هذا طال عمركم وعمر من يقراء بسنتن من السنين
وتحديدا عام 2007 قبل اليلاد
وايام البداوه
كان فيه قبيلة بدويه تعيش بالصحراء
ويقاله قبيلة الشيخ ابو سلطان
وهالقبيله مثله مثل باقي القبايل البسيطه الله ماتبي الا انه تعيش بسلام
وهذا اللي ماشي معهم
وكان شيبان القبيله كل ليله يجتمعون عند الشيخ ابو سلطان
ومن اشهر وجيه القبيله
سلمان النبهان
اللي يعتبر ذراع الشيخ اليمين وسندوه
وفيه واحدن ينقالوه عبدالله الجعيثن
وهذا راوي يجلس ك ليلة عند الشيخ ويقوم يسرد من هالقصص
ولا مانع من بعض الرخيص تالي الجلسه
وكان عند الشيخ بنت جذعه اسمه كلي بكم اعجاب
والشيخ سما بنتوه بهالاسم لانوه معجب لاخر درجه مع قبيلتوه ورجاله
عاد هالبنت كبرت
واشتهرت بشين غريب
وهو انه تلعب كارتيه
وهالكارتيه تعلمته من راعين كوري كان عند الشيخ
وكثروا الخطاب لهالبنيه لكن النصيب كل شوين مجنبه
ويعود السبب لان هالبنت حطت لغز قوي
ولا فيه احد من الفرسان قدر يحلوه
واللغز يقول ( فيه شي يمشي فوق الجدار ويقول ميو ... واول حرف باسموه الواو )
واكثر واحد كان يحاول يحل اللغز هو واحدن من فرسان القبيله اسموه ريال فسحه
وبليلتن من الليالي جاء يركض لبيت الشيخ وهو يصيح ( لقيتوه لقيتوه )
وهم يفوعون الرجال
قال الشيخ هاه ياريال الفلس وشو اللي لقيتوه
قال حل اللغز
قال الشيخ تعوذ من ابليس ياولدي وطس لبيتك وليا جاء باتسر الحق قل حلك
قال الريال لا ياشيخ تكفى ابقول الحل لبنتك هالحين اخاف انساوه
قال الشيخ ياولدي اذلف البنت نيمه
قال ماني متحرك من هنا
انا ماحليت اللغز الا ابي ادق خشم بنتك هاللي هبلت بنا كل هالمده
وما فطنو الا والبنت طابتن بينهم قالت مابقى الا انت تدق خشمي
الظاهر ابعطيك حركة كارتيه اخلي خشمك ماسك سرا مع اذانك
اخلص علينا وشو حلك
قال الريال حلي ان لغزتس مالوه حل
قالت انا بنت الشيخ ابو سلطان
مابقا الا هي انت تمهزابي
الله يجيركم وهي تعطيه هكا الش**** اللي من قويوه قام يتفاحج خوينا
ومرت الايام والاخ شايلن هالش**** بقلبوه
وقام يخطط ويدبر
ويروح من قبيله لقبيله يدور الهبنتر اللي مثلوه ( السرابيت )
ويوم مل مالقا احد يبي يفزع لوه وهو يرجع يبي يروح لربعوه
وهو بالطريق وهو يلقالوه اثنين متقاضبين الشوش ويتعامشون بالبر ولا حولهم احد
وهو يروح يبي يفرقهم
الله يجيكم وهم يزمونوه فوق ويضربون بوه القاع
وتستمر الهوشه حول نص ساعه ليما فتر حيلهم كلهم
وهم يجلسون كل واحد يرعي للثاني
قالوا انت من انت ووش جابك لنا
قال انا مارن من هنا ولقيتكم تهاوشون وقلت ابي افرقكم واثريكم نطيتوا بحنوكي
قال حديهم ( وهو لهالحين لوه نهيت من التعب ) انا اسمي المطنوخ
وخويي هذا هاللي تدرج سبلتوه اسموه الشبث
وحنا بايهين لا لنا ديره ولا والي
وندور الهوشه دوره
واذا مالقينا احد نتهاوش معوه نتهاوش مع بعض
وخويي هذا حالتوه ازود مني شوين لانوه اذا ابطيت عنوه يتهاوش مع نفسوه
قال ريال الفسحه عز الطلب يابو ...... الا وشسم الولد اللي مافيه امل يجي ؟
قال المطنوخ انا اسمي ابو خلبه
وخويي هذا ابو بيدز
قال الريال
يالربع اسمعوني زين
انا عندي مشكله وحله مايجي الا بالمشاكل
قالوا وشهي هالمشكله
قال سالفتي كذا وكذا وكذا ( علمهم به )
الوكاد اتفقوا هالثلاثه انهم يغيرون على القبيله بالليل
ويوم قربوا للقبيله قال الريال يا عيال اصبروا هنيا ابي اشوف الوضع تسانوه يساعد على الهجوم
وراح الطيب الريل يشوف الوضع ويتجسس
ورجع لخوياوه قال هالحين ابعطيكم الخطه اللي ماتخرش الميه
شوفوا انا ماني ذال الا من بنت الشيخ واذا مسكناه ترونا نبي نهزمهم
بس والله ان قعدت بنا ترونا رحنا وطي
وتروه به طبعن اقشر
قالوا وشو ؟؟؟؟؟؟؟
قال هي اذا نامت نومه ثقيل وتقوم تتدربا لما تطلع من البيت
ونبي نكتفه قبل تقعد بنا
والله وهم يهجمون العيال
ويوم جو يت الشيخ ليمار بنتوه طالعاتن كرعانه من البيت وهم يربطونه
ويكتفونه وهي تبي تصيح مار ماش سادينن افمه
قالوا رح ياشبيثان اقعد ابوه
والله وهو يركض وهو يتجشم ابوه ويقع بوه
وهو يقوم الشيخ
قال الشيخ انت من انت
قال الشبث انت ابوه
قال الشيخ هي منهي
قال الشبث ربطناه
قال الشيخ اذلف ياولد الله يقطع الخبول
قال الشبث قسم بالله رب العالمين اننا ربطنا بنتك وماعلينا منك انت وهالشيبان اللي معك
وهو يفز الشيخ قال انا ابو سلطان وهو يغول الشبث ليما بغن ينقزن عيونوه
وهو يقوم ينخا ربعوه الشيخ
وهي تجتمع القبيله عندوه
قال الشيخ اسمعن ياريال اطلق بنتي احسن لك
قال الريال ماني مطلقه ليما تاخذ ربعك وتمشون من هنا واصير انا الشيخ
ولا تراني ابذبح بنتك
قال الشيخاذا ذبحت بنتي انا ابذبح خويكم هذا
قال الريال اذبحوه عزالله مهو حسوفه
وهو يراعي الشيخ للشبث قال عزالله منت حسوفه اذلف وهو يقطوه على خوياوه
قال خلاص يا ريال الفسحه اباخذ ربعي واروح وانت خللك الشيخ بهالديره
والله وهو يستلم الريال الشيخه وبنت الشيخ مربطينه عندوه
وبالجزء الثاني نتابع وين راحت القبيله وش بيصير بعد
واسف على الاطاله
وتقلدو تحيتي
رد مع اقتباس
المشاركة الأصلية كتبت بواسطة ابوي الشيخ
+ 
المفضلات