السلام عليكم معاشر الابرياء
وعليكن من أجحفتن حقوقنا بالحياه
لعنبوهن تسيف مهر ثمانين ألف!
بدايه
ريال الفسحه غاب فتره
وفي هذا الوقت رأينا الكنبيوتر يجوب شوارع المضايف
هل لفت إنتباهكم هذا
إليكم القصه
\\\\\\\\\\
بينما كنت أسوق سيارتي
إذا بذلك الشخص يهز يديه ناحيه الطريق
وقفت سلام عليكم السلام
كان بفموه عود توه طالعن من مطعم
المهم مالكم بطويله
وأبحر وأناظر وأشوف وأويدز بوجهوه
ليا مار هذا ريال
نزلت
عانقته
يا حي الله ريال
وشلونك وشلون من يعز عليك
قال /كلهم كويسين
يالله حيوه
إرتسب خلن أوصلك
يوم رتسب
وشلونك عساك طيب
قال/ ترك أذيتن كل شوين وشلونك خلاص قلت لك كويس
أثريه معصّب
قلت ريال وأنا أخوك ترى الدنيا ما تسوا زعلك
علّمن وشو اللي مضايقك
قال/ تسلم والله يا صدى
مار اللي مزعّلن شينن كايد
قلت وانا أخوك كل شي لأجلك يهون
بس علّمن
قال/ تشوف مشوين يوم أطلع من المطعم
قلت /إيه
قال/ جيت المطعم أنا وطلبت لي مندي لحم ودفعت حقوه
المهم وهو يجيب لي دجاجه ومن الجوع ما ميّزت هو لحم ولا دجاج
المهم يوم قضيت وأمسك الدجاجه وأويدز به ليامار دجاجه
وانا أزهم على أبو يمن قلت ياخوي اللي جبتوه لي دجاج وأنا طالب لحم
قال إنت كليتوه
قلت ايه
قال خلاص راحت عليك
قلت يابن الحلال
قال لا حلال ولا حرام
إطلع برا
وانالك يا صدى أقمز عليه
بس الماخوذ بعاير<<<<<<<<<<<<<من بعير
كمّخن كمّخن وطردن
وهلي جيت وخذيتن
قلت/ بس هذا اللي مزعلك يا ريال
قال/ ايه
قلت/ هالحين أشري لك اللي تبي وتملي مبعرك
قال/ لا يا صدى خلاص طابت نفسي
المهم يوم خذينا شوي
وهو يصيح ريال
قلت وش علمك
قال/ كن كن كن كن كن
قلت / وش بلاك تكن كن
قال/ كن كن كن كن
عاد أنا خابرن تحت الكشن قواطي
طلّعت حديهن وسددت له بالحنك
قال/ كنبيوتر كنبيوتر
قلت/وش علمه
قال/ يشّر
رجعت له يمار هذا الكنبيوتر
يوم شافن وهو لكم ينقز من الفرحه<<<<<<<<<<أنا كلن يغلينن
نزلت سلمت عليه
ونزل ريال وحب راسوه
وشلونك يالكنبيوتر
علومك وأخبارك
قال/ تمام التمام
قلت /وين تبي
قال / إنتم وين تبون
قلت/ حنا مالنا وجهه خذتنا السوالف وحنا بالسياره
قال/ انا أمس شريت لي سروال وطلع ضيّق وأبروح أرجّعه
قلت / يعني تبي السوق
قال/ إيه
المهم ركبو كلهم ورا
وانا لحالي دزدام
قلت/ يالربع ما واحدن منكم يجي دزدام
قال ريال/ ايه انا أجي
قال الكنبيوتر/ لا أنا أجي
قال ريال/ تفضل يالكنبيبوتر
قال الكنبيوتر/ لا تفضل ياريال
قلت تدرون خلوكم كلكم ورا
قالو تم
المهم وصلنا السوق
نزلنا كلنا
قال الكنبيوتر/ يالربع ترونن ما أدل المحل بس نبي ندوج غدي الله يعقلوه
المهم مشينا
وبعد فتره وجيزه
وفجأه إختفى ريال
قلت/ يالكنبيوتر ريال وينوه؟
قال/ والله يالغالي علمي علمك
بعد تقريبا ثلاثة عشر خطوه
جا ريال
يمار معهو حلويات
وشينن ياكلوه وشينن يلحسوه وشين.................
بحّربوه الكنبيوتر قال/ أبعد عن السروال لا تملّيه بعدين ما أقوى أرجّعوه.
ألتفت للكنبيوتر قلت/ هالحين إنت ماتستحي
قال/ ليه
قلت / مجرجرنا عشان سروال
قال/ توك تشعر
قلت/ أقول إجدعوه
قال/ وشو أجدع
قلت/ إجدعوه الله يلعنوه
قال/ وش أجدع
قلت/ إجدع اللي بيدك
قال/ ومن يشريلي غيروه
قلت/إجدعوه أنا أشريلك
المهم وافق
وبالسوق الناس واجد
إبتلش وشلون يجدعوه من غير ما يحسون خلق الله
مر من قدام الكنبيوتر وغيد
إنتهز الكنبيوتر هذه الفرصه وأعطى مامعه للوغيد قاله/ عط هالكفن للبوك
الوغيد مايدري وشو الكفن
خذاه وراح
مشينا طبعا الكنبيوتر بالوسط وعلى يمينه ريال وعلى يساره صدى
لفت إنتباهي عجوز تبيع هدوم داخليه<<<<<<<<<<<<طبعا هذي عجوز وجهه قوي أول أرنب
وقفت عنده قلت/ ياخاله ماعندتس هدوم فوق الركبه
قالت / وشو فوق الركبه
قال ريال/ نبي سروال ياملا المايس
قالت / ايه واجد السراويل
شفهن عندك
خذيت واحد قلت للكنبيوتر/ إستدر أبي أقوس
قال/ والله ماطرت
قلت/ ليه
قال/ عطن ياوه أنا أقوس
قلت/ هاك
بينما الكنبيوتر يقوس
قال ريال للكنبيوتر/ كنبيوتر الغالي هالحين يديي كلهن حلا من هاللي شريتوه وين المغاسل
قال الكنبيوتر/ وشو لوه مغاسل شف طرف هالزوليه إمحش يديك به
قال صدى/ صدقت يالكنبيوتر
قال ريال/ هذي زوليه العجوز أخاف تعمل بي مثل ما عمل بي راع المطعم
قال صدى/ أسمع أنا أبنشّده وإنت بساع إمحش يدينك
قال ريال/ تم
المهم قام ينشّده صدى
وهو يمسك ريال طرف الزوليه وهو بساع يمحش يدوه اليمنى
ويوم جاء يمحش اليسرى نشبت
حاول يخلّص اليسرى ونشبت اليمنى وهي لكم تنشب يدونه كلهن
وهي تصيح البنيه
طلع راسه ماهو طرف زوليه
المهم ضاعت علومنا
صدى مسك هذي ولا تشوف إلا غبرتوه
الكنبيوتر جدع اللي معوه وبثر صدى
ريال قمزت عليه العجوز
ويديه براس البنت ناشبات
المهم صدى ما ردتوه إلا السياره
والكنبيوتر يوم وصل عند الباب رجع قال أبضحك عليه
فيما صدى راكب السياره جاء الكنبيوتر
قال صدى وهو يتنفّس بسرعه/ ريال وين ريال
قال الكنبيوت ضاحكا/ مسكتوه العجوز والبنيه تصيح ياما جوه الهيئه طرحوه
قلت/ ياويسي راحبه الولد إمش إمش خلنا نروح نشوف وش صار عيب ننحاش
قال / براسك
رجعنا يامار المطوع قاضبن ريال وريال يبتسي
أنا إبتسمت
والكنبيوتر مات من الضحك
المهم جرّو ريال للجيب
ثم سار الجيب وسرنا خلفه
جينا للقسم
دخلت انا والكنبيوتر/ لقينا ريال يبتسي طبعا
قلت/للمطوع خير وش سوّا هالولد
قال/ هذي معتدي على طفله أمام الناس
الكنبيوتر بخ من الضحك وطلع برّا
قلت/ ما إعتدى لا شي هذا طال عمرك . . قاطعن المطوّع
قال/ لازم يسجن يومين
يوم سمع ريال هالكلمه
قال وهو يبتسي طبعا/ صدى تكفا دق على أبوووووووووووووووي
مالكم بطويله طردونن وريال يبتسي
ركبت السياره قال الكنبيوتر/ هاه وش صار
قلت/ يبي يدق لوه يومين عندهم
وهالحين كملت هاليومين
وهلي تشوفون ريال يدوج عندكم
ملاحظه/ ريال مغيّب معوه سكروب ويقول مالوه عن راس الكنبيوتر
ــــــــــــــــــــــــــــــــ
وأهدي هالتوقيع لريال بمناسبه إطلاق سراحه
رد مع اقتباس
المشاركة الأصلية كتبت بواسطة الكنبيوتر
المفضلات