يا حســافــه .....!!
.
.
.
يا حسافه / كل ما فينا تغيّر .....!!
والمسافه / بيننا تكبر وتكبر ....!!
يا حسافه ...
ما أقول الا حسافه .....!!
بعد ماكنتي قريبه .... صرتي عن روحي غريبه
وأبتدأ كل شي يذبل .... وبيننا صارت مسافه ......!!
بعد ماكنتي بعيوني .... ساميه في كل شي
فجأه خابت بك ظنوني .... وما بقالي أي شي
حتى صرتي يا حسافه أنتي وجروحك علي .....!!
وما بقالي غير كلمه .../
يا حسافه ... يا حسافه .......!!
ليه مافكّرتي فيني ... / وبعذابي وبحنيني
والا ماهمّك عذابي ...
ولا شغل بالك غيابي ... / عن عيونك .. أو حضوري ......!!
وصار هذا الحب تافه .. صار عندك شي عادي
شي مهمل .. / مو ضروري .....!!
وين صوتك ...
ليه يخنقني سكوتك ... / وما أحس الا أرتجافه ....!!
يا عسى ما من كلافه .......!!!
يا عسى ما كون جيت بوقت ماهو لك مناسب
ولا تحسبيني ألومك ... والا جاي اليوم أحاسب ....!!
أدري أصلاً ماهو من حقّي أعاتب ....!!
هيّا كلمه وأسمعيها .../
يا حسافه ... يا حسافه .....!!
شوفي جرحك ...
وش كبر جرحك وظلمك ....!!
وين فرحك ...
أنقتل بيديك حلمك ....!!
راحت سنين الموده ... والغلا والشوق ... راحت
صار لي يا بنت مدّه ... نفسي منّك ما أستراحت .....!!
وصرت أنا كل شيّ أخافه .....!!
حزني وهمّ أرتشافه ... / ... عمري وموعد جفافه .....!!
كل شيّ حتى لقانا ...
حتى ذكرانا وهوانا .... !!!
للأسف ما عاد باقي بيننا غير المسافه .......!!
والمسافه كل لحظه ... بيننا تكبر وتكبر .....!!
وكل شي فينا تغيّر ....!!
للأسف هذي الحقيقه .../ أسمعيها لو دقيقه ....!!
أسمعي الكلمه الأخيره ../
يا حسافه ... يا حسافه ...!!
من كل قلبي يا حسافه ......!!
.
.
رد مع اقتباس
المشاركة الأصلية كتبت بواسطة فلاح العماش
المفضلات