[poem=font=",6,darkred,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/10.gif" border="double,4,blue" type=2 line=0 align=center use=ex num="0,black""]
ياراكب اللي يـشـوق الـقـلـب منطاقه=فوقه رجـالن قـصيـر الـوقـت ضايقها
جيـبـن رفـع صنـعـة الـيـابـان بارناقه=ياخـذ فــنـاجـيـل جـاراتـه ويـدفـقـهـا
لاشاف غـيره بوسـط الرمل مـنـعاقه=يطـرد هـبـايـب عـواصفـها ويـسـبـقها
يشدى لـطـيرن تـعـلا راس شـوهـاقه=يسبـر فياضن فـروق الـصيـد عاشـقها
لاشـاف جول الحـباري داج باشـنـاقه=كنه رصاصن عـقـيـد الحـرب يطـلقها
طيرن كـفـوفـه لـخـرب الصيد شلاقه=يمـزر عـروق الحـبـاري مـع عـلايقها
زولـه يوافــق هـل الـطـولات واذواقه=تصـمـيـم نـاسـن عـقـوله جـل خالـقها
فـيـه الـدبـل جـاهـزن لـلـروح لاضاقه=يطـرد مـزونـن تـلــوح انـوار بارقـها
يطرد بـروق(ن)بـتـال اللـيـل شـعـاقه=تطرب قـلـوب(ن)غـرام الـريـم شانقها
يـغـلـي مـزونـن بـتـال الـوسـم دفـاقه=وروض(ن)جمع طاير القـمري وباشقها
يـنـقـل لها مـنـزل الـرعـيـان ونـيــاقه=احلى مـن قـصـور رومـا مـع حـدايقها
والجيب روحه لراع الطـيـب مـنـسـاقه=يطـنـخ هـل الصيـد لا داجو مـنـاطقها
مـاصاح لو داج مع طـلـعـه ومـصـلاقه=وبـلـوط شـاصـيـه ماتـومـي حـلايقـها
يسري بلـيـلـه ونـار الـغـبـن باعـمـاقـه=ويقـطـع فـيـافي فـلـوقه مـع مـضايقها
لاشـاف تـيـمـاء مـقـامـه راس مـفـراقه=يـلـفـي رجـالن خـيـاش الـبـن تحرقها
رجلن عطى الطيب واهل الطيب ميثاقه=يعطي حـقوق العرب ضيفه ويطـبقها
بيت الفـقـيري له اهـل الطـيـب تواقه=مزبان ناسـن صروف الـوقـت خـانـقها
قل له ترى الروح يرجف صوت طقاقه=من طبع ناسن بدت تـظـهـر حـقـايقها
ناسن غدت لاجل كـسـب المال بواقه=لو هو مع اللي بدرب الطـيـب مـغرقها
وقت الرخى ياخلف تغريك باخـلاقه=وتـنـثـر خياش النـقى الصافي وتـفـتـقـها
وان كان روحك شكت بلواه وارهاقه=اهـل الـفـراغــه بـدت تكـثـر نسـايـقـها
وزاد الـغـثـى عـنـدلـن للروح حراقه=ربـي عـن الـبـيـض والخـفـرات فارقها
اقـفـت ومـيـثـاقـهـا ماجـفـت اوراقه=ولاكـنـت احسب الـمــهـا هـذي طرايقها
ريمن تشوف الحـلا والـزيـن باحداقه=كـن الـعــســل في هـروج الـزيـن ذايـقـهـا
شفته ضحى العيد مثل الريم باسواقه=وفاحت عطورن على المجدول ترشـقها
صلف الهبايب تشيل الثوب عن ساقه=ياويـل قـلـبـن بوسـط الـسـوق عـانـقـها
تشدى غـزالـن جـفـل مـن رمي تفاقه=تـخـاف نـار(ن)تـجـيـهـا مـن بـنـادقـهـا
صبرت والروح وسط الصبر ماطـاقه=تمـشـي وتـيـار ضـغـط الـريـم صاعـقها
سلواي شوفة عـيـون الـريـم وعـناقه=في سـاعة(ن)تـسـحر الخـافـق دقـايـقـها
قل له عشيرك يـشـيـل الضغط خفاقه=والروح طاحـت ورمـح الـهجـر خـارقها
وان كان قصده عذاب الـروح بفـراقه=فـالـروح عامـيـن جـمـر الهـجـر حارقها
وان كان خلي حرمـنـي نوم مـشـراقه=قـبـلـه حـيـاتي جـحـيــم الـوقـت سارقها
وان كان خلا دروب العـشـق واشواقه=فالروح تـشـكي جحـيـمـن بات يطـرقها
تسقي عـشـيـرن سـبـبـها جفت ارياقه=والا فـالاعــيــاد يـمـكــن مـايـوافـقــهـا
[/poem]
رد مع اقتباس
المشاركة الأصلية كتبت بواسطة زاهي
المفضلات