صفحة 1 من 4 1 2 3 4 الأخيرةالأخيرة
النتائج 1 إلى 10 من 34

الموضوع: % مسلسل المضائف % ( الجزء الثاني )

  1. #1
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609

    % مسلسل المضائف % ( الجزء الثاني )



    [align=center]
    كانت الحياة ماشيه على احسن مايكون


    يعني



    في قبيلة ابو عارف

    كانوا كل ليلة يسهرون عند الشيخ يستمتعون بما تجود به قريحة الشاعر ابو طروق






    وفي قبيلة الحريم اللي هي قبيلة عجايب

    كل ليلة يسهرن عند الشيخه عجايب


    ويتذكرن شيبانهن المرحومين


    ويسرن عقب ما ياخذن جلسة مع البكاء والتهطم







    اما الاخوان السلاتيح الاربعه شنقل وشلته كانوا كل يوم بديره


    والغريب ان هالمجموعه كانوا مايملكون من الدنيا الا **** واحد



    وكل شوين واحد يرتسبوه





    الوكاد بيوم من الايام



    كانوا الاربعه ( شنقل وريال فسحه والمطنوخ والشبث ) تايهين بالبران


    وهم يجلسون يبون يستريحون شوي من التعب هم و****هم


    قال شنقل ابو هيلاهب اصفر ياعيال انتم خلوكم هنا


    وانا ابي انط هالحزوم ابشوف غديني اشوف عرب قريبين




    قالوا خوياوه خلاص



    راح شنقل يدور




    وريال فسحه والمطنوخ يلعبون مرطاخ

    وشبيثان المسكين قام يتلوا من الجوع




    وعقب نص ساعه جاهم شنقل



    قال ياعيال انتم ليه بس تلعبون ؟

    ليه ماتراعون لهالهديفه الشبث اللي بس يتلوا ؟




    شبيثان انت وش يبتسيك ؟

    قال الشبث ابي اكل ميت من الجوع



    قال شنقل

    المطنوخ قم عطوه من البسكوت المالح حقك


    خلنا نرتاح من صياحوه الله يزيلوه





    وعقب المغرب قال شنقل يا عيال حنا ليا متى وحنا على هالحال

    ليه مانغزي على هالقبايل ونعيش من صيدنا




    قالوا تم يالله يا شنقل انت بس وجهنا وحنا نعجبك


    ( طبعاً اللي قالوا تم المطنوخ وريال فسحه اما الشبث مشغول بالبسكوت هو وال**** )



    قال شنقل يالله يالمطنوخ قم ودور لنا قبيلة حولنا نبي نغزيه



    وهو يقوم المطنوخ ويرتسب ال**** يبي يدور





    وراح يوم والثاني والمطنوخ يدور بهالبران




    وباليوم الثالث وصل لقبيلة الشيخ ابو عارف


    ويالله حي ضيف الرحمن ياهلا ويا مرحبا


    وانواع الترحيب بوه

    ويجلس هكا اليوم عندهم ويسهر معهم على نغم الشاعر الكبير ابو طروق



    ويجلسون يلعبون بلوت ليما جاء الفجر



    المطنوخ اعجبوه الوضع وجلس يوم ثاني وثالث




    وهم يطرون عليه خوياوه


    ويستأذن من الشيخ ابو عارف ويمشي لخوياوه


    ويوم جاهم عقب اسبوع ليمار غاديتن وجيههم صفر من البسكوت


    وناشفيت من العطش




    قال شنقل بصوت مبحوح يا طنخان حرام عليك هاللي تسويه فينا

    وينك صار لك اسبوع


    ياخي كلمه ولو جبر خاطر ولا سلام من بعيد




    مررررره نسيت ان لك خويا




    قال المطنوخ اعذرن يا شنقولة العربان



    والله عجبن الوضع هناك ولا بغيت اجي


    بس علشان البسكوت والملح اللي بيننا جيتكم


    بس شفتلك القبيله وعرفت وش وضعهم كلوه





    قال شنقل هاه بشر يعني نقدر نغزيهم ؟


    وهو يلتفت المطنوخ للشبث وهو يقوم يهز راسوه


    قال والله يا شنقل مدام ابو سعبوله الشبث معنا ماهقوتي انوه يبي يفرجه


    الا اذا منت حاسبن عليه



    قال شنقل ياخي خلك من الشبث وقلي هالقبيله وش وقعه



    قال شف يا شنقولتي كلهم ماعندك احد الا واحد

    قال شنقل منهو ؟

    قال المطنوخ واحدن اسموه منصور الغايب


    والله يا شنقل انوه رفع ضغطي


    تسيف كلما شريت حكم قال اشكل !؟




    قال شنقل الشرهه والله مهي عليك

    والله الشرهه علي


    ياخي انا اقولك نقدر نغزيهم وانت تقولي صن وحكم واشكل



    ياخي بهم احد شديد بالغزو


    قال المطنوخ والله مدري بس من جيتهم وحنا بس سهر


    وننام وجه الفجر ولا نقوم الا العصر


    تخيل يا شنقل القبيله كله كذا




    وبهاللحظه هذي طنة فكره براس شنقل



    قال اسمعوني يا عيال


    نبي نغزي هالقبيله الضحى سند النهار



    قالوا ياخي الغزو بالليل مهو بالنهار


    قال اقول انت وياه مشرمينه بالغزو



    هالقبيله اللي نبي نغزيه ينامون بالنهار ويقومون بالليل


    ونبي نباغتهم وهم نيمين



    وهو ينقز ابو العريف ريال فسحه


    قال

    بس يا شنقل تتوقع الاتحاد الدولي للمغازي مايقول ليه هاللون


    قال شنقل انت بالذات عض القاع وتلايص ولا اسمع نفسك لا اخربط خشتك





    وبعصبيه وهو يلتفت شنقل للشبث


    قال مابادزي الا انت ماتبي تقول شين

    قال الشبث والله لوريهم الملعونين


    قال شنقل وهو يهز راسوه عزالله منت فرجه ياوجه العنز









    الوكاد انهم صملوا على الغزو



    وهم يسرون بالليل جهة قبيلة الشيخ ابو عارف



    ويوم وصلوا لمضارب القبيلة وهم يتبطحون ( حتى ****هم منبطح معهم )



    يراقبون القبيلة




    ويوم جاء حول الفجر وهم يسرون الرجال من بيت الشيخ ابو عارف يبون بيوتهم


    ويوم جاء الضحى وهو يقول شنقل يالله يا عيال عليهم



    وهم يقومون



    ويوم وصلوا نص الطريق وهو يعد شنقل خوياوه ليمار بس اربعه

    هو والمطنوخ وريال فسحه وال****


    قال وين الشبث


    قالوا والله ماندري


    ويوم رجعوا لمكانهم ليمار على انبطاحتوه ونيم ( بسم الله عليه )



    وهم يقعدونوه ويكملون مغزاهم




    ويدخلون القبيله ويرثعون به



    هذا شنقل وريال فسحه واغاروا على بيت الشيخ وسيطروا على الوضع


    وهذا المطنوخ غايلن الشاعر ابو طروق ويمردغوه


    وهذا الشبث ماسكن عنز لشايب سناعيس ويمردغه





    الوكاد ان القبيلة كلها قامت على هالمصيبه


    ولا يقدرون يسوون شين


    لان شنقل وريال فسحه غايلين الشيخ ابو عارف بشماغوه


    ويهددون اي واحد يقرب منهم يغولون الشيخ ليما ينقزن عيونوه


    وهم يجمعون القبيلة كله


    قال شنقل اسمعوا انا مابي منكم الا حاجتن وحده






    اذا عطيتوني هالحاجه اطلقت الشيخ ابو عارف



    واذا ما عطيتوني هالحاجه ابغول شيخكم ليما يتدودلن عيونوه




    قال كحل المحاجر هاه يا الاخوا وشهي حاجتك



    قال شنقل اني اصير شيخن عليكم ولا فيه احد يتنفس علي



    قال المطنوخ بالله يا شيخ شنقل ابي حاجه


    قال شنقل وشهي


    قال ابيك تجوزن بنت الشيخ حمراء موت


    قال شنقل اشاور نفس وارد عليك



    قال ريال فسحه وانا يا شيخ شنقل ابي حاجه



    قال شنقل هاه يا ريالي وش تبي





    قال ابيك تخلي ولد الشيخ اللي اسموه يوسف وهالشايب منصور الغايب

    ياخذون حدا الغنم ويسوونه برستد لي لحالي


    قال شنقل ابشر يا ريالي



    الا خوينا الشبث

    ويوم راعولوه ليمار لياهالحين ماسكن العنيزه ويمردغه ( يبي يطلع مرجلتوه عليه )






    وبهاللحظات التاريخيه لشنقل وخوياوه كانت بنت الشيخ حمراء موت


    تدور فرصه تبي تنقذ ابوه من هالغوله




    والله وهي تاخذ قدر الطبخ الكبير



    وتعدي من ورا شنقل




    وهي تعجن راسوه بالقدر





    وهي تقبس



    وهم يمسكونهم


    وانواع المردغه




    هذا يوسف ومنصور الغايب مسكوا ريال فسحه


    قال منصور الغايب


    يا يوسف ياولدي الرجال يبي برستد


    وهم يشيلونوه ويقعدونوه على النار ليما طبخة مختوه



    وهذا كحل المحاجر وابو طروق مسكوا المطنوخ وانواع التشويت


    وانواع التعذيب والبقوس وخربشة الوجه والسبلكس







    اما شنقل فطاح بيد الشيخ ابو عارف وبنيتوه


    وهو يبطحوه الشيخ ويخلي بنيتوه ترقص على ظهروه













    طبعاً اخونا الشبث يوم شاف هالمصيبه اللي حلت بخويوه وهو يطلق العنز ويلوذ بالفرار



    وبوجهوه طااااير ولا يلتفت




    ويالله ينطلق شنقل وخوياوه منهم





    ويهربون مع خويهم الشبث





    وركض






    وركض







    وعندك عندك







    ولا ياقفون الا عند قبيلة الشيخه عجايب


    وهم يقعون ببيت الشعر عند العجز




    وهو يراعي شنقل للشيخه عجايب قال



    بوجهكم يا رجااااااااال




    وهم يتصفرون هو وخوياوه























    واسف على الاطاله



    وبالجزء الجاي ان شاء الله نشوف وش يصير من كوارث على القبيلة








    وتقلدوا تحيتي
    [/align]



    game over

  2. #2
    مشرف مضيف فلة حجاج الصورة الرمزية ريال الفسحه


    تاريخ التسجيل
    10 2006
    الدولة
    ALFLH CITY
    العمر
    38
    المشاركات
    12,516
    المشاركات
    12,516


    [ 1 ]


    مثبت



    ـــــــ ملييييت..

  3. #3


    ياعيني على الواسطه تستاهل يا ابو شبيثان




    الشبث ..ياحيي ..اثريني ماني هينه وبقدر الطبخ بس يا حيي انا اعرف




    ترى للرشاش ..ورميت بوه بعد ابي المره الثانيه رشاش ياحيي كككككككك










  4. #4
    شاعر الصورة الرمزية زاهي


    تاريخ التسجيل
    09 2007
    العمر
    39
    المشاركات
    1,042
    المشاركات
    1,042


    ‏^‏
    ‏^‏
    ‏^‏
    ‏^‏
    ‏^‏

    أمحق غزوة



    رائع ياشبيثان _ياغوال العنز_



    ريال ثبتوه يحسب البرستد يحصل

    شكله ماكمل الموضوع < مادري بالدبه



    مايـدري إن الطـيـب يـبي تكاليف ** سهر الليالي مقـبلاتٍ مقـافي
    يـبي يـديـنٍ للعـطـايا مــغــاريـف ** يـبي رجـولٍ ماتمـلّ الـوقـافـي
    لمن يريد التواصل .. يجدني على الفيسبوك والتويتر

  5. #5


    اما انا بالتعذيب رقم واحد ,,,أخبر مره عذبت لي جعري أوذانا بالمخيم يجي ويدحوس مايخلين انام .
    بس الجعري ماوقفه عن هالحد , جيت مره للمخيم بالليل وافتح البيت((بيت الشعر))بنام ليمار مظلم ماشوف شيء ,, بس فضحه روحه الدرنقه ,, يوم شافن وهو يعض شليله وينحش من قدامي .
    واتسلط عليه هاك الليله واطارده بالليل تقل سكران طردي جفلت البل وقومت اللي حولنا كلهم بخرشت هالجعري لين خليت صدام الشاص ورا ذنبه . وانا أدعسه هاك الدعسه .
    بس الملعون ماجاه شيء بس انكسرت يده المهم.
    واحول عليه وانا امسكه واكتفه واربطه بحبل واعلقه بالسحب ورا واركب الجيب وامشي مليون بهالجلد ..
    وووقف عقب مامشيت به 50 كيلوا واناظر الا مابه الا الحبل ويده اللي انا رابطه بالحبل .

    ============
    دبلت اسبدكم اهاه .

    عالعموم تسلم ياشبيثان ....

    ننتظر الحلقه المقبله اللي بذبح به المجرم المطنوخ.
    حخخخخخخخخخخ
    تحياتي



    [poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    أشهد أن الرب واحد ..// ومعبود=وأشهد أنك بين هالعالم ..// سواك
    ((عبدالله بن غيث))
    [/poem]
    .
    .

  6. #6


    أبو ماجد لاهنت يالذيب ..














    بس صراحه اعجبن حمـــاركم تسيف انجضع معكم









    ريال تبي بروستد هاه ... ماوالله تاكلوه يالحنشل






    الشمس متسويتن وجيه العجز شلون تقولون لهن يارجال ههههههههههههههههههههههههه













    أبو ماجد كل الشكر لك على هالقصه والله يستر من الحلقه الجايه




  7. #7
    ظهير ايسر (C)
    مشرفة المضيف الرياضي
    الصورة الرمزية بسمة العز


    تاريخ التسجيل
    05 2007
    المشاركات
    4,512
    المشاركات
    4,512


    ههههههههههههههههههههههههههههههه

    خساره ماطقوووك هههههههههههه

    بس الجزء الثالث مابتخليك عجايب

    بشوف البنات يطقونك وانا قاعده اذاكر..

    مابقي الا اسبوعين على اختباراتي

    عشان كذا مابكون فاضيه ...بس اكيد

    البنات مايقصروون معاكم هههههههههه

    الشبث...الحين انتم ابطال المسلسل والا شلون؟؟

    اشوف الاحداث تركض وراكم...

    بس والله عجبني الحمــار هههههههههههه

    الشبث يسلموووو...

    اختك/بسمة العز

    احتــرااامـي لـك..




  8. #8
    مضايف شمّر الصورة الرمزية قمر اللــيل


    تاريخ التسجيل
    05 2008
    الدولة
    بقلبه
    المشاركات
    3,302
    المشاركات
    3,302


    قصتك مشوقه ورائعه والحبكه ظبتها هالمر بس اللة يستر بالجايه



    وريال شعندوه بالبرستد ياخي ماتعطينا شويه وزع على اخوانك تراهم جياعه موبس تشهوينا عليها


    في انتظارك اخ شبيثان







    تقبل مروري




  9. #9
    شبكة شمّر الصورة الرمزية غالب


    تاريخ التسجيل
    02 2008
    الدولة
    الرياض
    المشاركات
    5,331
    المشاركات
    5,331

    News فنـــــــــان



    ماء شاء الله عليك والله أنك فنان
    بس عنيزتي عساه رجعت(بكل حزن)




  10. #10
    طفلہ ثائرهـ ..!
    مشرفة المضيف التعليمي
    الصورة الرمزية بالمختصر..


    تاريخ التسجيل
    10 2006
    الدولة
    Utopia
    المشاركات
    10,731
    المشاركات
    10,731


    ‏<‏< للحينه تبتسي من الجزء الأول ..

    وليه ياشين حنا أرامل ؟؟!!


    أصلا حنا ينقال لنا ( القواعد من النساء )

    حتى بالماريه كاشفات وجيهنا ولانعرف الغطا


    ننتظر الجزء الثالث غديه يقوم حظنا




    .
    .




    ألا يا ربنا عفـوك .... و غفرانك ، لك الدعوى
    ألا يا الله نبي قربك .... و جنّاتك لنا مأوى !♥

صفحة 1 من 4 1 2 3 4 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. % مسلسل المضائف % ( الجزء الثالث )
    بواسطة الشبث في المنتدى مضيف فلّة الحجاج
    مشاركات: 20
    آخر مشاركة: 03-06-2008, 18:10
  2. % مسلسل المضائف % ( الجزء الثالث )
    بواسطة الشبث في المنتدى ( المواضيع المميزة)
    مشاركات: 20
    آخر مشاركة: 03-06-2008, 18:10
  3. % مسلسل المضائف % ( الجزء الثاني )
    بواسطة الشبث في المنتدى مضيف فلّة الحجاج
    مشاركات: 31
    آخر مشاركة: 03-06-2008, 18:07
  4. % مسلسل المضائف % ( الجزء الاول )
    بواسطة الشبث في المنتدى مضيف فلّة الحجاج
    مشاركات: 26
    آخر مشاركة: 21-05-2008, 20:09
  5. % مسلسل المضائف % ( الجزء الاول )
    بواسطة الشبث في المنتدى ( المواضيع المميزة)
    مشاركات: 26
    آخر مشاركة: 21-05-2008, 20:09

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته