هموم تسخر مني ... ولكني هذا اليوم سأسخر منها
( الشوفه بين الدين ... ومطرقة العادات)
خطبت بنت عمي وما قصر قال نعين ونعاون والله واتكشخبعد صلاة المغرب وانا أروح لبيت عمي ومايقصر الرجال يرحب ويهلي ويجي الحلا والعصيرات حسيت بأجواء رومنسية .
يوم خلصت من أكل حلا (زنود الست ) وأشرب عصير التوت وتبرد حرارة الصيف داخل المعده .
قلت ياعمي خير الكلام ماقل ودل والله وهي تطير عيونه ويتبهون اول مره احاكيه بالفضاضه بس الموضوع كان عندي مستقبل قلت عمي انت ماقصرت عطيتن بنتك والله وتطير عيونه .
قال انا زوجتك
قلت لا تو الزواج بعد ماشوف زوجتي مستقبلاً .
المهم والله وتطير عيونه ياما صارت تقل لمبات طريق الدائري الشرقي ولا خلت من قدح من الشرار نقظت برودة ذلك العصير .
قال تخبر بنت عمك ماتفرقتوا من اللعب بالسيسان الا قبل فتره .
قلت ايه ياعمي بس هالفترة تغير فيها أشياء وانا ماطلبت غير اني أشوفه .
صكيت عليه يقالي
قال لا تعرف هالامور ماهي من عاداتنا وتقاليدنا .
وتره تشبهن كثير .
والله واتمقل وجه عمي وحط على شفايفه شوية روج ( طبعاً بالخيال ) واكحله ( بعد بالخيال ) قلت يمكن تضبط بعض ملامح نانسي عجرم على عمي .
يمار ماش
قلت عمي والله انت مانت شين لكنك مانت حلو وتختلف النظره في الشبه بين المرأه والرجل خلني أشوفها وتراها اذا وافقت متطلباتي بتصير زوجتي .
قال واذا ماوافقت متطلباتك او ماهي ضمن مواصفات زوجة المستقبل لك .
حجر لي بهالموضوع
قلت تبقى أخت عزيزه .
قال لحظه
والله وأعدل الشماغ واضبط السكبه
ويجي قال الحين تجي .
والله هي تدخل بنت عمي الا متغطيه ماطالع الا عويناته
وتودز علي وتنحاش قال شفته .
قلت عمي انا ماني متزوج عيون بس انا بتزوج بنت كامله .
والله لو الشغله قطاعي .
قال قم ماعندنا بنات نوريهم ولا عندنا لك زوجه
والله وانحاش اوله طرب واخرتها نشب.
علمت هلي وهاوشن ابوي وشلون تبي تشوف بنت الناس وانت ماملكت عليه
قلت يابيي الموضوع ماهو لياطاح الفاس بالراس اذا ملكت عليه وما جازت لي تبي تصير مطلقه .
المهم اقتنع الوالد وقال ترى انا بس اخطب لك لكن مالي خص بشوفاتك انت اشر وانا أخطب مواضيع شوفه مالي دخل فيها ابد انت وجز حالك.
قلت اوجز حالي بس أخطب لي .
وتجي أختي وتمدح زميلتن لها قالت هذي مثل بريتني الخالق الناطق .
قلت يبه اخطب لي فلانه بنت الفلان
خطب وما قصر عاد جا دوري انا وتكشخت ورحت ابي اشوف خطيبتي وزوجة المستقبل .
واجيهم ويقلطون حلا ( سمنت من كثر خطباتي وتقليط الحلا ) ومير اضرب من الحلويات ليا ما خلصت واشرب عصير ونتقهوى قال ابو البنت خير ياولدي .
قلت خير ودي اشوف فلانه ويتغير وجهه ويتلون قلت ليه ارتفع عليك السكر ياخال قال لا بس تدري ان الشوفه ماهي من عاداتنا وتقاليدنا
قلت بس الرسول وصى على الشوفه .
قال هذاك زمن الرسول والقلوب طاهره ماهو وقتنا هذا .
لكن تشوف اخوها الصغير ( وكان جالس عندنا ) تراها تشبهه الخالق الناطق ) واشوف ملامح اخوها واتمقله وين بريتنيالا خشيمه ( افنس تقل خشيم فلبيني )
وسنيناته طالعه والا عيونه حلوه بس أذانه الله يستر عليه كبار .
قلت أضن ياخال مافيه مانع اشوفها .
قال الا فيه مانع والف مانع واعتبر الخطبه لاغيه .
افااااااااااااااا
ياخال
والله يقول انتهينا خلاص أعتبر الموضوع انتهى .
واطلع وانا بلشان حيل
المهم قلت خيره .
وابتلش من اخطب مافيه الا خالتي هي اللي تفهمني .
واجيها وتبرك لي على الخطبه قلت الخطبة صارت فساله ياخالتي
قالت عوذا وليش
قلت كل ما أبي اشوف خطيبتي يطردوني يبون زواجي حظ يانصيب وانا مابي كذا .
قالت حقك ياوليدي وهذي سنة النبي .
قلت فهمتني خويلتي
ندخل بالموضوع ياخالتي انا جاي أخطب بنتك
قالت ابركه من ساعه .
قلت ودي نحدد موعد للشوفه .
قالت بس عاداتنا ياوليدي تمنع هالشي وعيب البنت تشوف زوجها قبل الدخله.
قلت وين حتسيتس تو وتقولين سنه والشرع وحقك .
قال ايه هي سنه بس ماهي فرض.
قلت ( عاد حامت تسبدي ) والزبده
قالت ملك وليلة الدخله تشوفها ............
طلعت وانا مقتنع اني اتزوج من الخارج وعلى السكين واللي أوله شرط أخره نور بمعنى ثاني اللي أوله شوفه أخرتها تفاهم................
الشوفه بين الدين والعادات
ماهي ارائكم ... شاركونا
رد مع اقتباس
المشاركة الأصلية كتبت بواسطة حمود الباتع
المفضلات