[align=center]
اجتياحات,,
..
..
ابشرك صديت ..صديت..صديت
لين انكسر تمثال صبري بنورك
اجرمت ..وانهارت قوايه ..ولبيت
مطالبك مدري مطالب غرورك
لي درب يمشي لك ولا عنه زليت
ماني مخلوق اصد واجرح شعورك
البعد غربه والمساعي تناهيت
والجرح عطرته بمنديل جورك
..خذني جفا..خذني وصل كيف ماجيت
عليك بالله..كم تضاعف اجورك
اجتاحني بقلب الغلا..كف عفريت
..لاتطري الفرقا.. وانا طوع شورك
آموت..واحيا..شرهت ٍ في بعض ليت
تقرا بحزن وجهي..طلاسم سطورك
مثلي ذبل وردٍ لك العام اهديت؟؟
يامجد من بالجمر امسى بخورك
مامر بالخاطر كثر مانت مريت
وكل....بسلام يمر!!الامرورك
في غيبتك اصدق صدى الثرثره..بيت
وازهى عصور الصمت..لحظة ظهورك
لاعادت الفرقا ولاعاد من بيت
بيتٍ يشتت ذكريات.. بعطورك
حظ المواني طعنة السيف...والصيت
صيت المناره!فوق مرسى بحورك
مثل المداين..ازدهرت وتهاويت
ماطاح نجمٍ..مير هيبة حضورك
حاولت اصد ..وقال قلبي:تماديت
غضيت طرفي..وجت عيوني تزورك
..تنشد عن احوالي؟..وابشرك صديت
من باب ليلي.... لين شباك نورك
..
[/align]
رد مع اقتباس
المشاركة الأصلية كتبت بواسطة عبدالله الجعيثن
المفضلات