ردّ على قصيدة ( أرامكو ).....
.
.
[poem=font="Traditional Arabic,7,sandybrown,normal,normal" bkcolor="black" bkimage="" border="none,medium,gray" type=2 line=1 align=center use=ex num="0,black"]
لا هاج بَحْر الشِعْر يحلا لي العوم=يزْداد عندي كل ما اهْتاج سِحْره
في كفي اليمنى قلم بألف زيزوم=لا مِن دعيته نَطَّح الموج صدره
و في كفي اليسرى قمر وأرْبع نْجوم=تَضْوي إِذَا ما أسْبل الليل سِتره
مراكبي تِبْحر وهي دايم الدوم=تطْلب مواني كل معنى و فكْره
أهْديتها يوم امْتَلتْ شاعر ( التُوم)=الثاير اللي ثوَّر القاف شعره
شَدّ الحزام وْ لا تَهَيّبْ مِن اللوم=و أهْدَفْ لِعاقِبْة التدابير نحْرَه
وِانْهَلِّ يِبْدِي كِل خافي وِ مكْتوم=قصيدةٍ تنْبِش ثمانين جَمْره
يشْكِي بها (حِفْنة) رعادِيد و رْخوم=زمْرَه فَـ (رَمْكو) فَيِّضوا كاس صبره
غريب عن دار الحبايب و مهْموم=و المغْتِرب لا ضاق لا زمْ نِعَذْره
بالعون قِرْب أهْل الرِّدا يسْرق النوم=و (الدَّاغله ) سِمٍ على الحِرّ خِشْره
صِدَقت !!يا بعض الرجاجيل مسْقوم=أعوذ بالله كِل ما جِيبْ ذِكْره
رجال طَبْع أهْل النِّدا فيه معْدوم=ما صاح فالشُمّ الرفيعات نجْره
له خافقٍ رَثّ العلايق و مخروم=ما يِحْتِجِز من طيب السيل قطره
لا قام سيفه فالوازيم مَثْلوم=ما له بوقفات الرجاجيل خِبْره
ما يحْترم لامِن زعل دين و سْلوم=وَلاَ يميّزْ بين سهْله و وَعْره
قَمَّار ما يِغْضِي عن الكِذْب و يْشُوم=يِخْطي و الاقْبح من خطاياه عِذْره
يظْلم وإذا عاتَبْتَه يْقول مظْلوم=تاخِذْه مِن كاس (الأنا) عنْك سَكْره
حَبْلَه على تأجيج الاضْغان مبْرُوم=ما يِنْئِمن في مقْبل الوقت غَدْره
حَطَّاب ليلٍ لا حكى يخْزِي القوم=تَنْقِد عليه بْكل كِلْمه و نظْره
عَبْل الشَّوَى /جَزْل القُوى /هَبْر و شْحوم=ساقِط بميزان الرجاجيل قدره
مكْسور لو تمْشي به الساق و تْقوم=كَسْر المراجل فالرجل صَعْب جَبْره
دينه ضعيف وْ لا حَسب لآخر اليوم=وَ لا تخيّل في دجى الليل قَبره
ما له على نهْج النبي صبْر و عْزُوم=و لا بَلّ سَطْر (المُسْتَحَبَّات) حِبْره
******
صَدقتْ يا (التومي) وما قِلتْ معْلوم=الليل ما يَخْفى عن العين بدْره
و أنا أشْهد إنِك ما انْت في شي مليُوم=ألا على ثنتين نعْتَب و نشْرَه
لعْنك ولفظ اللعن فالدين مذْمُوم=حقٍ على لسان النِقِيين هَجْره
الثانيه... والثانيه نار وسْموم=تدْعي على (رَمْكو) بالاِحْراق جَهْرَه
ألا عسى طير السَعَدْ فوقه يْحوم=هي راس نوماس الصناعه و فخْره
و عسى شِبابه قَدِّ حِمْل الصعب دوم=عونٍ على يِسْر الليالي و عِسْره
و عساه في نَحْر العِدا باكر سْهُوم=إلين يَزْبِن نابح الكُفْر جِحْره
*****
كانه و أنا اخْتِك للعَنَا... فالعنا كُوم=كِلٍ يشيل من العنا كِثْر عُمْره
كم مِن قلوبٍ كِنَّها و الحزن تَوم=و كم بسْمةٍ نِخْفي بها ألف حَسْره
وإنْ كانها غِرْبه ترى وآجِد قْرُوم=أغْراب فِبْلاد الأعاجِم و قِطْرَه
مِن دُونهم تاقفْ جوازات و تْخُوم=و ألا انت في مُهْجة بِلادك و حِجْره
مكْتوب من رب الخلايق و مقْسوم=وأقدار تجري مَعْ خِطا الناس بامره
وِكاد بِإنِّك قلْتها و إنْت مغْموم=و الغمّ نوبٍ ينْسِي الشخْص حِذْره
و َأكيد ما فينا نِقيٍ وِ معْصُوم = كِلٍ وِ له في ساحة الحرف عَثْرَه
مار الرجا في عفوِ حيٍ وِ قيُّوم=عساه يمْحي للذي تاب وِزْرَه[/poem]
رد مع اقتباس
المفضلات