لا تعتذر محدن خطا بالكلامي *** هرجي سليم ولو تقولون مطفوق
منّي رسالات الغلا والسلامي *** وحده لأبو عارف ووحده لأبو طروق
لا تعتذر ماهو عليكم ملامي *** أشره على اللي من المواجيب مسروق
لونا قبلنا ما قبلنا حرامي *** الرد كلّه يجتمع فيه طاروق
لا تعتذر للي تعلّى الغمامي *** ماهي تحسّب من الخطا فيه ملحوق
ربعي هل الوجهه وحد الحسامي *** يشهد لنا طاري مع الطيب مرفوق
لا يابعد كل الأهل والعمامي *** لا تحسب إنّي من سواياك محروق
هذي لأبو عارف نسل القطامي *** بس لا يوصّف طول جيدن وسمحوق
ولاّ أنت ياللي منبعك بالكرامي *** عالي مقامك يالغلى حيل مرموق
وختامها مانيب أحب الخصامي *** واللي حصل خيرن على الكل مفروق
تحياتي:هندالتويجري
المفضلات