اليوم طلبوا عيالي فلوس يبون يشترون حاجات للمدارس وانا مستعجل عندي سفر وركبت
السياره وقمت افكر بصرافات الراجحي اخبرهن مثل العنز اللي ماتولد الا بالبرد وهن مايخربن الا اذا
صار وقتك ضيق 000
وانا اجي للاولى يمار اشارتها الحمراء من بعيد مولعه ملعونة الجدف وقلت ابي الثانيه ويوم قربت
شفت الاشاره خضراء يعني زينه وقلت الحمدلله 00 ونزلت وحطيت بطاقتي وهي تلهمها داخل وهي
ساكته بنت الملعون وتكتب لي راجع الفرع 0 والبنك قافل الساعه ست المغرب 00
وهي تاصل عندي الى الاتش وافصخ النعله واقعد اضربها ضرب الذين كفروا لين خليت الشاشة حقتها
تقل صوابر مجدور ويالله يدخلون علي الشباب ويمسكونن عنها والا كان خليتها خمسين قطعه
هالخسيسه ماهي اول مره تسويها بي 00
قلت انا عقبها من القهر:
[poem=font=",6,black,bold,normal" bkcolor="white" bkimage="" border="groove,4," type=2 line=0 align=center use=ex num="0,black""]
يالخاينه ماذقت طـيبك وجودك=لو كان ريحـك يشبه اليـوسفـنـدي
تـسعـيـن نعـله كلها في خـدودك=وهذا جزاك وقـيـمـتـك دوم عندي
وان مامـسكتي ياللعـينه حـدودك=مايـمـنـعـن دونـك ثـلاثـيـن جنـدي
قامت تلالي فـوق راسك رعـودك=لما غـدى وجهك تقـل وجـه هـندي
لعـنـت بالـنـعـلـه سلايل جـدودك=وغـدى غـبارك مـثـل دخـان سندي [/poem]
رد مع اقتباس
المفضلات