بسم الله الرحمن الرحيم
أخوتي في الأسلام وعلى طريق الحق ..
هنا وعلى كرسيي أمـــام شاشة المضائف أعبر لكم عن مافي نفسي من كلمات طالما ما تمنيت أحطها بين ايديكم .. وامام انظاركم .. ولكن يخوفني من ذلك
( الخوف من الحسد والضيم )
على نفسي وعلى والدي العزيز ..
لأن ( أبي ) نـــادر الوجود ..
وغريب الصفات .. وعنصر متعنصر ..
لا يقبل الجدل و لا التفاهم او حتى الشده أو الرخاء
هو الصح وهو على الحق
اينما ذهب واينما وجد كيف لا وهو الأب
دائماً ماكنت اتمتم خلفه ( علشانك ابونا خلااااص انت صح )
وبعدها لا اعرف اين انا واين وجهي
ابــي
كنت تخاف من العولمه والعنترنت كخوفك من ( أبو سعيبيل )
= مرض يصيب الخراف قد يؤدي بها الى الموت
تعتقد ان هالعولمه بتقطع رزقك ...
كأعتقادك بأن اهل التعداد السكاني بيعطونا شيء
همسه للحكومه الرشيده
"" إذا صار فيه خطأ بالتعداد السكاني تراه من ابوي يقلل عدد الغرف ويكثر من عدد الأشخاص ""
وله مقاصد هداه الله من وراء هذه اللخبطه ..( طماع الشايب )
وعلى طاري اللخبطه فيه موقف صغييير مازال عالق باذني لأنه طول عمري وهو عالق بذهني
بس عقب حرب الشيبان طاح ..
مرتن من المرات ..
( قال لي ياعجايب روحي جيبي الكيس الأزرق واروح وأدوره ولا لقيته قلت له : مالقيت كيس ازرق قال الا بالدرج الي فوق وحدد مكانه رحت ولا لقيت قلت : مــــالقيت في الدرج قال أهبــــي فتحي عيونتس دووري دوري ... واروح والله من القهر اوقف قدام الدرج وافتح عيوني قووهوهو متأكد أنه موجود .. وطفح فيني الحيل وجيته (ولي هبد بالأرض) :مـــــــالقيت والله ..
ويقوم وهو يقول نعنبا هالعميه يالله .. و يروح يفتح الدرج ويطلع له كيس أخضر : هــــــاه هذا وشو يا عمى عيون.. قلت هذا اخضر .. قال ايه .. يوم ماعرفته قالت لونه ..
أمانه وش اسوي له ؟؟
أبوي .. مالي حيله ..
عاد اليوم انا بافضح ابوي في قوقل ( وحش البدوان ) و بانزل صور غنمه .. من رحلة اليوم اللي رحتها لأبوي ..
نوع من الزيارات المفاجئه لأبي العزيز
وأبيكم تذكرون الله في كل صوره ترى حلالنا مميــــز .. ولا له شبيه .. (أنتبهوا لهالنقطه )
يالله بسم الله
في البدايه
الجو مغري جداً .. يخلي الواحد يطرخ بالبر ويطلع راسه من الدريشه ويصااااايح
بعدين هالشاص سالفته سالفه
مرتن ركب أبوي مع رجال على شاص وقال له الرجال وين اوديك ؟ قال ابوي:
(( ياراعـي الشاص مر بي عجايب ....... أشوف بنتي عسى عيني حظيظه ))
قال الرجال : الله يرحم شيباتك هاك السيارة هديه ولا امر معك بنتك .
وهذا منظر الحلال وهي تلعب في البر وتجري وتجري فرحه بقدومي
ولكن انقطعت الفرحه بمشاهدتي لهالمشهده
( دقيقة صمت يا جماعه )
وشكل العزاء مبتدي عندهم على جيتي
بس فيه نااس ماهمها الوضع تاكـــــل تبـــــــن
وتطالع بعد بنص عين ماناب عاجبينها بالمره
8
8
مالاحظتو ان ابوي مستفيد من صندوق عنده خربان ومخليه حوض يعجبوني اهل الاقتصاد والتوفير
أما هالمزيونه ماتبي احد يصورها .. بس لحقتها
وبعد الجوله ووقت الراحه ننذخ عند ابوي وأسوي له حركات
على فكره ابوي هاوشني على البخاخ
ونفسه يقراء وش انا كاتبه بس ماله حيله
وسامحونا يااهل المطبخ هذي سفرتنا ( كيس شعير)
أوفر لا يهمكم الأسم اهم شيء الأحلاق . ..
وفي ختام رحلتي
ودعوني ربعي على غروب الشمس
وكلي امل بلقائهم مرتن اخرى في ربيع أخر لأنهم يفلقوني لو جيتهم بالصيف أصلن مااعترف فيهم ولا اعترف في ابوي
ساعتها كلن يقول نفسي والمكيف بس
أذكر اللي كرهني للروحه بالصيف انخداعي بوقت الفجر بحلاوة الجو وعلى الساعه 10 ونص الضحى تقل سحليه والله لو اوبي قاعد للظهر كان صرت ضب وطلعت لي عكره .
بس الله ستــر ورجعنا ..
أجل من زين شكلي نازله من السياره ويشوفني ولد جيراننا وانا و بلية الضب
يالله لا اطولها بعد واجيب لكم المطمه ..
يالله اتابعكم مع الردود وساطرح في ثنايها بعض الأسرار ..
رد مع اقتباس
ليش مات؟؟؟ مريض؟؟ وبعدين اللحم قبل لايطبخونه ريحته دم!! شلون قدرتي توقفين تصورينه؟؟؟ أنا اذكر مرة في شفت برا في المطبخ توهم جايبين الذبايح الاريحة المطبخ وعععععععععع 
وانتي واقفة تصورين!! صج متفرغة!!
المفضلات