لايفوتك صور بنات سعوديات +كويتيات+اماراتيات

**يـــوسف** · 01-07-2008 18:53

أخوي مقبل بالنسبه لنشر المقاطع والله ماتطلع إلا من شخص مريض نفسي ويحس بالنقص وتلقاه يتفاخر بوسط الشباب ويوزع مقطع أو صورة البنت ...

يعني الشخص إذا أخطى ومحد معصوم من الخطاء وأي إنسان يقول ماأخطيت أقوله تعقب

بس الخطاء اني ازيد الخطا خطا وفضيحه ...

أخوي كحل ... وش ورانا نشوف طيات المجتمع

العفو باأخت سهام ...لا يكثر أمثالي أنتم ماتعرفون عني شي يعني مو كل من كتب خلاص كل شخص بهالدنيا وأنا أولهم لنا أخطاء بس قولي عسىا الله يهدي الجميع ويستر على بنات المسلمين ..

أخوي الحسيني الله يجزاك خير وعسىا ربي يستر عليك ويوفقك دنيا وآخره ...

**شريف روما** · 02-07-2008 07:16

بادئ ذي بدء << اقعععععد يالاسلوب

انا اشوف ان البنت مايحتاج تشبك نت
ولا يكون عنده تلفون
ولا تروح تسير عند رفيجاته ( صديقاته )

عنده خواته وبنات عمه وبس
غير هالكلام مايمشي

الحمدلله الثقة موجوده والاخلاق عالية
ولكن هذلي اشياء مالهن داعي
والبنت ماراح تموت من دونهن

لو الكل يطبق هالكلام
كان شفتوا الدنيا بخير

الحين يزعلن مني بنات المضايف

يوسف
الله يعطيك العافية

تعالي لفلة حجاج أنتي فلاوية تجوز لك فلة حجاج

لا تدلل على مضيفك

**يـــوسف** · 02-07-2008 23:08

شريف روما ياخي انت الظاهر تبي تقرد روحك ههههههههههههههههههههههههههههههه

يارجل فيه بنات بس أسم ولا اعوذ بالله والله لو يتولجنك ياشيخ مايردك إلا قوقل فك عمرك بس

بالنسبه لكلامك أن البنت ماتطلع ولا تروح ولا شي أسمح لي اختلف معك ..

يعني تكبت الضعيفه وتخليها بين أربع جدران تشوف هالشي من صالحه ؟؟؟

أنا أشوفه انه سبب يخليها تسوي أشياء ماترضى أحد وومن الطفش والضيقه اللي فيها ومعاملة أهلها كذا تسوي هالشي ..

يعني مثلا هي خلقه متضايقه وحالته حاله يدق عليها واحد من اللي يقالهم (خرفان )

ويزعجه إلين ترد ويقعد يسوي نفسه طيب وحبوب ويشكي له وهي ترتاح وتشكي له من معاملة أهلها ...

وكذا راح يكون الاخ والاب هم راس المصيبه

خلني أذكرلك سالفه صارت ...
رداّ على كلامك ..
هذي طال عمرك بنت بين عيال يعني ماعنده اخت كلهم اخوان ...
وأهلها مضيقين عليها حيل لدرجة ان صديقاتها اذا دقو قفلت التلفون امها بوجيههن..وأخوها الصغير عمره سبع سنوات تخيل يضربها ضرب الله لايوريك وقدام ابوها وأخوانها الكبار وهم يقولون له ايه حيلك فيها ..ووصلو مرحلة انهم يقومونها من النوم الساعه 3 بالليل ويسحبونه مع شعرها عشان تغسل ملابسهم ولا تسوي لهم شي هم يقدرون عليه ...

البنت الله يعينها حامل والجنين اللي في بطنها ولد حرام ..!!!!!!!
هذي نتيجة معاملتهم لها ..

بالنهايه كل شخص له رايه وله وجهة نظر وجميع وجهات النظر على عيني وراسي ...

**ريميّة شمّر .!** · 03-07-2008 01:25

المشاركة الأصلية كتبت بواسطة يوسف

هل وصلنا مرحلة عدم الغيره على المحارم ؟؟؟
هل ماتت الغيره عند الشباب والفتيات ؟؟؟؟
هل ماتت الاصاله ؟؟؟؟؟؟؟؟
والاهم من كل شي هل الدين بدى يضعف بيننا وصرنا نقلد الغرب بكل شي ؟؟؟

أخي الفاضلْ.. قدْ يكونُ ردي متأخّرْ بعضَ الشيءْ
لكننيْ حديثة العهد بكمْ !

إليكَ رأييْ ( سرداً ) مُتضمّنا ً إجابتي على أسئلتكَ المُوردة هُنا :

ب ِ حُكمْ مُخالطتيْ ل ِ بناتْ جنسيْ .. والله يا أخيْ نحمدُ الله تعالىَ حينما نرىَ الكثيرْ ..
شبابْ وفتياتْ هذا الزمنْ يعيشونَ (غفلة) .. أو بالأصحْ ( نوعْ منَ التخلّفْ ) فيْ التفكيرْ !!

للأسفْ لا يُحكّمْ الكثيرْ عقولهمْ بل ِ القلوبْ .. وحينها تذهبْ (سُمعة) الكثيرْ أدراجَ الرّياحْ !!
الأمورْ حسبما تكونْ تنقسِمْ إلىَ ثلاثة أقسامْ :

أمورْ يجبْ أنْ نفكّرُ فيها ب ِ عقولنا ( نُحكّمها)
أمورْ يجبُ أنْ نعرِضُها علىَ قلوبِنا
أمورْ يجبْ أنْ نُحكّمُ فيها العقلْ والقلبْ معا ً !!

إنْ كانَ الصّديقْ فيْ زمننا يخونْ صديقه .. فكيفَ لنا أنْ نتّخِذ نحنُ الفتياتْ بالذّاتْ ( حبيبا ً ؟؟ !! )

الفتاة ( سمعة ) فإن ذهبتْ سمعتُها فماذا تبقّى ؟؟

أعودُ لأمر ِ الشّبابْ .. صدقنيْ أخيْ المرأة ضعيفة مهما كانتْ فالأمرْ المريرْ أنْ يستخدمْ الرّجلْ قوّتهُ فيْ نشر ِ مساويءْ وأخطاءْ الناسْ
حينما تتسبّبْ فيْ ( فضيحة ) فتاة أو بالأصحْ عائلة أو ( قبيلة ) فتذكّرْ أنْ ذاكَ قدْ يردُّ لكَ يوما ً ما فيْ أسرتكْ !!

للأسفْ أنَّ ما يجمعُهمْ وما أسموهُ ( الحُبْ ) أصبحَ سِلعة رخيصة تباعُ ب ِ أبخس ِ الأثمانْ !!

حينما تبحثُ الفتاة / الفتى ... عن ِ الحُبْ فهمْ لا يبحثونَ عنِ الإستقرارْ فيْ نهايةِ هذهِ العلاقة !
بلْ تقليدْ أعمى لما يرونهُ هُناكَ علىَ شاشاتِ القنواتِ الفضائيّة !!

بصورة أوضحْ : ( اريدُ أنْ يكونَ لديَّ ( حبيبْ .. حبيبة ) فقط
أمّا المضمون ف لا يُهِمُهُمْ !!

شُكرا ً لفكرك النيّر
وأعتذر ل ِ إطالتيْ

أحتراميْ

**يـــوسف** · 03-07-2008 17:31

بالعكس ياأخت ريم حياك بأي وقت ..

بالنسبه للفضايح والله ياريم وصلنا مرحلة ان بعض الشباب يتفاخر بمعرفته لبنت من القبيله الفلانيه ويذكر هالشي قدام ناس من نفس هالقبيله ...

والحب متى ماصارو الطرفين فاهمين وعارفين حدودهم يكون حاله خاصه ...

ماأشوف أن بنت تسلم نفسها رجال( طبعا إذا كان رجال فعلا ) ويرد لها هالثقه بلعب بشرفها او فضحها بين الناس ولا ذكر علاقته معها قدام خلق الله .... هذا الرخمه أرجل منه >>>

(وإذا بليتو فأستترو)

والتقليد حدثي ولا حرج ...

قبل فتره بأحد المجمعات بالرياض شفت بنات وصراحه أستغربت انهم علني يسوون هالشي ..

يعني نعرف ان فيه شواذ بكل الطرفين بس ماتوصل ان الانسان يفصخ الحياء قدام العالم ..

هالبنات لابسات لبس مايلبسه بالغرب وبالاخص بريطانيا إلا الشواذ والبنات اللي يستخدمون نوع محدد من المخدرات ..

وصياحهم وضحكهم كل واحد يسمعه .. حتى الواحد لو يبي يروح ينصح ولا يقول شي راح يفضحونه بهالسوق ماتسوى عليه ..

وفيه شباب حاليا طايحين يعلقون ستكرات (لزق) على سياراتهم وهي العلامه أصلا للحشيش الله يبعدنا عنه.. شوفي وين الجهل وصل يحطون علامات مايدرون وش معناها بس عشانهم شايفينها بفلم ولا بأغنيه ..

وهم والله أعلم يحسبونه تطور وحضاره

**هادية الشعور** · 05-07-2008 23:59

^
^
^
^
^

اقووووووول يوسف قل الحمد لله الذي عافنا مما ابتلاهم

وترى الشماته شينه مهيب زينه

شف ونا خيتك

ما لنا الا نعدو لهم ولا عليهم

اكيد بتقول وشلون

اقولك شلون

قل

(اللهم يارب انك ياتصلحهم ... ولا تكنسهم وتفكنا من شرهم )

وبص

**يـــوسف** · 06-07-2008 02:36

عز الله دعوه مادعته عجوز رملا هههههههههههههههههههههههههههههههههههههههه

انا ماتشمت بهم اعوذ بالله بس انتقاد يعني ومن باب الضحك شوي

ياحلو دعوتس شي هههههههههههههههه

مشكوره على هالمرور والنصيحه ..

**فتى البيداء** · 17-07-2008 06:55

يوسف أثاريك هنا ؟

والله تكتب بالفلة وتبدع وتكتب بالشكاوى وتبدع والله ضاعت الحيلة معك ماشأالله عليك .

موضوعك قوي وحقيقي وهادف جدا واتمنى أنك تكتب في مثل هالمواضيع الهادفه على طول ..وما تقطع .

وتشكر على غيرتك على أخوانك وأخواتك ..لك مني جزيل الشكر .

أخوك فتى البيداء .