[poem=font="Simplified Arabic,5,white,bold,normal" bkcolor="transparent" bkimage="" border="none,medium,white" type=4 line=0 align=center use=ex num="0,black"]
تعليت من تلن كن الرمش في حجاه= خرز سبحتن يوم انقطع حبل راعيها
على أخر نهارن معطن الخرمسيّ قفاه=ساعة قبل ليلن كل الازوال يخفيها
تشوف الجبل من نازح البعد كبر الشاه=سباريت جون ذيباها راقدن فيها
ادورعلى اللي مالقيته وين القاه=طردت الركايب لين حفيت سماريها
ماغير الخلى الخالي وذيبن يجر عواه=وانا اجر من زين المثايل قوافيها
لوأن جرهايجرقلب العنابعراه= مثل جردلون مد بحاتن سوانيها
تطاوع معي صلفاتها واستعن بالله=على طارقن يطرق ضلوعي ويلويها
أنا وش اسوي كان صبري وصل منهاه=جعمت الجهود ولحق أولها بتاليها
نصيبي غدا كنه دريكن عطا المضماه =طلع من يدي مابه اسواتن واسوييها
ماغيراصفق الكفيين واقول واعزاه =وحشتة ضامري مااقدر على حر صاليها
سواتن مسويها لك الله مهيب اسواه=جمر النار تعرف حرها رجل واطيها
ابصبر على حظ العنا طيبه ورداه= لعل وعسى الأيام تصلح تواليها
الا واهني اللي صبورن على بلواه=صبورن على مر الليالي وحليها
الا ياعيوني صافي الدمع صبي ماه= وهاتي سريبه عقب ماباح صافيها[/poem]
رد مع اقتباس
المفضلات