فيديو - مايكروسوفت , الهجوم على ستيف بالمر

**ملامح شمري** · 24-05-2008 19:02

خبر طريف , من جد اعجبني شكل وجه ستيف

شاهد الفيديو أولا , ثم إقرأ التعليق ..

http://www.youtube.com/watch?v=eCbQqsRm41s

هالحدث تم بجامعة بهنغيريا ..

ستيف بالمر قال : قبل نبدا , من بقى منكم بقى له إختبار ما خلصه .. ؟ :00110:

قام الطالب و قال له : رجعوا فلوسنا , فلوس الضرائب اللي لفتوها يالحرامية ..

الترجمة الانجليزية للي مكتوب على قميصه : "Microsoft Corruption"

ههههههه ..

عـ فكرة :

ستيف بالمر هو الشخص الثاني بشركة مايكروسوفت بعد بيل غيتس ..

و مايكروسوفت وقعت مع السلطات بدولة هنيغريا و أظنها بشرق اوربا , ميدتيرم كونتراكت

يعني عقد , يكلف الدولة الاوربية بليون دولار امريكي ( عملة هينغيريا اسمها Forints

و الدولار يعادل 160 Forints )

بموجب هالعقد مايكروسوفت تبيع تراخيص انظمتها بسعر رمزي و زهيد و الدولة تتكفل و

تسدد الباقي من اموال الضرائب اللي تاخذها من الشعب.

و تركب انظمتها بالجامعات و بقية المرافق
..
يعني الطلاب بالجامعات بس بيدروسون و يتعلمون على انظمة و تقنيات مايكروسوفت

زي ( انظمة ويندوز , لغة برمجة C# سي شارب و ASP.Net ..إلخ )

اما التقنيات والانظمة الثانية مثل : ( غنو/لينوكس و الـ PHP ) و بقية المصادر المفتوحة اللي

تنافس مايكروسوفت ما راح تعتمدها بالجامعات .

يعني خطوة إحتكارية ..

- - -

عـ فكرة تراخيص نظام مايكروسوفت ويندوز اللي تستخدمه ..

يقولك بشكل صريح : لك الحق باستخدام نظام ويندوز بس تراه موب ملك ولا لك حق تركبه

على أكثر من جهاز واحد .

- - -

بورصة نيو يورك إعتمدت و ركبت انظمة لينوكس ريدهات ..

تقول أرخص و أكثر كفاءة من ويندوز ...

- - -

خبر أخر ..

تمت كتابة هالموضوع بنظام لينوكس فيدورا ريدهات

http://evasive.jeeran.com/Screenshot.jpeg

**حمــ الموت ـراء** · 24-05-2008 19:48

ياحيي وشنوحه عليه كككككككككك

طيب وينه ستيف بالمر هذا ابي اروح له يعلمن ..بس اخاف اصبخه بكعبتي

على صلعته

**ملامح شمري** · 24-05-2008 20:49

^
|

ترى صلعته قيمتها مليارات الدولارات ..

و الله هقوتي لو جيتيه تبغينه يعلمك , بيمسكك مع قريناتك و يعلقك بمروحة كمبيوتره , موب انتي اللي بتضربينه بالكعب

و ترى الطالب ضربه بـ بيض

- - -

اتركي هالموضوع لا تقلبينه لتشات و امشي قدامي لملفك الشخصي خلينا نخلص من

سالفة التورنت و نعلمك كيف , الليلة ..

**المطنوخ** · 24-05-2008 21:30

ياخوي والله يهالبيض مسبب ازمه للشخصيات البارزه

جميع واحد محتج على شخصية بارزه لطخه بهالبيض

/
نرجع للموضوع
على ماعتقد يابوشمر ان السلطات الامريكيه بأمر قضائي منعوا احتكار مايكروسوفت لاي شي
ناسي بالضبط الموضوع لكن فيها اكيد احتكار

فورزا مايكروسوفت

**ملامح شمري** · 24-05-2008 22:36

[align=center]

^
|

لهالسبب أرتفع سعر البيض عندنا بالسعودية من 7 ريالات لأكثر من 15 ريال ..

\
نرجع للموضوع

http://arabic.cnn.com/2002/scitech/11/2/microsoft.settlement/index.html

_ _ _

خبر منع الاحتكار و الغرامة كان صادر من محكمة اوربية و ما كمل سنة اذا ماكنت واهم ..

وترى مثل هالقضايا تاخذ لها عقود ( عقد = عشر سنين ) بالمحاكم ..

شركة قيمتها بلايين الدولارات و عندها جيش من المحامين و لها نفوذ و تقدر تضغط و تعطل وتمدد بالمحاكم على كيفها ..

عـ العموم انا اعجبني مظهر تعابير وجه ستيف و هو يناظر للطالب و ما يدري وش السالفة :00110:

لانه ما يعرف لغته و لا يدري وش يقول

بس ترقيعته و تداركه للموقف و لا كان شي صار

, بصراحة شخص موب سهل

---

المطنوخ : بالله نزل تعريب برنامج التورنت و شف هو يضبط معاك و يصير البرنامج عربي و لا لا

و تعال رد علي و خبرني بالملف الشخصي حق حمراء الموت .

انا هناك الحين .

[/align]

**شام** · 25-05-2008 22:43

[align=right]
فعلاً خبر طريف ..
و نأمل أن تباع منتوجات مايكروسوفت لدول العالم الثالث كذلك بمبالغ زهيدة
لكن شرط دون ارتفاع أسعار البيض أو غيره
متابعة شيقة
يعطيك العافية اخي ملامح
[/align]

**غالب** · 26-05-2008 21:39

خخخخخخ يوم ضربه بهاللي تقل ورقه وهي تصفق بصلعته هاللي تقل قطعة سيراميك

مشكور أخوي على هالنكته

**ملامح شمري** · 27-05-2008 20:20

[align=center]على العكس شام , أمل ان لا تباع انظمة مايكروسوفت على العالم الثالث بأسعار أدنى ..

و الاسباب كُثر ..

- - -

سناعيس رح ذاكر ياوليدي , ترى الامتحانات قربت .
[/align]