[align=center]
جلس يرسم احلامه وسط بوفيه
المدينة مثل ماهي
انتقال الروح من عتمة لعتمة
والباب نفس الباب مصلب صريره فيه
مثل ماهي : متبلله بالحب ،موحشة ،حزينة
تعثّر فيه ..
فرّك ايدينه..
طلب شاهي..
والحالة : كان لحاله
وكوب الشاي المصنوع من الورق
مثل سمرة مسن ضيّع دليل
ودل الضياع
ماحتواه الا تجاعيده ، تنهيده ، والارق
تشهق جياع
فرش ايديه الباردة على غفوة النار
والحزن ايهفهف الضلع الوحيد
ياحنينه ..
علبة طباشير الدراسة ياحنينه
شغب طالب على كرسي ممزق
لونّه ضحك وبعض غصة
وطينة بير
ياهو كسير
يعطي الذكريات الناشفة نبض ومنصة
ويكسي جفاف احزانه الصفرا ملاح
من ندى الشبابيك الضريرة وعشها المليان شيخ جليل
واختلال و شجر وايدين المدى
ورغيف مسروق وفاس فلاح
ياهو كسير
ان غرس لهفة الهم تراوغه حتى الإجابة
وتنتشر وتسفلت الحسرة صدى.. وتنتشر
مثل اشعار الامير..
جلس يرسم احلامه
تعلق بالعتب حتى تراواله قسوة احبابه
والبكا مليون درب
من عذابه .. الليل ناي العاشق المسحور
وجناح حلمه باهت مكسور
ابرة مثقوبة في لاشيء
وغرغت منّه ثيابه
ياعذابه
والمدينة هي هي
كان قبل يهشمه جوع الفقير
ويبني الذل التهدم في زراره
قبل ما تتشرب الرمضا خطاه
احبابه
هنيّا ياخذوه حفنة ظلام
وجرح ودمعتين وآه
مابقاله غير هذا الصمت الابيض
لذيذ وطري .. مثل الرغيف
والرصيف
مثل وجه الوقت الاغبر..
ماهو نظيف
كم تمنى يتبخر حنان.. لو نحاسة
يشفف القلب ويسرّج
ويوقظ شارع هادي
مثل صرخة طفل عذب ابوه اللي كساه الدين
والشيب ، وكذب اخبار السياسة
سنة \شيعة
ياهو مدار
ياهو دمار
ليـ متى يرّزل طموحه ولا يطيعه
صار كنه دولة عرب
يعني اسمع من يمين وطلع من يسار
بالعربي : عيش حمـ..[/align]
رد مع اقتباس
ـاتي ![/align]
المفضلات