***آآآآآآه يا بغداد ياقـرة العيـن***
***آه يا بغداد ياقـرة العيـن***
آه يا بغداد ياقـرة العيـن بيـه ولا بيـك
نروح فدوة ولا تـروح بغـداد لشانيهـا
طاحت عروس العروبة بيدين الصعاليـك
درات عليهـا الدوايـر وزاد العنـا ليهـا
تصيح بالصوت وتنتخي اهـل المدابيـك
النااااار ولا العااار يالمسلميـن وتنخيهـا
اللي تغدى ببغداد الليلـة بيتعشـى بيـك
لا ترخص الارض والعرض ولاتسوم بيها
ياحيف على رجالٍ ترزز وتمص المساويك
وتقول بغداد بالكذب.. ابك حاميها حراميها
لامات الدين وماتت الغيرة بيـن اياديـك
ويش الفرق بينك وبين بـوش وزبانيهـا
الشرف دين وعار وحمية منـك لعوانيـك
ومن مات عندها ترى الشهـادة يواتيهـا
ياللي تغض البصرعنهـا وتسـد اذانيـك
ياعلها بالصمخ دعوةٍ مـن الله توحيهـا
وعين يدمسها العمى عيـن مـا تبكيـك
وقلب قسى يابغداد يذوق لوعـةٍ ذقتيهـا
كيف تهنى الرقاد وبغداد علـى الاتاريـك
غير السبايا والظمـى والجـوع طاويهـا
وابوغريب فضيحـة الهيـوت المهاليـك
عارٍ علينا بكرة لنا مثل ما اليـوم ليهـا
مالك فخـر بالوزعـة لابـارك الله فيـك
دامك ترد الصوت وصدى الصمت يعزيهـا
ياحيف اهل الخمـر والدعـارة باراضيـك
يامناعير الدين والاسلام ويش فتوكم فيها
بعنا الكرامة واصبحنـا لليهـود مماليـك
هذي نهاية شاري الدنيا بالدين ومشريهـا
جايك الدوردام هاذي سلومـك ومباديـك
ليش تفتخر راحة القدس وبغـداد ثانيهـا
وين النشاما تصيح بغداد تكفون وتناديـك
ياراعي الفزعة ارخص الـروح لغاليهـا
بغداد حرة بالامس ورجالها اليوم تدعيـك
شمّرعن زنودك ورد الخيل ردها لداعيهـا
بغداد تنتخي باللحى والشوارب اللي ترقيك
ليومٍ تقبس الحـرب وتشـب نارساريهـا
دنوا رحى الحرب ودنوهـا دن الشرابيـك
وحدة من الثنتين شهادةٍ او بالعز ترقيهـا
لاتقتصر يمناك والجهد عن مـن يناخيـك
خوةٍ بالدين والعروبة والشـرف يغطيهـا
الموت مايرد هـل البـاس لا ولايباريـك
مايورح الموت كود رخمةٍ يغطْ بالنوم فيها
هبوا لداعي الحق وذبوا عنكـم التنابيـك
وردوا لنا بغداد غصب عن عين غازيهـا
لبيه يابغداد الحرة عدونـا مـن يعاديـك
لبيه يارمز العروبة لب من قلب شاريهـا
صامدة يابغداد بالابطـال اللـي نفاديـك
من الفلوجة للرمـادي اشـواس اهاليهـا
صامدة يابغداد برجالٍ ارواحهـا تهاديـك
عليكم البيـض ياالاحراراولهـا وتاليهـا
بغداد لك الدوا اللـي يشفيـك و يداويـك
وبعون الله تردين ونقلب عاليها لواطيهـا
يا سامعين الصوت بالذود سموا هلا بيـك
يا بغداد الله أكبر لبوا وهبـوا لدعاويهـا
يالله تقبل دعوة كل عبدٍ ينخيك ويرجيـك
ترفع عن الامة وبغـداد ثبتهـا وقويهـا
لاخاب الرجا في كل المـلا ماخـاب فيـك
النصر ياجزيل العطايـا بغـداد لاتخليهـا
وسلامـتـكـم
الشـريـفـة ســـارة
رد مع اقتباس
المشاركة الأصلية كتبت بواسطة الشريفة سارة
المفضلات