يالربع جيت للمضايف ابي استانس
ولقيت موضوعن بالفله كاتبوه واحدن اسموه ريال وععععععع واتسبدي
انا احسب هالموضوع اهداء لي صحيح
ويوم قريتوه ليمار مقس نمره واستماره
وقلت بقلبي يابعد قلبي لاوحلولات لو هالريال قريبن لي تسان متلولسن بفرتوه
بعد فره
عاد على طاري فرتوه يقولون سبحان الله مهي مثل باقي الفرر
يقولون وتسفانا الله شر مايقولون ان عليه فره ولا تشريه بنص ريال مهو ريالن كامل
صايرتن بوجهوه تقل جرح
واقرب ماله عيون الكوريين هاللي تقل خط
مالنا شغل بوه وبموضوعوه
طلعت من المضايف وانا احاتسي نفسي وعاضن لساني ابي رقبتوه ( الظاهر مالوه رقبه خخخخ)
ونمت
ويالربع
تخبرون حلمن لي بالريال من هالسنين
وهو يجيني هالحلم وكمالتن لوه
كنا انتهينا يوم ابوه يصفقوه كف عند المليتس او المأذون الدولار
وطبعا الاخ يموت بالربيه هاللي ماله اصل ويبي يتزوجه
وابوه الخمسين معيي وراسوه وسبعطعش سيف الا يجوزوه بنت عموه البيزه
عاد الولد يوم صفقوه ابوه فركله هو وربيتوه والشهود
وانقطع عن البيت وغاب عن اهلوه ( العمله السعوديه )
وتزوج بالربيه وهو بعيدن عن اهلوه
وابوه يوم جاوه الخبر قال ماني محاتسيه ابد ولاعاد اشوف رقعت وجهوه
اما خوينا الريال فانعم الله عليه وجاوه اول عيالوه النص ( نص ريال )
وكثرو الله لا يكثرم
والله العالم انوه خذالوه ربيتن ولاده حلابه
عاد اخونا الريال قام يشغل نفسوه بسوق الاسهم يبي يؤمن مستقبل هالنصوص والهللات اللي
عندوه
وشوين شوين طور نفسوه وكثر ذريتوه وامن مستقبلهم
ويومن من الايام وهو ينحدر السوق
قالت ربيتوه ياريالي يابعد تسبدي بع حلالك كلوه
قال لا ماعليتس السوق يبي يتسنع
وكل يوم اردا من الثاني
ليما شانت حالتوه المسكين
اما ابوه
فكان زعلانن عليه بالحين من زواجوه
ومارن على زواج ولدوه خمس سنين
ولا تهيا يشوف احفادوه النصوص والهللات
وكان للريال عمه عجيز اسمه ( الميه )
وجت لبوه وحتست عليه وقالت يابو الريال الله يرحم والديك هذا مهما كان وليدك
وابيك تروح تراضيه
مهو علشانوه علشان هالنصوص والهلل اللي مرتبطين باسمك
الوكاد ان ابيوه وافق انوه يروح يراضي وليدوه
اما الريال المسكين
فكانت حالتوه مترديه بالمره
وخسر كل حليلوه بالاسهم
وتعبت صحتوه بالمره
ومريتوه الربيه كانت حامل والله العالم انه حاملن بنص هالمره
لكن ...
ته ته ته
قدر الله وماشاء فعل
وانا لله وانا اليه رجعون
الريال تفاقمت حالتوه وانقطع
ته ته ته
يعني صار ماينفع بفلس ولا ينفع بوه التلصيق ( يعني زي العمليه الجراحيه )
طبعا مرتوه يوم انقطع رجله بين يدينه ارتفع معه الضغط
وتخبرون بنت الحلال حامل
وهو يغمى عليه
ليمار على دخلت ابوه وعمتوه واخوانوه كلهم ( الوكاد ان كل اهلوه جايينهم )
وهم يفزعون بهم للمستشفى
وعلى طول يدخلونهم غرف العنايه المركزه
وساعه
وساعتين
وهو يطلع الدكتور ( الجنيه المصري )
قال ابوه الخمسين هاه يادكتور طمني عن ولدي
قال والله يابيه مش عارف ااولك ايه
ربنا يصبركو قميعا
قال ابو شلون يادكتور يعني مافيه امل تلصيق او اي شي
قال ابدا حتى صرف نصوص مايصرفونوه لك
قال ابوه يعني ولدي خلااااااص مالوه قيمه
قال الدكتور والله حتى مايجيبلك علك
قال ابوه طيب ومريتوه الربيه
قال الدكتور
اصلا زوقتوه اساسا ماتقيب علك ولا لها اي ايمق وهيا خلاص
لكن القنين اللي في بطنها طلع سليم
وهيا هلله اموره شبه قدتها اسمالله عليها
ورجعت العايله لبيتهم
وتقلدوا تحيتي
رد مع اقتباس
وتركه للوهله الاولى
المفضلات