لي عبرة كنيتها يوم ونيت
بخافي ضميري والحشا ماتهنا
عديت للمنشود والهم وازريت
ومديت للسافي لحافن تثنا
وصكيت باب يرتقب يوم ناديت
وابقيت للمكتوب دعوة معنا
ياصار خلي داله يوم فزيت
مالي سوى الشرهه وحالي تمنا
واسندت بالشكوى لناس وعديت
للي مواريهم بيوت تبنا
ماينفع الترقيع بسقافة البيت
وماينفع المرحوم يامات كنا
الوقت مد وبتالي الوقت مديت
ابي ذلولي والمواجع تضنا
بالي شمال وغربتي مالها بيت
ضايع بداري واعتزي ماتونا
باللي خذا همي وابحر بلا صيت
الهم طاوي والزمن ماتحنا
والدرب ماضي والامل كنزه الليت
هذي هي الدنيا ونوره وطنا
وهذي تجاربها وعن اللوم ماجيت
قائلها الشاعر :
عبدالمجيد بن معزي الخريصي
رد مع اقتباس
المفضلات