من منطلق ..أن .. الله يفرحُ بتوبة عبده ..
وأن الله يقول ( ومن أتاني يمشي .. أتيتهُ هروله ) ..
يـــ جب علينا .. أن نجدد التوبه ..كل يوم .. تُشرق فيه الشمس .. وفيه تغيب ..
فلا نعلم .. أي يوم .. تغيبُ فيه و لا تُشرق ..ثانيةً
.
.
.
.
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
آنسه..؟! طفله صغيره؟! مُترفه؟! وأدري عروب ..!؟=المهم إني (أحبْك ) و(اعشقك) لو ما حكيت!!
عاقله , حلوه؟! ثقيله .. واعرفك جداً لَعوب .. = وأعرف إني وسط قلبك .. وتعرفيني مانسيت ..
يابعد كل ( القرايب , والحبايب , والقلوب ) = كُل مافي الأمر إني جَدْ من غيرك ,, ذويتْ ..!
[ يابعد حيي] ..فديتك .. بالوعد ماني كذوب .. = [ اصبري] .. لَني ..بدونك ..يعلم الله انتهيت ..!
بس أنا حبيت ( أسلّم ) لَن قلبي لك طروب .. = ولَن هذي .. مو قصيده فيك / [ منّك لا خليت ] ..
إيه ..هذي .. اعذريني كلّها لأجل النضوب .. = النضوب اللي فــقلبي ..كلها له بيتْ ..بيتْ ..
عن ذنوب ٍ ..تلتهمني .. واشعلت صدري شبوب .. = ودْي أطفي نار بؤسي ..واحتضن ..نور ٍ جفيت..
أدري إني لأقترفت الذّنْب أتوضا .. وأتوب .. = وتنتهي مع كُل قطْرهـ .. آخر ذنوبٍ .. جنيت ..
كاهلي ياااارب عاجز عن حِمل كل الذنوب .. = قبل أنا قد كنت .. ميّت ! لكن بفضلك حييت ..
كيف كنت آلِمْ ..قلبي من محطات وشحوب .. = وأغترف بضلوع صدري عبرتي .. لين اهتديت ..!!
كيف كان الحزنْ مُجرم له تفاصيل .. وضروب ..= وكيف كنت اضيق وأبكي ..واحترق لامن بكيت ..؟!
يااااه ..ياااالله.. ياااربي.. تضيق ابي الدروب .. =كُل ماجيت أختنق .. أعرف إني لك .. عصيت ..
وما أحس إلا .. و روحي ..تنطلق يمّك هروب .. = لين توقف عند بابك .. تطرقه و تقول ..(ليت ) ..!
وأرتجفْ ..و اخاف ..دايم .. كل ماشفت الغروب ..= واعترف وأقول :صدري .. صار للأخطاء ..بيت ..
و انسكبْ .. وانكبْ .. وأدعي ..وأحترق ..وأبكي وأنوب .. =والتجي ..واُزري بحِملي.. وأندم إني قد نأيت..
هذي ذنوبي بصدري .. ( رمل , و بيوت , وهبوب ) = عاصفه .. وضلوع صدري ..تنحني لك لأنحنيت ..
ياااإلهي ..جيت مُذنبْ من شمالي.. للجنوب .. = من شروقي من غروبي .. ياإلهي جيت ْ جيتْ ..
انحني لرضاك .. وأطلب ..رحمتك ..وإنك تتوب .. = عن ضعيفٍ من عبادك .. ياإلهي .. لك مشيت ..
نجّني يااااربْ .. لامن صارت .. أوقات الكروب ..= نجّني ..ياااربْ عفوك .. دامني منك ابتديت ..
نجّني يااااربْ .. غفرانك .. إذا كل الذنوب .. = تنحسب ..ياااارب ..تغفر ..كُل ذنْب ٍ لي جنيت ..
نجّني يااااربْ .. لطفكْ لأدلهمت ..بي خطوب .. = نجّني يااااربْ .. ستركْ .. دام بأبوابك .. بكيت ..![/poem].
.
.
شكراً .. لكل من سيقرأ .. ما اكتبُ ..بقلبهِ .. وعقلهِ
..
رد مع اقتباس
المشاركة الأصلية كتبت بواسطة سلطان الحجّاج
المفضلات