قصـــــيده؟؟؟
ماني معيّن خير !! تصبح على خير
للنـوم ، ماخلقـت عيـون الذيابـه
أشـوف بعيونـي غيـوم التعابيـر
قامت تطشطـش بالمعانـي سحابـه
صبّت ، وصبّت ، ثم هبّت أعاصير
ريـح الألمـهـز القلـم للكتـابـه
شيٍ يطير ، وشـي مـاوده يطيـر
صار الورق عقب السكينـه خرابـه
حاولت أرمي هالزعل ، وامتلا البير
وبعض الزعل أحيان ما ينحكى بـه
حاولـت أدور للخطايـا معـاذيـر
وكل مافتحت الجرح ... يكبر صوابه
لا ما إنعميت .. وقلتها : دون تفكير
الكلمه اللـي قلتهـا .... قلتهـا بـه
شخصٍ بعيني غير كل البشر غيـر
دون الصداقـه كـان دم وقـرابـه
ماعاد له حشمه ، وقيمـه ، وتقديـر
من يوم كثّ بوسـط عينـي ترابـه
شيصير يعني ؟؟ لو يقولون شيصير
ماهمنـي والله ( نبـح الكـلابـه )
هي ثقّلت على النخل وقفة الطيـر ؟؟
نفس السؤال الصعب يمكـن جوابـه
شيبان يومن سلّ سيفه علـى الزيـر
بالسيف نفسه سالـم الزيـر جابـه
ما أظن باقي عقـب هـذي تفاسيـر
يعني قرابه ؟ " يلعـن أم " القرابـه
خلف المشعان
رد مع اقتباس
المفضلات