اجي لك بالغطو علك تحله..........حلاة اللغز لامن سيق ينحل

[الاعصار]

السلام عليكم

اليكم لغز خفيف

........................

اجي لك بالغــطو علـك تحـلـه..........حــلاة اللــغز لامن سيق ينحل
بصـدرالبيت تلقى منز لٍ لـــه..........يجي مقلوب يامدور على الحل
عـلـى وجهه وســومٍ ماتملـه..........ولــكن بالقـفــى لاوسم بـه حل

........................

تحيتي وتقديري لكافة الزملاء

[ريال الفسحه]

مهو المودوم حق الانترنت ؟ <-- اطلع ياالفاغر






السجاده ؟





لي باك واي واحد يعرف الحل يكزه لي واعطيه
عشر ريالات <--- مرتشي

[الاعصار]

اخوي ريال الفسحه
مرحبا بك يالغلا
ومالك لوى
وانت كسرت القاعده .عادة اول من يرمع على الالغاز اللي اعرضهن(بريئهــ ولكنــ..)
انتظر مرماعك القادم
تحيتي لك

[العَـــروب]

^
^
^


ههههههه
كاني جيت
متاخرة شوي هالمرة سبقني ريال

صح لسانك
بس يا ابن الحلال هذا لغز خفيف؟
بافكر يمكن القا الحل <-- ما تيأس

[الاعصار]

بريئهـ ولكنـ..
مرحبابك وفعلاً سبقك ريال الفسحه
ولكن لعل احد مايسبقك على الحل
تحيتي لك

[العَـــروب]

لقيته

عـلـى وجهه وســومٍ ماتملـه

الجوال هو المنزل

المقصود اكيد شريحة التلفون او الكرت


صابت هالمرة والا زي كل مرة؟

[راعي البيرق]

صح لسانك .. يالإعصار .. على هاللغز الجزل ..
هذا لغز معوكس يحتاج كتابه وتعكيس

ويحتاج إلى تفكير ..
لي عوده ..

[الاعصار]

لقيته

عـلـى وجهه وســومٍ ماتملـه

الجوال هو المنزل

المقصود اكيد شريحة التلفون او الكرت


صابت هالمرة والا زي كل مرة؟

مالك لوى
انتظر محاولتك القادمه
تحيتي لك وتقديري
وخليك مع طريقة راعي البيرق في محولته للوصول للحل
تحيتي لك

[الاعصار]

صح لسانك .. يالإعصار .. على هاللغز الجزل ..

هذا لغز معوكس يحتاج كتابه وتعكيس

ويحتاج إلى تفكير ..

لي عوده ..

صح بدنك وخطوه صحيحه للوصول للحل
انتظرك تذبحه ماشاء الله عليك

[صلفيق]

هذا لغز بقعد له قعدة . بس بعد العشاء أرجع


أشوف ريالووووه سبق أختنا بريئة ولكن .. أكيد قاعد مستني ومجهز الحل ، وأول ماحطيت اللغز .. جاب الرد ! ويمكن بالثواني الأول ..!

آآآآآآه لو كنت مشرف ... كان حذفت مشاركته ، وأعطيته إنذار على تعديه على حقوق الآخرين .

لي عودة .... " تعلمته من ريال "