كع كع كع كع كع========>يعني مت من الضحك
الله يقطع ابليستس ياعجوبه
انتبهي مره ثانيه ترا العبايات ماهي هينه عليها حركات ماصلت على النبي
اجيكن بالسالفه على طاري المواقف الحلوه
وانا اروح ذاك اليوم للمملكه انا وجدتي=========>كاشخة بها
ولابسة جدتي العبايه اللي تصفق من اللمعه والله يكرمكم الشبشب الأحمر الطبي على قولتها====مدري من اللي ضاحك عليها
المهم مالكم بالطويله حبيت اصعد فوق قلت خلينا نركب الأصنصير اسهلك وتحلف الا الدرج الكهربائي
قلت بس جدتي متمدنه وشايفتلها شوفه بالمجمع وتبي تصيغر عنده
المهم صعدت انا وقلت يالله الحقيني الا ويجيك هاك المنظر الرائع
تفصخ جدتي الشبشب وتحطه عند الدرج الكربائي======>بتقلع الأخت
واطمري ذيك الطمره الي ماتقولون الا سوبرمان وانا عيوني مبققه فوق
ويوم وصلت بالسلامه ناهيك عن الطمره اللي طمرتها
وانا اللي انهبل ومدري وش اسوي ودي اتبرى منها ودي اصفقها مدري وش اسوي
واللي زادالطين مويه قعدت تنادي من فوق على السكيورتي اللي تحت وتقول بصريح العباره
(ياسكرجي ياوليدي النعال عندك تحت يم الدرج تراها حمر ارسلها بالدرج وبنيتي تلقاها)===ماصارت سامي الجابر ومحمد الدعيع
والعالم اللي يضحك واللي اغمى عليه من الضحك واللي طاح من الدور اللي فوق برضوا من الضحك
واللي قاعد يصور بالجوال ومسمي المقطع( سوبرمان المملكه)
وبعدها حرمت اطلع للسوق وخاصة المملكه ومع جدتي خلاص حطيتها بالقائمه السودا حدها سوق حجاب ويالله
والله نشف ريقي صبي من ترمسك ياغاده وعطيني رطيبة تبل بريطماتي
هذي ورده عربون الصداقه ...
يالله كثر الله خيرتس ...
المفضلات