السلام عليكم جميعاً
ومساكم الله وصبحكم بكل خير ياوجيه الخير
في البدايه مدري شقول لكم ولاخوي المطنوخ بالذات واخوي ابو سلطان
عن هالغياب والتقصير بحقكم
لكن يعلم الله بالظروف
المهم
رحت اليوم وزي كل يوم للدوام الساعه ست الصبح
وتصبحت بوجه ابو هنود والاخوان البنقاليه
ورحت لمديري ( مصري ) قلت يابو غريب ابي اجازه
قال ايه بتأول ايه عاوزني اديلك اقازه ايه الهبال ده
قلت يابو غريب تعوذ من ابليس ترن ماطلبت الا اجازه حرام عليك
قال طب عاوز الاقازه لييييييييييييه ( تسني محقق )
قلت اقول ترن عطيتك وجه
ياخي اتق الله في نفسك ياخي انا امي ما اشوفه الا كل يومين مره من هالدوام الغبر
بس هين انا اوريك لا تعطيني اجازه والله لخليك تعطيني اجازه غصب
وطلعت من مكتبوه واصلتن معي اتش وهو ميت من الضحك
وجلست بمكتبي معصب ( مطنقر على الاخر )
يوم خذيت شوي وهو يدخل ابو هنود
قال مدير اسفي انا زألان
قلت مافيه زعلان
وش تبي انت الحين
قال مدير انا مايبغا انتا زعلان
قلت ليه ياخي
قال انتا كل يوم سوي مسخره ( يعني تمزح )
لكن اليوم مافيه
قلت ايوالله يا تشان هذا مصري فقع مرارتي بس والله لوريك بوه
الوكاد يوم جاء عقب الظهر وانا ادخل على المصيري بمكتبوه ( ناوين بوه الشينه )
قال ايه مش زعلان
قلت افا عليك يابو غريب احد يزعل عليك ( وانا بنفسي اقول والله لا اطلع حركتك من عيونك )
قال استريح يا عم
وانا اجلس
قلت ابو غريب بالله وش رايك بحر الرياض
قال والله يابني زهئت من هدومي وعاوز اروح اتفسح بالاسكندريه اشم شويت هوا
( قلت بنفسي اصبر شوين بس وانا اوريك هوا الاسكندريه )
وهو يصوت لبو هنود قال هاه يا استاز عاوز تشرب ايه
قلت ابي ماء بارد
قال خليني اطلب لحزرتك عصير بارد
قلت لا حرام نعمه ؟!
قال ومالوه انتا حتشربها
قلت ادري بس انا ابي ماء بارد
المهم طلب لي ماء ولوه عصير
ويوم جاب ابو هنود الماء وذلف
قمت قلت ابو غريب تبي تشم هوا الاسكندريه
قال ايواللهي
والله وانا اعض شليلي قلت ابشر بسعدك
قال ايه حتعمل ايه
والله وانا اصلق الماء على راسوه وانا احط رجلي
واتغيب ليما خلص الدوام واهرب
والحمد لله ماشفتوه ولا شفن
والله يستر من الجاي
بس يستاهل واوريه للحين ريضن بوه
عاد هو مهو مكفيه اني من الساعه ست الصبح ليما سبع بالليل عندوه
مايبي يعطيني اجازه
حسبي الله عليه
والله حتى اميمتي اخذ عنه ايام ما اشوفه شوفتن تسوى
ولو اعتذر منكم ليل ونهار ما اكفر خطاي
وتقلدوا تحيتي
رد مع اقتباس
المفضلات