[align=center]بسم الله الرحمن الرحيم
أتت موجعه .. فخرجت موجعه ْ
[poem=font="Simplified Arabic,5,black,normal,normal" bkcolor="burlywood" bkimage="" border="solid,1,black" type=2 line=0 align=center use=ex num="0,black"]
يالإنسان وش حدك على انك تقتل الإنسان = ابن آدم و تسعى لقتل اخوك ابن آدم الثاني
..=..
كفانا من الغلط ما يكفي ان آدم هو الغلطان = ثمنه اللي دفع .. جنــّـة رغــَـد مقطوفها داني
..=..
تعالوا نسأل انفسنا مدام قلوبنا .. شتــّـان = وش اسباب الوجود و كل ما دون ْ السما فاني
..=..
حتى اللي تحت .. حتى الثرى ( كـُل مَن ْ عليها فان ْ ) = ليه انعيش و الواحد يعيش بدنيته .. عاني ْ
..=..
اكيد ان السبب نعبد إلـه ٍ .. غافر ٍ .. رحمــان = إلــه ٍ من كــَـرم عفوه ْ .. سِتر في أرضه الجاني
..=..
ألا يا صبر الأرض اللي بظهرها شالت الطغيان = احد كافر .. و احد ظالم .. و احد خاين .. و احد زاني
..=..
و احد عذره نسى و الا سهى ياااخي بلاش ألوان = قهر ياخي قهر والله قهر .. يارب وش جاني
..=..
زمن ماشوف انا به فرق .. بين انسان او حيوان = مدام اني الاقي من يهين اخواني .. اخواني
..=..
هنا بغداد مفجوعه .. هنا لبنان .. و السودان = تصدق فيه سوداني .. ذبح مليون سوداني
..=..
ترى ماهيب نكته ذي حقيقه ياعرب .. يااخوان = حماس و فتح .. اخيــرا ً .. هدّوا اللي باني الباني
..=..
مير بطاري ( الباني ) تصدق كم يموت ( ألبان ) = سبب جوع و سبب ضيعه .. و ذنبه انـّـه ( ألباني )
..=..
نصدق كذبة الحريه اللي من ورى القضبان = مصالح في مصالح .. و الهدف مشروع إنساني
..=..
هـِنا ..؟ أفضل اساليب السياسه .. ( تسكت و تنهان ) = و حنا نطبل بفرحه على .. ليحان .. و ليحاني
..=..
اهم شي آخر ايام الشهر راتب يجي ... و احيان .. = .. يا فرحه فييييه ما تمـّــت يشوقني و يجفاني
..=..
ياربي وش بها الدنيا كذا احزان .. في .. احزان = اسوق الرجل للضيقه و لا ادري ويش ودّاني
..=..
و اضييق و كل ما مات الطموح .. يعيش بي إيمان = و اهزّه .. و اسأله .. دامي كذا ..؟ ليه الله احياني
..=..
و افكر و آتعوّذ بالولي ْ .. من هرجة الشيطان = قصيدي لو تبلـّـيته .. فانا ياما تبلاّني
..=..
و الا وش علي من غلطة انسان ٍ .. قتل انسان = خل ابن آدم بكيييفه / يهين ابن آدم الثاني [/poem]
دمتم ْ
اخوكم الغيور / محمد بن راشد الغنام[/align]
رد مع اقتباس
المفضلات