بسم الله الرحمن الرحيم
[poem=font="Simplified Arabic,4,white,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
ياحمود قلبي من هوى الزين ملتاع = اللي زهى طقم الذهب في ذراعه
حاز الحلا كله على زين الاطباع = ومن شافها عاف الخلايق وطاعه
مع نقشة الحناء على روس الاصباع = والعين دارتها تقل وصف ساعه
من حازها عاف المكاسب والاطماع = يمشي وينثر بالشوارع متاعه
عطره جمع بالطيب من كل الانواع = لاداج بعقول المقاريد ضاعه
وانا عقبت دروبهم عشرة ابواع = مابي قبال الرمش صبر ومناعه
عين اشقرن شاع النظر فوق مرفاع = تقدح كما المقباس يوضي شعاعه
يمزر معاليق الحباري ليا جاع = منه الحباري تختبط بارتياعه
له مخلبن حده للازوار شلاع = يدلي كما الرصاص عقب ارتفاعه
مثله لك الله مايهادى وينباع = لو عاش عمره في مذاري شراعه
او عين ريمن يصطفق وسط مرباع = غنجا غنوجن سنها في رباعه
اللي تكذب شوف عينه والاسماع = وتطيع خشمه كان الارياح لاعه
تجفل ليا نسنس من الشرق ذعذاع = من خوف بارودن من الناس فاعه
وخلي يزود عن المها ثوب لماع = مع زين هرجه والكلام بوقاعه
ياليتها تمشي معي درب الاسناع = وتكرم خفوقي دايمن باجتماعه
شوفه علاجي من خبيثات الاوجاع = اولهن فراق الاهل والجماعه
والثانيه جفن(ن) من البعد دماع = دمعن جرح خدي شديد اندفاعه
والثالثه نومي على جاهد القاع = تحتي حيوفن في خطات الصعاعه
ومالوم من قبلي لبس خيش ورقاع = لين انعوى وسط المفالي كراعه
وهذي نتيجة حب زينات الارداع = وخلا خفوقه في يديهن وداعه
يركض على وجهه ورى كل مرماع = يبي الوجايه عندهم والشفاعه
والا يطارد بالخلا شقح الاقطاع = من عقب ماهو ضاري(ن) بالبتاعه[/poem]
(((( الراوي ))))
رد مع اقتباس
المفضلات