[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
كانك تبي ياسيف...نبذه...وتوصيف=ابشر بكل اللي تكنه...حواسي
اجيب عرفي...وكل حيٍ...وتعريف=ولاكل رجلٍ يشرب اليوم كاسي
ماني بشاعر....لكن الوقت تكليف=حدن على بعض المواويل...باسي
ماعذبني...."مخضبات الاطاريف"=ردن او صدن....عند قلبي سواسي
دن...الدلال...المكرمات...المهاديف=اغديه يبرى...يالسنافي "عماسي"
هن نشوة "الطنيان" ...هن لذة الكيف=اليا حصل..حزات "الاريا"..التباسي
هن عزنا...هن كارنا...حزة الضيف=نضحك بوجهه...لوغدا الوقت قاسي
"عاداتنا"...من جملة الناس ياسيف=يوم الردي عن حوزة الطيب "خاسي"
وان "عجعجت"..سود الليالي..عواصيف=نرسي لهن ياسيف مثل الرواسي
الامر بالله....ماعلى الموت تطويف= مالي بـ"فوس" الخلق..رزقي بـ"فاسي"
وان عودت ياسيف...رقي المشاريف=غدت لنا روس المراقي...مراسي
عهدٍ علي وان رافق الوقت تخويف=ماشكي عليهم....لوتقهويت ياسي
لو هم من الاجناب...بعد...ومناكيف=ولوهم من الاقراب...ربعي...وناسي
وش عذرنا..لوذلنا..بان ياسيف=ياسيف ماعقب...المذله...مآسي
انشهد ان القلب من يمها معيف=دام.."الطنايــــا"..يافتى الجود ساسي
الله خلقنا...للمنصات...تشريف=يوم ان بعضهم شرفته....الكراسي
والله خلقنا...للشهامه...مواليف="نشعق" كما برقٍ...بليلٍ دماسي
حنا كما...غيمٍ...نشا له رفاريف=ياصاب "قيعان" المراجل...يباسي
حنا الحرار...الصارمات...الخواطيف=حنا...ضواري نجد...وقت الحماسي
وكان الزمان المر.."ورى لنا"..الحيف=عيوننا ماغمضت... بالنعاسي
لاشك وقتك.."يابعدحيي"..مخيف=الذيب قفى...صار وقت البساسي
مجدٍ بنينا...مالفى بالسواليف=ياكود ضرب...مروهفات...النحاسي
احدٍ كلامه صدق...واحدٍ تخاريف=وكلن يعرف القيس..واعرف مقاسي
وكان البشر...نواسيه...بالصواديف=انا بثلاثه....وغيرهن لاتواسي
ثلاثةٍ ابذل لهن...بالتكاليف=ديني...وعزي...وميلة عقال راسي
هن دنيتي...مادامني حي ومنيف=وان كفنن...خلو كفنهن لباسي[/poem].
.
.
اخوكم مشعل حاشم الشمري
رد مع اقتباس
المفضلات