حنيــــن !

**جمال الشمري** · 01-07-2008 22:59

(1)

مكسور .. كني وطن مهجــور ..كل ما تمر:
ـــ منيــة .. تشوف اغتيال الياس لــ ايامي

صافحت كل الشوارع .. مالمست القدر
ـــ اللي يسولف عن الأحضان .. لــ ايتامي

رحت آتلحف بـ أحضاني ..\.. وقلت انتظر
ـــ أطراف صوتك ..تودعني وانا ضامي

عصفورتي .. تشبه الفوضى وشوفي شجر !
ــــ لو تنتــشر في زوايا الليل ..اقلامي

مرّت على غصني بـ أسرابها وانكــسر:
ـــ طفل ٍ من البارحة مبلول بـ أحلامي

لا قلت " احبــك " ولا تمتمت احبـــك كثر
ـــ تخريفي ، وصمتي العــاري ، واوهامي

****

ياصاحبي هالحــــنين اسراب
ـــ والحلم ... ماسوسن أغصـــاني

فتشت صــدري : ندى واعشاب
ـــ دوّرت صبري .. ولا القانــــي

هذا البـــلد حافي ٍ .. ماتاب :
ـــ ناري.. ولا ذاب نســـــياني

وهذا البحر نورس الاحباب
ـــ نبت ..وصباحات ..واغانـــــي

وهذا المدى .. طاهر ٍ كذاب
ــ غيـــــوم بيضا ... وهوى زانــــــي

وهذا الدفى شجّـر العنّاب
ـــ واحتار حضنك ..أو احضاني !

بس انت .. جيتك ..وجيت غيــاب
ــ للحين احبـــــــــك كثر مــاني :

فقير حظ .. وكثير اغتــاب :
ـــ لقياك ...\.. وامتدت احزاني

انده لك .. ويورق العنــاب
ـــ والتين ..والتيـــه .. واحزانــي

ويفيــض صدري ندى واعشاب
ـــ ويصير نعنـــــاع لســـــاني

**((عبدالله بن غيث))** · 01-07-2008 23:34

أخ جمال صح لسانك رااائعه من رائع لاهنت يالغالي ...!

لك تحياتي

**ماجد علوان** · 01-07-2008 23:48

جمال

صح لسانك يالغالي

**ابن السيافا** · 02-07-2008 01:57

صح لسانك ومافيك حيلة

**ريم شمر** · 02-07-2008 03:47

هلابك الرائع جمال الشمري ، وصح لسانك على هذا الجمال

**عبدالله الجعيثن** · 02-07-2008 10:18

جمال الشمري

صح لسانك

تشرفنا بعودتك ونطمح بتواجدك

دائما مبدع وجزل

**سلطان الشمري** · 02-07-2008 13:04

جمال .. لن اعلق على النصوص .. أعلاه ..

لأنك بغنى عن كل كلمة تكتب هنا .. ولسابق علمي بانك لا تحب الإطراء ..

.

لذا سأقول لك :

أنني بحثت عنك .. ولم استطع التوصل إليك .. فقط أحببت أن اقرئك السلام من قلبي

وصحت روحك .. يا صاحبي

.

مودتي يا جمال