سالم ريال فسحه تعالو ابيكم بكلمه راس

**خلف الرويتع** · 21-11-2007 14:50

سالم وريال فسحه صدقوني جهازي ممتاز بس من اعطيتوني تعليماتكم السبوع الماضي وهو في حاله كسيفه مالي شغل شوفولي حل والى والله اعلم عليكم المطنوخ منتظر

شباب الفزعه الجهاز عندى بطى جدا عند تصفح الانترنت ماهو السبب وماهو الحل
اشكركم واتمنى الاجابه تكون على خطوات
اشكركم مقدما على تعاونكم

**المطنوخ** · 21-11-2007 14:55

سالم - ريال الفسحه

ان ماسنعتوا جهاز ابوعتيق لا احرمدكم بهالمضايف حرمده

مابقى الا كمبيوتر ابوعتيق تخربونه

بساع ترونن بليت خشمي وماينشف الا وابوعتيق راضين عليكم

**ريال الفسحه** · 21-11-2007 20:20

[align=center]
ترا اللي خربوه سالم انا مالمست صندوقه

\

ابوعتيق المشكله بالاتصال صعب تحديده يعني يمكن
من نفس الشركه ويمكن البلا بالجهاز ويمكن ويمكن
لكن عليك بالفورمات <-- حل بدوي

اخبر كان جهازي يقطع وتصفحوه مروح وطلعت المشكله
من الوندز وركبت جديد وطلع يبرق

ابو عتيق

الله العالم ان جهازك مابوه البلا اعتقد لانوه كان مزبوط
وبلاوه توه يجيه

انت دي اس ال ؟

اذا ايه متى غيرت الشركه !؟

اقول تعوذ من الشيطان واشرح حالت جهازك بالتفصيل

سالم هات المطرقه وجب لي كومة رمل وجب معك ليور
وسطل ماء زمزم
[/align]

**سالم** · 21-11-2007 23:37

اهلين ابو عتيق ( قلب يرقع من المركوز لـ راس تنوره )
لاتقول اني ناوي احوس جهازك , فداك جهازي و جهاز سليمان و جهاز ابوي بعد

**خلف الرويتع** · 22-11-2007 17:32

هلا ريال فسحه ماعندي دي اس ال انا عن طريق الكنكت 875 تخدم الجيل الثالث لكن المشكله الموقع المتواجد فيه مكان نائي مابوه خدمه غير الكنكت كنت عن طرق الموبيلي ولكن الابراج ضعيفه الحين شغال على الجوال الابراج اكثر الوقت اربعه الى ثلاثه بس مافيه جيل ثالث والمشكله مايفصل بس يعل كبدي اذا جيت افتح اي موقع يعلق بعض الموقع ياخذ 5 دقائق علشان يفتح مافيه حل سريع

هلا سالم تسلم يالخال ويسلم جهازك اما جهاز ابوك اكيد مافيه غير مواضيع الشعير هههههههههه
الله يكون بعونه

والله ادوخني الجهاز بس الاسبوع الجاي اذا ماضبط ابي افرمت ابوه ابي اعطيه مهله اسبوع

**ريال الفسحه** · 22-11-2007 19:11

\

مدام السالفه به كونكت ابنحااااااش

الله يعينك

مالك الا الصبر ويش وداك له

\

سلام

**سالم** · 22-11-2007 21:21

اهلين ابو عتيق , توّي عرفت مشكلتك ,
دام ان اتصالك من كونكت . . !!

انا مثلك جربّت الجيل الثالث لا رحت لـ عرعر , و انت خابر عندنا مامن جيل ثالث
لما اكون بالجيل الثالث تكون السرعه ممتازه حيل , لكن لما اتصل بدون الجيل الثالث الإتصال يعلّق ويتأخر , وكأنه يمشي على ديزل . .
تحس ان الخط الاخضر يالله يمشي . . و فجأه ينطلق مثل سيارة النوري
المشكله مهيب في جهازك ياغالي , الاتصال كذا , يطلع لك ان سرعة الاتصال 115 كيلو , او احياناً
480 كيلو , لكنها فعلياً ماتتجاوز الـ 10 كيلو . . !!

كود:

http://speedtest.net/

هالرابط اللي تشوفه يابعدي هو موقع يقيس لك سرعة الإتصال عندك
جرّب بالموقع او اي موقع اخر لـ قياس سرعة الإتصال بالإنترنت . . !!
وانا مثل ماقلت لك إن إتصال موبايلي و الجوال ضعيف جداً وبمناسبة نصبهم , قبل يومين تم ايقاف عروض موبايلي و الجوال
الترويجيه الخاصه بـ خدمة الإنترنت لوجود تلاعب في سرعة الاتصال اللي قالوا انها سبعه ميغا ,
وهالسرعه مستحيل توصل لها , واعلى سرعه واحد ميغا بس , لا وبعد هالواحد لازم تكون انت لحالك متصل ولا فيه غيرك متصل بالبرج
لا عن طريق تلفون ولا نت , ع العموم ماابي اطوّل , راح اكتب هاليومين موضوع عن اللي صار

,

--- > سرعتي

,

و جرّب مره ثانيه واذا نفس النتيجه إعرف ان الموقع مضبوووط وسرعتك هي اللي طلعّها لك
ماننحرم ياغالي ( قلب )

- ابو عتيق نسيت اقول لك حاجه , لما تحس ان الإتصال بطيء حاول تغير مكان الجوال يمين يسار لين تشوف انه تسنّع
و لـ المعلوميه : الكونكت مالها اي فايده او زياده بالسرعه لما يكون بدون جيل ثالث .

**كحيل الحمداوي** · 29-11-2007 03:52

المشاركة الأصلية كتبت بواسطة خلف الرويتع

سالم وريال فسحه صدقوني جهازي ممتاز بس من اعطيتوني تعليماتكم السبوع الماضي وهو في حاله كسيفه مالي شغل شوفولي حل والى والله اعلم عليكم المطنوخ منتظر

شباب الفزعه الجهاز عندى بطى جدا عند تصفح الانترنت ماهو السبب وماهو الحل
اشكركم واتمنى الاجابه تكون على خطوات
اشكركم مقدما على تعاونكم

وانا زيه بعد بس ما احد خربه
بس تر مافهمت شي من الردود وش الخطوات غير تغيير المكان
والفرمتة مفرمت الجهاز والكود AT&FX كاتبة عقب الفرمتة بس وين
الطريقة الي تخلي المودم يسرع شوين بس تصفح بدون تحميل
الرامات 3 كل واحد 256 والماذر 3333 دبل فل كاش المالج الهارد 160غ
كل المقومات اللي تخلية صاروخ بس التفصح بطي
يقولون في اعدادات بــ regedit اللي يطبقة تصير السرعة 200%
تكفون فزعة اللي يعرف الطريق ينزله بمشاركة وتصير مرجع
الله يجزاكم خير

**ابن جشعم** · 29-11-2007 13:11

^^^
^^
^
اتصالك بالأنترنت وشوو ؟؟

على مواصفاتك او اقل منه بكثيييييييير

مع انترنت معقول اكيد تبي تتصفح سريع.

جرب جهازك على دي اس ال او كونكت كارد من موبايلي او الاتصالات

**كحيل الحمداوي** · 29-11-2007 21:05

[align=center]هلا بمشرفنا الغالي

انا اتصالي مثل ماقال سالم احيانا يطلع السرعة115ك ويوم حطيت الكود
طلعت السرعة 921ك بس لايزال الاتصال رديء ماتعدا الـ10ك حتى لو غيرت المكان
بس دي اس ال ماجربت ابجرب إن شاء الله واردلك انا تر كنت غايب
عن الكمبيوتر منشغلن بدراسات وابطيت عنه ويوم رجعتله تقل اول مرة
استعمله بس طال عمرك للحين محد حط الطريقة اللي با regedit وتخلية
سريع الا اذا مالة علاقة لان بزعمي الUSP مايتدخلبة regedit مثل المودم العادي
بس لايمنع انه اذا فيه احد عندة الطريقة يتحفنا به
اشكر ردك يابن جشعم
تحياتي لك ولاخوة كلهم.[/align]