ابن ساقان في مدح شمر
[poem=font="Simplified Arabic,4,white,bold,normal" bkcolor="transparent" bkimage="" border="inset,thin,gray" type=2 line=0 align=center use=ex num="0,black"]
(شمر) ليا صك الصليب بصليبه=أهجد ياجن وأنس لاهل الطويلات
يرضخ لهم هاالطيب حشمه وهيبه=ويرفع لهم بالعز بيرق ورايات[/poem]
دون أي مقدمات
إلا
الله يبيض وجهك يا ابن ساقان
وصح لسانكـ
[poem=font="Simplified Arabic,4,white,bold,normal" bkcolor="black" bkimage="" border="outset,thin,gray" type=1 line=0 align=center use=ex num="0,black"]
من يم نجد وشرق مكه وطيبه=لين الديار اللي جنوب القريات
جيت بخفوقي شوق ماينحكي به=اكبر من حروف الشعر والكتابات
شوق(ن) ماهو شوق الحبيب لحبيبه=شوق (الطنايا للكرم والجمالات)
ولو قالوا ان الدار ماهي قريبه=بقول : يعني ماتهون المسافات
ماهم بربعي بالليالي الصعيبه=أجل وربي ماحسبت المشقات
(شمر) ليا صك الصليب بصليبه=أهجد ياجن وأنس لاهل الطويلات
يرضخ لهم هاالطيب حشمه وهيبه=ويرفع لهم بالعز بيرق ورايات
ومن مرهم طرقي بياخذ ضريبه=فنجال(اشدا من خضاب الخوندات)
والموقدة تشهد براس الرقيبه=ومن طيبهم ما ينزلون الطمانات
(والشمري) من طيب راسه وطيبه=به ميزة(ن) عدة حدود المروات
لاثارت الفزعات ، لاتنتخي به!=لانه يثور من(الطنا) دون فزعات
الله خلقهم للمصيبه مصيبه=وللنار نار٠٠ وللمعالي ريادات
وللموت موت ٠٠وللهيبه لهيبه=وللطيب طيب٠٠وللمراجل سيادات
لكن : بهم حاجه ، ولاهي غريبه=يمكن يخون بها الشعر والعبارات
اليا بطشوا: خلوا المضارب عطيبه=واليا عطوا: ما مدوا الا الجزيلات
ما ارفع مكانتهم بشعر(ن) اجيبه=هم يرفعون حروف شعري مقامات
واخر ما اقول بالشعر وانتهي به=بحطها بقوسين واربع علامات !!!!
(الشمري ! عيبه ! وعيبه ! وعيبه != اليا ارتكي للحمل شال الثقيلات )
[/poem]
الشاعر:
محمد ابن ساقان القحطاني
رد مع اقتباس
المشاركة الأصلية كتبت بواسطة عبدالله المهيني
المفضلات