السلام عليكم ...
الله لايصبحكم إلا بالخير ...
يالربع ويالربعات نا رجال(ن) أعاني من تقلبات الجو وأعاني من كرهي السريع للمدراء
وأعاني من كرهي لمدينة الرياض بشكل غير طبيعي ..
وصارلي كم سنه وأنا أجمع ملاحظات على هذه المدينة اللي كل مااطلع منه انتظر متى يقولون انهدمت جعله للهدم
وكل هالملاحظات سعلت عنهن وقالو يالعطاوي عز الله انك صادق بهن
وأبي أهذهن عليكم هذ هذ هذ هذ هذيذ ...
علشان اي واحد يجي للرياض يدري وش يقابل ...
قبل كل شي بقولكم سالفة صارت لي البارح ..
هذا طال عمرك منك ليه ..ماشي على طريق الملك فهد ويجيني مخرج بيت خوالي ...مايحتاج أقولكم اني انذخ كل يوم عندهم
وأعطي الددسن الا شاره وأهزع أي ألف ..وتخبرون اذا صار الواحد قدامك داق اشاره من باب الادب والاحترام تهدي تخليه يطلع لأنه قدامك ...
وهو يلزن هكالباكستاني بفان أخضر محمل حريم ووغدان ومن الزحمه طالعتن رجل ورع مع القزازاه ...والسواق يضرب بوري غثن وازعجن ملعون الابو ..وألف عليه يما دخلته للمخرج غصب وانا ولد ابوي
وهو يوقفن السواق وطبعا وقفت مع اني بالعاده أهرب مااوقف ...وأفتح الدريشه وأكلمه
وهو ويقوم يسب
وهو تنتفش شوشتي من القهر والحريم يخانقن علي بعد ...الا فيه كوب كابتشينو معي وأفكه وأنثره على خشة السواق وهو ينزل واصفط قدامهم وأنزل يوم طالعت الا يده بس لحاله كبري ..
وأرجع وأسحب لي حاجه ماني معلمكم وشي وانا امشي يمه وهو يطري علي مقطع الباكستاني اللي ضرب البنقالي قدام الحريم وهن مستانسات يحسبن مافيه رجال إلا هم ...
وأعض لساني وأنشبه براس وهو ينصفر
وهي تنزل وحده من الحريم مفضحه ويقوم له صياح وتشتم ...
ودخت من القهر ماادري وش اسوي أفقع وجهه وانا ديني ودين اللي يشتم امي ..
وأجي امشي يمه وهي تركب وتقفل على روحه مع حريمه ماخذيت الا هذي الدوريه وانا اعض ثوبي وانحاش المهم مالكم بالطويله العسكري وقف ينذخ عند الحريم وانا وقفت السياره بحوش خوالي
المهم هذي كم ملاحظه على الطاير
**إذا دخلت بقالة لاتسوي محترم وتوقف بالدور عند المحاسب لأنه بكل بساطه راح يجي رجال ويصير قدامك ولاكنك موجود
**إذا دخلت مكان ولقيت قدامك رجال لاتسلم لأن محد راح يرد عليك ..
**لاتستغرب كثرة الليموزينات.
**لاتقول وش فيهم الحريم بس يركبون تكاسي تراهم مدمنات
**بزرانهم اذا قالك ياروحي يامهجول وانت محترم لاتستغرب تراهم عرابجهيعني لاتقوم تطالع لنفسك من فوق لتحت
**أذا لف عليك واحد لاتستغرب انه بكل وقاحه يشتمك
**لاتستغرب كثرة المهايطيه .
**لاتطلع وانت متوتر تراك تشوف اشكال استغفر الله منها اللي يتفل عليك ومنها اللي يسوي لك حركات مو زينه
**كل لوحة محل تلقىا عليها اسم راعي المحل شوي ويحطون رقم البطاقات من زود الترزز ..
**راح تسمع كلمة الله يحيك بكثره حتى من البنقاليه
وياكثر وياكثر البلاوي بس تعبت ابروح انام
رد مع اقتباس
المشاركة الأصلية كتبت بواسطة شنقل
المفضلات