يالجنوبي دوك صدري وهات صدرك يالجنوبي_+_+_دارت الدنيا علينا واكتم صدر الشمالي

**فيصل الاسلمي** · 14-04-2008 16:53

صدر الشمالي

من ابداااااااااع شاعرنا الغالي عبدالكريم بن زيد الجباري الاسلمي الشمري

يالجنوبي دوك صدري وهات صدرك يالجنوبي
دارت الدنيا علينا وانكتم صدر الشمالــــــي

فاض صبري وانتهيت ومابقا الا اشق ثوبـــــي
مال حظي وانغبنت ومال واستعدل عقالي

آه يا دبل الكبود وآه ياغبني وحـــــوبــــي
وآه ياذاك الحبيب وآه ياطول الليالـــــي

وآه منك يالليالي وآه يادوبك ودوبــــــــي
وآه ياحر الخفوق وآه يالي مايبالــــي

وآخ لوني ماعشقت وآخ ما تغفر ذنوبـي
وآخ والا آه يعني تبترد اليوم غالـي

وين قيس وين عنتر في عذابي مادروبي
ويش حبك يا كثير ويش حبك يالهلالــي

اي نعم هذا انا هذا انا الي ماهقوبـــي
قالو ان قلبك حديد وللهوى لاما يبالــــــي

ما هقيت الحب بلوى غلطتي واكبر عيوبي
وما اقتنعت ان القناعه كنز مايعرف الزوالي

لين صابتني رماحك بالخفوق وطعنوبي
يا الغلا ياروح قلبي يالرصيد الي بقالــــي

يالطريق الي مشيته دون لا احسب دروبي
يالعسل يالذة الماء ياصفا نبع الزلالـــي

يابعد روح المعذب ياعنا قلب العزوبــي
ياقدوع الكيف ياكيف القدوع وكيف بالي

يالنفل ياريح عشبن جاء مع لفح الهبوبي
ياربيع(ن) ماظهر للناس من اول وتــــالي

ادري انك ذنب لاكن عن ذنوبك ما اتوبي
اي انعم بس انت وينك يا غلاي وزين فالي

لو يجيني الف حضنن غير حضنك ما اذوبي
يعلم الله غير شخصك كل شخصن ماطرالي

ياغلاي ارجع فديتك مابقا الا اشق ثوبي
ياهواي وراس مالي يالرصيد اللي بقالي

انكتم صدر الشمالي واتسع صدر الجنوبي
والعرب تضرب مثلها في سعة صدر الشمالي!!

**هند القاضي** · 14-04-2008 21:07

[align=center]صح لسان شاعرها وتسلم يمين ناقلها [/align]

**((عبدالله بن غيث))** · 15-04-2008 00:52

تسلم يمينك يالغالي

وصح لسان الجباري

**القعيطي** · 16-04-2008 03:03

صح لسانك

مع تحيات
القعيطي

**فيصل الاسلمي** · 16-04-2008 11:04

مشكورين على مروركم الطيب

شـكــ وبارك الله فيك ـــرا لك ... لك مني أجمل تحية .

**ماجد علوان** · 16-04-2008 15:39

صح لسان شاعرها
وسلمت يمين ناقلها

**النــاايف** · 21-04-2008 01:48

[align=center]
تسلم ذائقتك على القصيده الجميـــله
وصح لســــــــــان شاعرها ..

الجبــــــــــــــاري ماهي غريبه هالحنكه
وقوة الأبيات عليه

كل ما اقرا قصايد عبد الكريم يعني بصراحه
اتذكر المرحوم الشاعر : منصور بن سعدي الرمالي .

واللي امثاله مكسب للقبيله اللي ينتميله
الله يحفظه ويطول بعمره انشاء الله[/align]