قلـــــب ذيــــــــب !!!
قلــب ذيـــب!!
آه ياهمٍ بروحي هز صدري واضلعه
وآه يادربٍ لاجيت اقصْره طاولني المسير
وآه ياوهمٍ سمعنى قبل لا اذني تسمعه
جاوب الخفاق همسه والعذر ذاك الضرير
آه من يسمع صدى قلبي ويرحم مجمعه
قلب ذيبٍ .. مجتمع به هم واحزان وهجير
قلب ذيبٍ .. مالبس من دون وقته اقنعه
ناطح جموع الليال ولارغى عقب الهدير
ضاق ذرعاً من مداهيل الزمان ومضجعه
واجتمع به هم حاله واجتمع به هم غير
قلب تايه بالوجيه الصادقه والمخدعه
خر عطشانٍ بعد ماكان شريانه غدير
ماعرف منهو وقف ضده ومهو اللي معه
وكل شئٍ في عيونه من كبر همه صغير
آه وين الصدق ابيه ولو ذرف لي مدمعه
وصلوني به ولو صار الوصل سلك الحرير
والله اني لأحفظه وان شان وقتي ما اقطعه
لو ألحم سيفي البتار في وسط الجفير
بلغوا من شال هالعالم على راس اصبعه
بلغوا من طيّر اسراب الطيور ولايطير
ودام مجدافي في وسط البحر كفّ الاشرعه
والله اني لأتعب ذراعي لجل ذاك الغرير
ايه والرجال ماهو شئ هيّن يدفعه
والله انه مايبوح السر من شئٍ يسير
قلتها من بعد ماضعت بدروب المعمعه
قلتها من بعد ماساوى برادي الزمهرير
من خفوق اللي ولا به باب يآكود قرعه
والسبب اقرب قريبٍ حطه بوسط السعير
ضاعت حلوله ولابه نوّ يآكود تبعه
وان شره يشره على اللي ضمه بأقصى ضمير
ولايهون الوقت دام انه على الوقت اطبعه
وصرت اخايل طلته مثل الغني بعين الفقير
ولو بغيت انسى خفوقي منهو اللي يقنعه
دام ماسوى سفاره والعشم كان السفير
ايه ماكان العشم يترك خفوقي بمعمعه
لين طاولني عناده لو انا ماني قصير
ايه عقب انه فتح باب الخفوق وشرعه
وخالط البحر الطويل الهزج والبحر القصير
عقبها قررت اهين الهرج واجمع لأقنعه
واجبر الخفّاق يرحل .. لوِ فرقاهم عسير
برتحل والقلب محدٍ عن دروبه يمنعه
دام ماسوى سفاره .. لازم آكون السفير
رد مع اقتباس
المفضلات