ساهم في بناء وتأثيث شقة المطنوخ ( موضوع متجدد )

**المطنوخ** · 26-04-2008 05:25

بسم الله الرحمن الرحيم

السلام عليكم ورحمة الله وبركاته

/

شلونكم وشخباركم وشعلومكم وشخباركم بعد وشمسوين يعلكم طيبين واخبار وعلوم
ان شالله كل شي تمام وشلونكم بعد<--يالييييييل

صبـــــايا وشبـــاااب

وانا بدّيت الصباايا لانهن هن المستهدفات بهالموضوع

الموضوع يختص بالذوووق

وانا مهما ارتفعت بالذوق ماراح اصير نفس ذوق السحالي

العن بليسكن شلون ذوقكن زين هاللون؟

الوكاد انا الحين قاعد ارمم بيتنا ومركز حييييييل على شقتي

يعني مدهر فيها ادهار مو شوي

الى الان خالص كل شي بشقتي

بقى بس ( الديكور - الارضيات (صالة / غرفة النوم / غرفة مكتب / مطبخ / حمام وانتم بكرامة ) - الاصباغ )

بصراحة تعبت من التفكير

ماجيتكم الا ومخي تالف من الحيرة والتفكير

اول شي طبعا شقتي ابيها بنظام شبابي حديث مابي شي كلاسيكي

ابي شي غريب شي مو مألوف

طبعا راح أبدى أول شي بالديكور

شفت كتالوجات الدنيا ماعجبني شي كلش

مغربي وبطيخ ومادري وشو هذا ماخش مزاجي وكله كلاسيكي ورسمي

ابي من اللي عندهم مخيلات وقدرة على التصميم

ابي ديكور فكرته غريبه بس مابي شي متطرف

يعني مابي شي مبالغ فيه حيييل لدرجة انه ينقلب لشين

هذا اول شي

ثاني شي بالنسبة للأرضيات مثل ماقلت لكم

(صالة / غرفة النوم / غرفة مكتب / مطبخ / حمام وانتم بكرامة )

كل وحده غير الثانيه ماعدى الصالة والمكتب نفس الشي

ابي اذواقكم بالصور سواء من بيوتكم او من النت

وابي كل صورة تقول هذا لكذا

/

وبالنسبة للاصباغ

مابي اصبغ الغرف ساده

ابي تعرجات غريبه

وافكار غريبه

/

نخلص من هذولن راح اجيكم بموضوع التأثيث ...

تكفون ترى هالموضوع جد
ولا بأس ببعض القفشات اللي بخاطره يبهذل بي

يابنت النور فكيني من هل الفله لايبهذلون عيشتي

راجع لكم ودوكم هالـ اغديكم تشمونها وتحششون وتجيبون افكار عليها الكلام

BrB

**ريم الصمان** · 26-04-2008 10:02

[align=center]هااااي المطنوخ

وش عندك ابتتزوج؟؟؟؟

داريه اني من زمان ملقوفه

بس ياطول ليلها اللي تبي تتزوجها خاصه وانت ماعندك شنب

انا مصممة ديكور بس ما اقدر اعطيك افكاري الفذه كلها الا بعد ما اجي واحط توقيعي على لمساتي

بس بالنسبه للصاله جرب تلون كل جدار بلون مختلف والجدار اللي بالواجهه لونه

اللون الذهبي اللي فيه شوي لمعه واختار الجدران الثلاثه الباقيه اللوان هاديه شوي مثل العنابي

واي لونيين تختار انا شفته في بيت صديقتي وعجبني شكله قوه تحسه مميز ومافيه تكرار

بحاول اصورلك المكان واحطه هنا متأكده راح يعجبك تسوي مثله

وغرفة المكتب انصحك تضبطها كلها من الالف للياء من ايكيا الانارات اول شي واهم شي

عموما انا اكثر قريباتي يحبون يتفننون في بيوتهم ودايما يطلعون حركات حلوه وغريبه

ابنبشلك واعلمك

بس انت وين ساكن؟؟[/align]

**بـنـت النـور** · 26-04-2008 19:13

[align=right]

و

[align=center]مثبت[/align]

[/align]

**عبدالله المهيني** · 26-04-2008 22:13

يلعن إبليس ياهوووووه

أجل أخيراً نويت تتزوج <<< نشبه

مقدماً <<<< نشبه بقوة

أولاً ياليت تستعجل بموضوع التأثيث <<<< لانه على وشك البداية

نجي للديكورات والأصباغ والأرضيات

( ترى ماراح أقولك إلا اللي طبقته بشقتي اللي على وشك تخلص )

شف ياطويل العمر أنا حصلت إن المكسيكي حاجه حلوه للمدخل الرئيسي

أما غرفة النوم مالها إلا الترخيم طبعاً من وجهة نظري

الصالات وغرفة المجلس تعتيق بس عاااد ماعندي صور للرسمات والألوان على حسب الأرضيات

بس شف سالفة الغرفة الوحده فيها لونين أنا شفتها على أرض الواقع
قبل أبدأ بالأصباغ وربي شيء يسد النفس يعني انتبه منه

دورات المياه ( أعزكم الله ) شف لها ألوان من كتالوجات الأطفال وربي فيها ألوان رئيسية روعه وناعمه

نجي للجبس

أعتقد الصالات ماتحتاج أسقف كاملة وأشوف الكورنيش كافي ووافي
خصوصاً الكورنيش الجديد السادهـ حاجه جونان

أما غرفة النوم والمجلس فيه أسقف يجي فيها رسومات أخشاب إذا ضبطته مع الألوان بتطلع روعه
ويمكن حتى تحولها لأسهم
( بس عاااد المجلس ممكن تختار الأشكال الدائرية يمكن تطلع شبابية أكثر على حسب ذوقك )

الأرضيات
بتكلم عن المكتب بس
أشوف الأرضيات الخشبية أفضل لها والأشكال كثيرة طب وأختار

ولا تأخذ أرضيات إلا أرضيات معالجة تقاوم التمدد والخدش والبقع
وإذا عليها كفاله أفضل ( ضمان بالسعودي

)

والله يتمم لك بخير << نشبه صوح

**ريم الصمان** · 26-04-2008 23:03

[align=center]عبدالله المهيني من اللي سمح لك تسب اقتراحي

فكوني عليه ابكب سطل الصبغ عليه

فكوني لاحد يمسكني

الوعد قدام والله لاقعدلك عند باب المطنوخ

ومعي كل الصراصير اللي جمعتها من الفله

هين بس[/align]

**عبدالله المهيني** · 26-04-2008 23:08

^
^
^

**ريال الفسحه** · 27-04-2008 18:17

[align=center]
اولا

شربتن تدير مسمعك يالهديفه هاللحين بالله رجال ياثث شقته
وجاي بقسم الحريم ويتنشد وش الزين ؟
لا ومايبي مثل خلق الله تبي شي مميز ياوجه الضبعه انت ووجهك
اللي تقل ملقاط
بعدين ماتخاف يجي واحد يقرا موضوعك وينقد عليك ؟

\

ثانيا

شعندك تبي تعرس يالصمل ؟

جلي ماني معلمك انك مانت وجه عرس ووغدان تسان عندك زود
فلوس كزهن لي وخلن اسنعك يالداج

اجل تخيلو معي وغد يتبع المطنوخ ويقول له بابا

ياخي مادري ليه احس عيالك اذا كبرو يبون يسحبون عليك يالقفش

عاد اتخيل شكلك تنادي يافلاااان تعال يقول ضف وجهك

\

ثالثا

اعتبر ما ساقوله امر ليس باقتراح

الصاله حط لون الجدار لون [ سدو ] يعني احمر باسود والمراكي جب لك
كم شداد وحطهن ومايحتاج مخاد وكنب وهالخرابيط
غرفة النوم ياطويل الاذن حط حصير وفوقه بطانيه وحده حقت نفر واحد الي
هو انت ياعزوووبي ياكحته

شتبي بالمكتب ؟

لاتحط مكتب ياوجه الضفدع

انت تبيني اجيك للكويت واسنعك ؟

\

بعدين قلّي يالسلحفاه

منهي مقرودة الحظ الي تبي تاخذ واحد مثلك وجه مثل
مقفاه ؟
هي شافتك او شافت صورتك والله حرام مثلك يعرس وجهك
تقل صرّة عجوزميتن رجله له اربعين سنه

آآآهليتن حولك واسنعك اجل غرفه بلونين

شهالحتسي ؟

ساهم في بناء وتأثيث شقة المطنوخ ( موضوع متجدد )

انت من خذيت الاعلامي ونت خربان وخربانن حظك
يالمنهلس

يالربع وين هل الشماته [ الجعيثن / ابوخليف / عجايب / العزي وووين الباقين ]

شقال قال صبغ متعرج

اياعلك بالقنات الي تعرج على مقفاك يامقفا العنز

ابروح ادور لك صبغ متعرج
[/align]

**ريم شمر** · 27-04-2008 22:24

^
^
مثل ماقال ريالووه

بالاضافه الى انوه المفروض تسوي شقه كامله من مقاميعوه خاصه بالعروس لها لحالها

وانت حط لك صندقه ارضيتها سيراميك وتخب عليك

الوكاد انا الحين قاعد ارمم بيتنا ومركز حييييييل على شقتي

اشرح هالجمله من فضلك

يعني انت ساكن عند اهلك

والا شنووو

تسان السالفة تسذا ماعندنا لك بنات للعرس

<<<<وانتي وش دخل اهلتس يامره

شي طبعا شقتي ابيها بنظام شبابي حديث مابي شي كلاسيكي

ابي شي غريب شي مو مألوف

صدقني مافيه احلى من الكلاسيكي مهما تغيرت الموضات يبقى صالح لكل زمان ومكان

بعدين تجيب لك شي غريب وشبابي وشوي الا يصير قديم وماله سنع وتندم

بعدين وشهو هالغريب والغير مألوف

مثل هذا يعني

والا وش رايك بالوان فجوله فديتها

عموما علشان ماتقول هذي جت تطنز وبس

شف هالصور يمكن تقدر تبتكر منها شي

دقق بالتفاصيل الصغيره ,,

لاتستعمل اساليب الرجال بالنظره الشامله

شفنا حنا وشلون نطلع الابره المنكسره من كومة ابر

.
.

قبل اطلع نصيحتي لك تبتكر بالستاير وهي اللي مو لازم تكون كلاسيكيه

لأنها تعطي منظر رائع جدا ....اذا فضيت بصور لك ستارة الصاله عندي نعومه وحلوه

وهذي ستاير هنديه اذا لك بالهندي ,,

ونصيحه أخرى

اهتم بالاضاءه فهي نصف الجمال

واصدق دعواتي لك بالتوفيق

.
.