يــا vbclubUserCodE قـــلـــطــ تقـــهــــوا..

[ريال الفسحه]

<==ريال طايرن للدعم ههههههههههههههه

هايس عشت يالله قاااااامي<==خايفن يهون


طنخان عندي اشوف بعض الناسات مسجل بيوزر [ ابوشنب ] ههههههههههههههههههه



خذ صب

[الأصيل]

[align=center]أبوثوب ،، يصل إلى بيت الشعر المخومس
.
.
.

إخخخ إخخخ ( ينوخ الذلول )

هاهو يعقله ،، ويطفيه بالريموت ( 355266ـ العاصمة )[/align]


[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حنا ليا منا نهجنا نهجنا=وحنا ليا منا مشينا مشينا
وحنا ليا منا وصلنا وصلنا=وحنا ليا منا كلينا كلينا
وحنا ليا منا قدعنا قدعنا=وحنا ليا منا بتسينا .. بتسينا[/poem]


[align=center]حار بـ .. حار ( سالفه وقصيده )






بعد أكل القدوع

لم يشرب القهوة ، ها هو ينزل الفنجال !!!!!


عندي ثلاث طلبات :

1 ـ ( سرحان سمي الذيب ) موجود بالكويت ،، وباتسر الأربعاء عندهم عرس

بالصباحيه ،، نبي خطة محكمه لخطفوه بأي ثمن ،، عليك التخطيط وعلي التنفيذ

( هالرجال كل مايجي يتملص مثل الزئبق )

نبي جلسه مضائفيه محفوفه ( بالمخاطر )



2 ـ ياشيخ طنخان ، العربان تفرقت ، ولو تراجع صفحات الفله القديمه راح تلقى

أسماء اختفت من مضارب الفله ،،

هل كلتهم الذيابه ؟؟

هل ذبحوهم أهل الأدب العربي ؟؟!!

هل هم مختطفين في مضيف الشكاوي ومطلوب عليهم فديه !

وكم فقدنا من العزيزين ،

فياحبذا يكون هناك سجل لأرقام هواتفهم ،،

علشان يكون في تواصل بينهم وبينكم يالإدارة .


3 ـ العنوان ،، مكتوب / تقهو يالأصيل ،، أخاف تجيك وحده من العجز وتقول :

لقيت مكتوب : تقهو يافلانه !!! وابلششششششش يالأطنخ .




4 ـ الكصيده منيحه كتير كتير ،، ( لكنك أحرجتنننن )

ياخي أنا كتبته على أساس إنك إنت اللي قاصده مهو أنا !!



5 ـ لازم تكون متواجد طال عمرك على مدار 24 ساعه ( وحبذا في توصيل للمنازل )































متى عشا الافتتاح [/align]

[مانع السرحاني]

[align=center]يملى القو المطنوخ

قهوه دايمه


بعدين قهوتك خفيفه ولا ثقيله

كان تبي لتوفير سو ثقيله

الله يعينيك بعض الربع

يدح دلتين وهو يضحك

انا ترى دلة من الصغار تيزيني

ونا قدعت من الخلاص الي مقاديعه

تقل نجووم بمدخل الصفحه


قهوه دايمه المطنوخ والبارحه ويراكب الي بهق الدور ............. [/align]

[P E A C E]

السلام عليكم..
(واحد عيونه طالعه)
مهوب تسن اسمي اللي مكتوب بعنوان الموضوع؟؟
والا انا متوهم؟؟

قهوتن دايمه يابعد حيي..
الله مير يسلم قلبك..
والله ان الموضوع جاز لي بالحيل..
وشكلي بقعد بوه اربع وعشرين ساعه..
مير لو تبين اصير مشرف عليه ماعندي مانع..<<يحب الحتسي بالحيل..

والله اني انبسطت بالحيل يوم اني سجلت بها المنتدى..
وشاركت مع هالوجيه الطيبه..

تسني كثرت الحتسي..
الله يعينكم علي..

بس ابشروا باللي يبي يجوز لكم يابعد حيي..

[حمود الباتع]

المطنوخ كيف حالك ان شاء الله بخير

الظاهر انك مسويها بالربع كلهم >>>اول مادخلت الا اسمي يلعلع

مشكور على الدعوة

يامرحبا ترحيبتن كنها الطش= في منتدى الفلات تلقى طشاشه
ترحيبتن عطره ينش الوطانش=ترحيبتن فيها ليان ودفاشه
تلقى وجيهن للمسايير تبتش=فيها على كثراللباقة بشاشه

[ريال الفسحه]

صح لسانك



طنخان القهوا

[ابو عارف]

ممالاشك فيه بأن كل من مر على هذا الموضوع سوف يستغرب من عدم دخول ابو عارف مبكراً مع أنه من أوائل المعزومين بل جعل اسمه عنوان لهذا الموضوع ، ولكن مثل مايقولون إذا عرف السبب بطل العجب أنا كنت أخذن بخاطري على المطنوخ شوي يعني زعلان عليه.

ماتقول ذهبت بأول هالربيع للبر شمال شرق منطقة الرقعي قناص معي لي طوير قرناس وسلوقي مابه خير والله يوم وصلت هناك حوالي غياب الشمس يمار هكالسيارتين الجدد لوحات الكويت وهاكالربع شابينن نارهم بهاكالروض ومعهم عدد ثلاث صقور حرار و***ين صيد الواحد كبر الفلو.


قلت ليه ما أمرح حولهم إسامرهم هذه الليلة والصباح رباح والله وأنا أحط بيني وبينهم حوالي الكيلو غرب منهم وقفت سيارتي ونزلت غريضاتي وفرشت فراشي ياوالله يوم قام أحدهم يناديني ويومي لي بالغترة يقول حياك حياك تعال جاي قلت والله إن هذا الوجه السفر والله وأنا أروح يمهم.

يابعدحيي وميتي يوم جيتهم الله يجيرك وهم يتلاقفونن ضرب بالعقل ورفس وبقس حتى قذفت العافيه والله وهم يحطون يديني على ظهري وهم يجضعونن بجنب النار قالوا من وين ياي يالأخو قلت هه قالو نقول من وين ياي يالأخو قلت ما أدري ، قالو يعني أنت تغشمر علينا ياريال ماتدري من ويوين ياي يمار ما أدري ويش يقولون قلت قلت إيه وهم يقومون علي ثاني مره وضرب جف وخل جف لين غفيت.

إغمي علي شوين وأفقت ياوالله هذا سلوقيي بجنبي له عوى آكلات أحجته كلابهم وطويريمطلقينه وطار في آخر هاكانهار والجو غبار ، قلت طيري غداء والسلوقي راح لا والحلولات ياطيري.

المهم الجماعة أهادو علي نفس السؤال قالو هالحين أنت أكيد عرفن من وين ياي ياريال قلت نعم قالو إيه توك عرفن زين قل لنا من وين ياي قلت شمري قالو لا للساع تغشمر يالمطنوخ حط الملقاط بالنار نكويه حتى يعلمنا من وين ياي.

أيقنت بالقطيعه وأنالك أرفس هاكالرفسة القويه ياوالله قاطع الرباط اللي بيدي وأنا أخمش الملقاط يمار يوم شردو قلت والله لو تركضون إلى الكوين لاحقكم لاحقكم وأنا ابو عارف.

هنا وقفو وقالو يالنشمي حنا تونا عرفنا إنك من ربعنا يابو عارف أنا طنخان وزميلي هذا ريال الفسحه وحنا متأسفين لكل ماحصل ياشمري والآن مالك إلا طيبة الخاطر خذ طيورنا بدل طيرك وسلقاتنا مع سلوقيك وفكنا من شرك الله يخليك.

ياوالله هذا الرئيس واقف على راسي يقول يابو عارف تركناك الظهر بالمسجد وهانحن جايين نصلي العصر وأنت نائم لكن الإنذار لازم نحطه في ملفك ياتعبان.

تصدقون ما أنسى فرحته قلت هذا الإنذار أحسن مماحصلي أثناء هالنومه لكن المعذرة بالشانن بهالطبيخ ولاشفن هالدعوة إلا الليلة الله يغنيكم ويحفظكم يا أهل الفله يالكرام.

أكيد مليء بالأخطاء والغلطات لكن يقولون تحسين الليل تجغيف



[poem=font="Simplified Arabic,4,white,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
مشكور يالمطنوخ مشكور مشكور = يالسيف يالمقلاع يالشبل يافلان
الله يرحم والدينك على الفور = وشلون تعزمني وانا كنت زعلان[/poem]

[البارق99]

السلام عليكم

مجلسن عامر وقهوتن دايمه ماشاالله وش هالزين دلال وقدوع



بس عندي لكم شور...انا قلت شور ماهو اجباري


يعني بدال مانخلي هالحريم يوايدزن علينا ويتزاحمن من الشفايه وتسمع السوالف

ويطيحن علينا بيت الشعر نخليهن يشاركننا في بعض الامور مثل حل لغز اوبيت شعر

وباقي الامور معصي::::ويسون لنا حلا وكيك ويكنسن المجلس ويقشن الرماد (تكرمون)


وبس وش رايكم

[المطنوخ]

يــــامرحبـــــــا والله بالجميع اسفرت وانورت وحاجاتك وحاجيك شي نط بعلابيك


ابدن يالربع المحل محلكم واي وقت تعالوا بهذا وياليت يعني اللي يجي تسان مامن كلافه يجيب معه تميس ((انت تسمع يا ابوياس المدهر؟))

[ريال الفسحه]

يعني بدال مانخلي هالحريم يوايدزن علينا ويتزاحمن من الشفايه وتسمع السوالف

ويطيحن علينا بيت الشعر نخليهن يشاركننا في بعض الامور مثل حل لغز اوبيت شعر

وباقي الامور معصي::::ويسون لنا حلا وكيك ويكنسن المجلس ويقشن الرماد (تكرمون)


وبس وش رايكم

انت ماتعرفهن انا ابخص بهن خلهن هلون يوايدزن بس



مجلس لنا بس <==كلهم رجاال


البارق


وشلونك بالله عساك طيب


طنخان القهوا للمره الثانيه وينهي