركوب هالجعل ؟؟؟؟
وهو يرسل لسناعيس كول مي ... وجا سناعيس وقاله يوسف ابي اتعلم على ركوب الجعل وين نروح تدل لك مكان ؟؟
قال سناعيس إيه على خط اليونان السريع فيه مكان حول بير يجن البنات كل صبح والشباب هناك يتدربون وينذخون قدامهنطبعا سناعيس أول كان محترم وعاقل بس أدمن بتكس وصار خبيل يجمع صلابيخ ويخلي وغدان الحاره يربطونه ويضربونه يما ينصفر يعني لاتشرهون عليه
وهم يروحون العيال الصبح يم المكان ...
المكان يمكن حول 220 كيلو عن الديرهـ ..
وهو يحط الجاعد يوسف على ظهر الجعل ويطق هكاللبس اللي متعوبن عليه ويطق النظارات ويربط رقبة سناعيس بله حبل يبي ينذخ بوه قدام البنات
يوم خذو لهم وقت يمار هذا شايبن يركض جاين من الديرهـ ولاعليه إلا طاقيه وله جعير ينخىا
يوم جوه الشباب وصدفت هكاليوم مافيه الا 4 من شباب ديرة يوسف وسناعيس ...
وهو ينصفر بين يدين يوسف الشايب وهو يجيب لوه رضمه يوسف ويصبخ الشويب بمقرن ظهره يما قام ..
وش العلم وش السالفة يالشايب ؟؟؟ طبعا سناعيس أنخرع وقام يبكي ويبرم بالارض ومطلعن لسانه بوه صرع
قال الديرهـ جوه غزو وذبحو العالم وأحرقو البيوت
وهو يصيح يوسف هكالصيحهـ من قوة الصيحه الشويب قام لوه نبيص
وهو يروح ركض يوسف يوم فطن إلا الجعل يراعي لوه مثل قوالت ليش ماتركبن ناصل بسرعه ...
يالربع هالجعل وليده هههههههههههههههههههههههههههههههههه
وهو يركب يوسف الجعل وينفلت يم الديرهـ ومعه الفرسان الــ2 اللي من الديرهــ يوم أقبلو على الديرهـ مايشوفون إلا دخنه ونيران والدنيا معفوسة فوق تحت
بس خلاص بعدين نكمل
رد مع اقتباس
الله الله
يوسف يكتب قصه مثل هاذي لا وبجزء ثاني بعد
المفضلات