الكاااااااااااااايده!

[وبران آل كليب]

جيوش شعري كملت
تدريبها
وارسلتها مثل الحرار
الصايده
ياصاحبي يوم اكتمل
ترتيبها
دعسستها راس الوزير
وقايده
وانا العزيز ولابتي
تدري بها
قوم" مهي يوم اللقا
بمحايده
ربعي هل الطولات
واماري بها
يام" على العدوان دايم
سايده
ياصاحبي ذيب الليالي:
ذيبها
مايأكل إلا من جنوب
القايده
سلم على الشكه وبلغ
ريبها
إن المزور ما مشت
شهايده
وسلم على اللي لاغدت
ياتي بها
شرواك لا كبرت ورب
المايده
وقله ترى بعض الحجج
مالي بها
لا بارك الله في العلوم
الزايده
باصبر لو اللحيه تكاثر
شيبها
وبرضى بحكم" ساقه اللي
رايده
والا الوناسه مبطي"
عهدي بها
عهدي بها عهد القرون
البايده
وعندي نصيحه وانت قللي
جيبها
وخذها ولا ابغى من وراها
فايده
لا ثقلت احمولك فلا
ترمي بها
إلا على كتف" يشيل
الكايده
‏

[سرحــان]

[align=center]
لا ثقلت حمولك فلا ترمـي بهـا
.......................الا علـى كتـف" يشيـل الكايـده

وبران لو لم تقل الاهذا البيت لكفا ان اصبح من جمهورك

صح السااااااااااااااااااااك ملااايين

وسجل اعجابي [/align]

[نافع بن طواله]

لا ثقلت احمولك فلا ترمي بها
............ إلا على كتف" يشيل الكايده

عزالله انك جبتها

صح لسانك


تقبل مروري المتواضع


اخوك
ابو طواله

[أم نــــــــــواف]

قصيدة إهزوجية الموسيقى

حماسية المحتوى

حكيمة المُراد


بارك الله فيك اخوي وبران


وياهلا

[مقلع الظروس]

أخي الفاضل // وبران ال كليب















لله دررررك يا بطل
















أصبت






















فصح الله لسانك .. واعلا من شانك ..




















تحياتي لشخصك المحترم

[محمد الهزاع]

وبران

صح لسانك وسلمت ولا هنت

قصيدة رائعة من شاعر رائع

نعم بك وبربعك

تقديري لك

[زاهي التومي]

وبران


صح لسانكـ


قصيده جميله بحرها الحدا


قافيتها جميله


احتوت على معنى جميل



تحياتي

[وبران آل كليب]

اخوي
سرحان
مراااااااحب
شرفني مرورك المميز لاعدمتك ياكحيلان
دمت بعز

[وبران آل كليب]

اخي
سرحان
مرااااااااحب
شرفني مرورك الغالي لاعدمتك ياكحيلان
دمت بعز

[وبران آل كليب]

اخي
نافع بن طواله
اسفرت وانورت
مرورك شرف وردك تاج على راسي عساني مااعدم وجودك ياذيب
دمت بعز