السلام عليكم
ابي اسولف سالفه ( وعلى حظ المطيري اللي قاللي اياه ) لكم على واحد صلبي ( بدوي طبعا ) لمحلة بنت مزيونه حيل وبغى يخطبها من اهلها فجاء الى ابو البنت وجلس عندة ( الظاهر انه من مكان بعيد ) وذبحله ذبيحته المعزب قال لضيفه كالعادة اقلط على غداك يا ضيف الرحمن عيّا الضيف لا يقلط قاله الا تلبي طلبي قاله المعزب وش طلبك قاله ابي اخطب بنتك المعزب قاله اقلط على غداك ويصير اللي الله كاتبه؛ وتغدى الضيف ( الصلبي ) وخلص وقاله المعزب ( ابو البنت ) يا ضيف الرحمن اذا ابي اعطيك بنتي وش اقول للناس منهم نسابتنا
قاله الضيف ( هذا الكلام الشمس تبي تغيب ) انا شمري
قال المعزب لاوالله منت شمري شمر كبار الصحون وساع الطعون
قاله انا عنزي
قال المعزب لا بالله منت عنزي عنزة خياله الامهار عجلين المغار
قاله انا مطيري
قال المعزب لا منت مطيري مطير حمايه الجليب ( لا استطيع التكمله لانها تدعي الى التاحر مع انه اللي قال لي السالفه مطيري )
قاله انا خزعلي
قال المعزب لا منت خزعلي الخزاعل طوال الرقاب عيون ال....... ( ارجوا المعذرة لا استطيع التكمله لانها تدعوا الى التناحر )
وقاله انا دوسري وقاله انا رشيدي وقاله انا غزوي وقاله انا ....... الى ان طلعت الشمس وفي الاخير
قاله انا صلبي المعزب قال له لا بالله انا ماني معطيك وتوكل على الله
وسلامتكم
لكن عندي طلب اللي يقدر يضيف او يعدل على هذه المعلومات اكون له شاكر والسلام عليكم
اخوكم عبدالكريم آل عبهول
رد مع اقتباس
المشاركة الأصلية كتبت بواسطة عيد العنزي
والله 
وخمس 
الاف
المفضلات