***
إذا شافك وقابلك في الطريق سلم عليك سواء كان يعرفك او ما يعرفك
***
إذا جاورته ما لقيت من وراه اذيه، يعني ارقد و آمن
***
تلاقيه بسيط ، طبيعي ، سموح، وسيع صدر، وعلى نياته
***
إذا طق عليك الباب أعطاك سله فيها رطب خلاص أو غيره وإذا جى وقت الصيام ما نساك من التمر الزين
***
تلاقيه غارس في بيته فسيله وتشوفه مهتم فيها بنفسه
***
تلاقي عنده سيارتين،الأولى كابرس يروح عليها الشغل،و الثانية سوبر حق طريق مكة
***
تلاقي طموح أبناءه( الحين اعزب بس اذا تزوج ان شاء الله ) إذا تخرجوا من الجامعة انهم إما يصيرون مدرسين في الحكومة أو مهندسين في شركة ارامكوا،
***
اجتماعيا من الطراز الأول ، يعني ما تمل من سوالفه
***
يزعل لكن قلبه ابيض بسرعة ينسى و علشان كذا ما تلاقيه حقود .. وإذا كان حقود يعنى شاذ عن القاعدة
***
إذا شاف شي غريب أول مره يشوفه أو يسمع فيه .. قال .. الله شذ شذا(طبعا صار ساكن معهم )
***
إذا قلت له .. على كيفك .. رد عليك وقال.. ما يحصل
***
إذا جاء شهر رمضان طق عليك الباب و عطاك صحن هريس من طبخ أمه ..اسالوا يوسف
***
إذا طلع تقاعد .. تلاقي طموحه عمارة في الخبر أو الدمام .. و مزرعة في الحسا فيها بركه سباحة .. وتنور حق المندي
***
يخاف من العين .. علشان كذا تلاقيه يقول لك .. قول ما شاء الله
***
هذه بعض الصفات اللى ماخذها من سكان الاحساء
رد مع اقتباس
لاتحذف المشاركه
المفضلات