)) مــقــلــطــ الــحــريــــمـــ ((

[عجايب بنت الشايب]

[align=center]
سـلام سليـم


أرق من النسيم

لعضواتنا السنيورات

والبرنسيسات

وبأخلاقهن الشامخات

في مجلسكن الوردي

وأنتن عندي من قدي



مجلسنا فلاوي

فقط للفلاويات

ولو جانا فلاوي

عطيناه شوتات

قصص

و نشده

و تجارب

وتعارف

ومواقف طريفه شخصيه



مجلسنا الوردي

سقــفــه

النـقاء

والصـفاء

والعـفه

والمـوده

والألـفه

وش عندي.. وأيش عندك ؟



عطيني علومك .. وأعطيك علومي ؟


عاونيني.. و أعاونك !

فكيني .. و أفكك << ماتسج عن المطاقق


حياكم الله يابنات المضائف ويالمصرقعات خاصةً في مقلطكن ..


والدله لزوم الفله ..

مااحد غريب .. هاكن الدلال والفناجيل ..والحلى ..


















ننتـظركن .. وننتـظر عليماتكن ... جعلني فدوت خشيشاتكن ....,,,


طحياتي ..,,,[/align]

[ابو عارف]

والله مافيكن حيله فشلتنن ابروح أجيب عجوزي من شأن أجلس كأمحرم.

سلام عليكم سلام عليهم هذه أم عارف أعرفكن عليه ترنه بنت شيوخ حطنه على المركا.

أبسولف عليكن سالفة غزوة الحريم.

يقولون إن الحريم في قديم الزمان حاولن أن يتساون مع إخوانهن الرجال الذين كانوا يغزون ويحاربون ويذبحون ويذبحون فقالن الحريم وحنا ويش ناقصنا مانغزي ونكسب ونذبح ونذبح هالكلام هذا دار بينهن وهن يطبخن البقل الذي يستغرق طبخه حوالي أربع ساعات.

أثنا هالوقت الطويل أخذتهن الحماسة وإتفقن على المغزاء بعد صلات عصر ذلك اليوم سيراً على الأقدام على أن يرحن مشي ويرجعن على ظهور الغنائم من الخيل والجيش.


المهم عندما صار ظل الأشياء طوله توكلن على الله ومشن وعددهن يقارب الخمسين وهات أشوف هات أشوف مشي والتفات مشي والتفات حتى غابت الشمس.

يوم غابت الشمس قالن نبي نمرح هنا وإذا أصبحنا هجمنا على من حولنا من العربان وأخذنا حلالهم وبذلك نريح أزواجنا من المغازي المستمرة.

عملن عشاهن وصلن العشاء ونامن من شدة التعب وكانت طريقتهن بالنوم صف كأسنان المشط أدناهن من جهت بيوت أهلهن وأقصاهن من جهت الخلا ونامن وهن كل واحدة منهن ماوده تصير هي القاصية.

خايفات من هالمثل العربي البدوي ( إن الذئب يأكل القاصية من الغنم ).

الذي حصل هو أن الطارفة من جهت الخلا قامت عندما نامن وصارت من الجهة اللي يم البيوت وعندما إنتبهت ألي بعده يمار ماوراه أحد ثم قامت وراحت للجهت نفسها ثم الي تليها واللي تليها ولم تشرق الشمس على هالمنوال إلا كل واحدة منهن عند وغيدانه في بيته.

هذه غزوة الحريم التأريخية

وسلامتكم أبروح عاد يم هالربع اللي مقاطعينن الحريم أتقهوا عندهم إذا مازعلوا علي إني مريتكم كنا طول عمارنا خويا نسرح ونروح سواء هالحين تقول للولد ياوليدي ود أمك للمستشفى أو إختك للمكتبة يرفض يقول خايف خوياي يشوفونن.

إن جازت سوالفي لكن إعزمنن نوبة ثانية

[عجايب بنت الشايب]

8
8

حياك الله في مجلسك ومكانك .. وأبد حياك الله

طلعناك ورفعناك لمجلسك الأصلي ..

بس شكلك تبي هنـــا وجايزن لك ..

حياك الله ..


أنزحن يانسوان خلن أبو عارف يجلس ...


1/0

حياك الله

طحياتي ....’’’

[عجايب بنت الشايب]

ياسلام علينا

وياسلام على مقلطنا ..


تونا فاتحين الباب دخوا هالحنشليه قبلنا

لا حوووول


لا ويقولون كل شيء حريم كل شيء حريم

بعذرهم يطردونكم .. ملقف و غثه ..

أعوذ بالله


الوحده ماتقهوى مرتاحه من لجتكم ..


اقول يالسنيورات ..

عندي لكن سالفه تشيب عيونكن بس تقهون أول ..


حياكن .....’’

[غاده]

[align=center]اخيييييييييييييييييييي يييييييييييييييييييييراااااااااااااا


عجايب انتي كذا


وين الباتشي ماشوفه مع الحلى


موضوع وفكره غير شكل يامميزه [/align]

[عجايب بنت الشايب]

8
8
هلا والله غاده

من داعي لك اليوم الخميس


جيتي والقهوة والحلى مااحد مسكها يالله عاد تنقي وتقهوي قبل لا يجن الربعات ..


بس شوفي ترى انتي اللي بسوين الترمس الثاني ..


موهب تسوين مثل حركات وحده من خواتي

تحرجني قدام النسوان ..

ساعتها ودي اصكها بالترمس ..


طحياتي ......’’

[قـــوت]

الا وشنوحكن جالسات بالمقلط ليه مانتن بالمجلس



وشعندكم مقلط حريم ومقلط رجال احسن حطو باب المضايف واحد للحريم واحد للرجال



جايبه لكن قهوه به عود قرنفل جدتي مسويته لكن


كلي وشي السالفه اللي عندك اللي تشيب بالرموش والحواجب


راجعين انشالله

[عجايب بنت الشايب]

أبو عارف

بارغم انك كنت ضيف لا محل له هنا لا ننكر روعة سالفتك


اجل

إلا كل واحدة منهن عند وغيدانه في بيته.

هههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههه


ذكرتني بحربي مع الشيبان يوم كلن انسحب


مابقى الا رويسي يومي


ثمن فزعت لي .. انت والدكتور ..


يالله


مقااادير ..



و حياك الله ..


وامسح بوجهي .. كل ماجاك .. > وش عقبه . .




طحياتي ......,,

[عجايب بنت الشايب]

أخر االعنقود

عمااااااار ياديرة المحبين


وينك ياخيه

طقتني الشفايه ابيك جاني العظيم وخوية الورعان


وينك ..


هاتي علومك وعلوم كل خوياتك ..

نبلي نفلها


عسى تقهويت .. بس .. وجاز لك هالحلى .. ترى التمر وانا زارعته




هلابك .. والسالفه جايه جايه بحيل الله ......

[سنين]

سالخيييييييييييييييييييير .

وشلونكن يالربااااايع ... جااااايه ومامعي شي لا قهوه ولا شاي ولا اي شي ابد ابد ..


تدرون ليه !!!!

































لانكم ما تستاهلوووووووووووووووووووووون ولا تستحوووووووووووووووووووون يابنات ..


اجل ايمان بنت قويدر تبارك لي على تخرجي في شريط الاهداءات وانتن ولا وحده قالت مبروك ليييييييييييييه وش جايكن مني ... لعنبو دار بليسكن جاملني قولن فرحنا لك لو بالتسذب ... ..

بس ماعندي شي ولاعاد انا جااايه هالمقلط زعلت

اروح لمقلط الجاجيل ابرك لي <<<< تدووور العذر وماتدري وش تسوي ...














سنين