بسم الله الرحمن الرحيم
يقول احد الشباب
يااخي من عرفتك وقصايدك اجتماعيه او سياسيه او معانات
ليه ماتكتب غزل ...؟
له اهدي
[poem=font="Simplified Arabic,5,white,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
ياصاحبي جيتك وانـا باقـي حطـام = والوقت شوك..وجلد الافـراح حافـي
عمري غصـن يتساقـط همـوم وآلام = تسقيـه صلفـات الريـاح ..السوافـي
عشرين عام..اداعـب فصـول الايـام = مادجـت باسيـاب السنيـن العجافـي
""طفلٍ بصدري" لابسٍ لبـس الاحـرام = اكبـر ذنـوبـه "للقريبـيـن وافــي
الطفل ناام.... وراعي الطفـل مانـام = اليـن صاحـت بـه دروب المنافـي
شيٍ غريييييب ..يقسم الطفـل لاقسـام = لاهو جزع منـه... ولاقـال كاافـي
بحرٍ طوييييييل.. وطفل الاضلاع عوام = لالـه حـدود..ولا لشطـه مـرافـي
الهـام... لاوالله مهـو مثـل الالهـام = الا شعـور بقمـة الـبـرد ..دافــي
ينساب مثل الخوف من طاري اعـدام = احسـاس.. ماجـابـت دواه المشـافـي
فرحت صباح العيد...بعيـون الايتـام = خليـط صمت بهمهـمـات الاشـافـي
شـيٍ تكسـر دون معنـاه الاقــلام = مدري!!! ولكن شـي ظاهر..وخافـي
كم لدني صاحب وكم لايمٍ لام = وكم حذرن من غبة البحر ...وافي
ارخييييت سمعي مع رهيفات الانغام = مقفي عن هموم العيون الغوافي
...
...
فجـأه!!! بلاموعد...بلاسابـق اعـلام = حسيت في وضع الصغيـر اختلافـي
صارت ملامح رحلته خوووف..واوهام = جسمه ذوى..فـوق العظـام الهوافـي
شيٍ يسمونـه متاهـااات ..وخصـام = "صوت الفراق" اللـي يجـر التجافـي
مات الصغير اليوم لـه ستـة اعـوام = قبـره ضلـوعٍ.. باريـاتٍ.. شنافـي
ياصاح شف حالي عقب موت الاحلام = لافـاد طب.....ولايفـيـد التـلافـي
عرق الهوى ينبض.. وانا كومة حطـام = والوقت شووك... وجلد الافراح حافـي [/poem]
وسلامت قلوبكم
رد مع اقتباس
اكتب بس زي حقت ارامكو لا 
المشاركة الأصلية كتبت بواسطة عساف التومي
المفضلات