[align=center]السلام عليكم ورحمة الله
هذه قصيدة للأستاذ الشاعر / خالد مرسال الويباري الشمري
و هي رد على أحد أفراد القبائل العريقة اللي تردى حظه و غلط في حق قبيلة شمر
حيث وصف شمر بأنهم مالهم بالدين لا حظ و لا نصيب
و إنهم أهل شعوذة و كهانة و من هذا الكلام
و ما إكتفى بهذا القدر بل إنه أخذ يردد هذا الكلام
كل ما قابل الأخ خالد و أمام الناس و زملائه المدرسين و يتفاخر بهذا
فرد عليه شاعرنا بالأبيات التالية [/align]
[poem=font="Simplified Arabic,6,white,normal,normal" bkcolor="transparent" bkimage="backgrounds/37.gif" border="double,2,crimson" type=0 line=0 align=center use=ex num="0,black"]
لاني أنا بكاهن و لاني بقسيس = و لاني من اللي يعبدون الحصاتي
و لاني مشعوذ في يدينه طلاميس= مسلم و سني و عابدٍ في صلاتي
بالدين درسنا هل العلم تدريس = و منا مشايخ زاهدة بالحياتي
و الطيب حنا مسسينه بتاسيس = نمشي على دربٍ قديمٍ و فاتي
و بالحرب منا كل رجال عريس = كم شيخ قوم راح عمره فواتي
حنا طنايا للمعادي كوابيس = و من شافنا بالحلم عاف المباتي
و من شافنا بالعلم جته الهواجيس = يجيه موته قبل وقت المماتي
تاريخنا .. لا مايبي له قراطيس = تر حافظينه من زمان الصباتي
حنا طنايا يا طنينا سناعيس = و الحر ما يشبه خطاة القطاتي
كم قوم جونا طامعين و جواسيس = و صاروا عشا لطيورنا الحايماتي
و كم قوم طاحوا في يدينا مفاليس = و كم جمع متجمع لفاه الشتاتي
و كم شيخ قومٍ عاش بين الوساويس= عايش على التاريخ و الذكرياتي
و العلم يوم إنه يجيبه قرينيس = لأمٍ تر صاحت مع الصايحاتي
العلم اللي مرّس القلب تمريس = ما حصل قرينيس غير الشماتي
تاريخنا مدون بلندن و باريس= و تاريخ (شمر) يعدل المايلاتي
شمر كما نجمٍ ضرب هامة إبليس= قبيلةٍ تميزت بالصفاتي
ارجوك تسأل من يفك المحابيس = كم موقفٍ يشهد مع الشاهداتي
بعض القبايل تنطق الحق و تقيس = قبايلٍ هي عزوتي هي غناتي
تعطيك كل العلم من غير تلبيس= و إسأل كبار السن و للعلم هاتي
و قل لي و هات العلم يا لقطت غليس = ياطير ابن برمان بعدك مناتي
[/poem]
رد مع اقتباس
المفضلات