هنا ديوان يضم اشعار الشاعر خلف ابو زويد الشمري

[الصيرمي]

السلام عليكم

الشاعر/ خلف ابو زويد السنجاري الشمري....

ولد بالشمال الغربي من مدينة حائل في اطراف نفود جبه التي تبعد عن مدينة حائل
حوالي (100 كلم)
وعاش حياته في احضان النفود متنقلاً بين من يقطنها في ذلك الوقت من القبائل
وطال بقائه بجوار الشيخ ( سطام بن شعلان شيخ الرولة ) ثم ( الأمير محمد بن عبدالله الرشيد )
امير حائل في تلك الفترة حتى وافاه اجله بعد عمر جاوز المئة عام بقليل
وقد اشتهر الشاعر ( خلف ابو زويد ) في قصائده بالحكمة وضرب المثل للناس
وكانوا الناس في ذلك الوقت يقومون بحل مشاكلهم ببعض من حكمته وامثلته التي سارت
مع الناس الى يومنا هذا....

واشتهرت معضم قصائده بوصفه الدقيق والنادر للأبل الأصيلة....
تزوج ابو زويد عدة نساء رزق من احداهن بإبنه ( دخيل ) الذي يسند عليه في اغلب قصائده
وله احفاد لايزالون على قيد الحياه وهم أبنا لحفيده ( عثمان ) رحمه الله....



(1)
قصيده يوصي به ولده دخيل

[poem=font="Simplified Arabic,5,white,bold,normal" bkcolor="black" bkimage="" border="none,medium,gray" type=2 line=0 align=center use=ex num="0,black"]
دخيل خذ مـن والـدك لـك مسالـه=مسالـةٍ مايفهـمـه كــل رجــال
احشم خويـك عـن دروب الرزالـه=تر الخوي عند الاجاويـد لـه شـان
والمرجلـه بالـك تـرخـي حبـالـه=حذرا تعيـل ولاتراخـى لمـن عـال
البـل يفتـل مـن وبرهـا عقـالـه=والخيـل تزلـج بالشبيلـى والاقفـال
ان كـان ماتدعـى علـى كـل قالـه=تراك مـن حسبـة هـدومٍ لـه ازوال
وان كـان دلـوك ماتموحـه شمالـه=تر النشامـا ينسفونـه علـى الجـال
رفيقـك الدانـي ليـا شفـت حـالـه=احمل عليـك مـن المعاليـق ماشـال
ياعـل رجـلٍ شوفتـه قـد حـالـه=عسى تـدور زوجتـه فيـه الابـدال
الحمّـرة تـدرك معيـشـة عيـالـه=لاعاد مايبغـى منـه بـاق الاحـوال
وان صار لك من عوص الانضا زماله=حمرا تورد بـك ليـا صنقـر الـلال
تمرس كما تمـرس خطـاة المحالـه=مع سهلـةٍ عمّّـال مـن جامعـه ذال
خلـه مـع الديـان تمشـي لحـالـه=ياصار ماانت لمسـة الخشـم حمـال
تـر ربـع يـومٍ مجلسـك بالشكالـه=يسوى حـلالٍ عايشيـن بـه انـذال [/poem]

(2)

[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
قالوا تسير قلت مامـن فضـا بـال=وقت(ن) على الاجواد مابه وناسـه
قم سـو يـاراع المعاميـل فنجـال=كثر بهـار الهيـل يغـدي عماسـه
هذا زمان(ن) مقبل(ن) منه انـا ذال=ناس(ن) كلت ناس(ن) بخبث ونجاسه
قامت بصاع المنكر النـاس تكتـال=ودلـت تبـاع الجوهـرة بالنحاسـه
واشوف انـا الاِسّـود خِشّـع وذلال=وقت(ن) به الحصني يدور الفراسـه
راع الجحش شرهن على جدع خيال=متحزم(ن) فوقـه بدرع(ن)وطاسـه
ولباسة الجوخ الحمر وادهـم الشـال=قامـت تغولهـم عيـال البسـاسـه
ماينتعـدل شيـل بقعـا اليـا مـال=ومنـيـن ماعدلتـهـا ماتـواسـه
ياراعي الخصرين والطوق وهـلال=اللـي شفاتينـه ســواة اللعـاسـه
اصبر وعند الله تصاريف الاحـوال=والقصر مرجاعه على بنـي ساسـه [/poem]

(3)

[poem=font="Simplified Arabic,5,skyblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
راكب اللي ما يعوزه تواصيف = حمراء تورد به ليا سرب اللال
قب الضلوع وطولها بالأطاريف = شقرا شعر به من تحت تقل سروال
يزال جفله للخلاوي على الكيف = عاقل تحض المزهبه لين تشتال
ويروحه مع وادي ذل ومخيف = ركّابها عده عن الجيش خيال
ويا درهمة تشدى سريع الشواحيف = يكتله موج ٍبعيد عن الجال
منوة غريب دون حيه مياهيف = اللي من الثنتين يامن به الذال
تلفي لربعي نازلين الأطاريف = نزّالة الحزم المطرف ليا سال
ربعي هل الطولات وتكرّم الضيف = ربعي هل الردات ماضين الأفعال
بتفرّق الشوفات ياحيف ياحيف = الله لحد ماطاح بالفكر رجال
الفكر ساس الحظ والفعل بالسيف = والعز بجمع الرفاقة والأفعال
وليا ضاع فكرك شاور اهل المعاريف = الله جعل لمدوّر الفكر الأسيال
ولا تشاور إلا من يخوّفك ويخيف = يتيه راي مشاور البايه الضال
ولا تطيع مقرود ٍ يدربيك بالهيف = وليا سرا بك قبلة تصبح شمال
بير العيا من طببه قيل ما شيف = همج ٍ ولا عمره ظهر منه حيال
وصيّور ما للقالات تاتي مناكيف = وتصير كسبات الفشايل لمن عال
ياناس بقنا الله بكثر المحاليف = هو الذي عنده ميازين الأعمال[/poem]
(4)
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

ياراكب اللي كن فخذه مـن الجيـم=ماسومها الكفه على الساق وهـلال
ابوه وضيحـانٍ مضربـه سليهيـم=وجده فحل شعلان من زمل شـوال
عليه حلايا وصـف قـوادة الريـم=شقرا وغاشٍ وركها مثل الاشعـال
لا هي قمر لا ريح لا شيـن لاغيـم=ولا هي قطاةٍ حاديه واهـج الـلال
فيحا ومشيه بالعصـا دوب تيميـم=ركابها عده عـن الجيـش خيـال
عليه دليـلٍ مـا بمشيـه تعاويـم=قـطـاويٍ اوي والله مـرســال
مدت من الخابور من قبـل تقديـم=وبالمد الايمن ركب الجدي بشمـال
خل الغراب ايمن منك صوت او قيم=ووادي المياة ايسر منك هو وماسال
ومن عند لاهي بس خلـه تراهيـم=وخله تروح بك مع الخـر زرفـال
خله تسهم بك مـع الخـر تسهيـم=والخامسه تشرب من الحزل زلـلال
ومن الصليمي خشم ربدا الى دهيم=ويا ما تطالع من رهاميـن وازوال
بخور الخماطيـة رجـوعٍ مقاويـم=ربعي هل الطولات ماضين الأفعـال
ربعي لذيـدان المعـادي مجاريـم=كم بـدريٍ باسبابهـم راح وبـال
الظهر عند مولـم الـزاد توليـم=مره على البايـح هجـورٍ وفنجـال
والعصر عنـد مذبحيـن المراديـم=اهـل دلالٍ بـس تقليـط وارسـال
شيوخٍ وحكـامٍ وحصـنٍ نواهيـم=ضياغمٍ لا شافـوا الـزول زعـال
اللي عطاه الفيـن بيـتٍ بتقسيـم=وانا عطوني مثولـثٍ كنـه الجـال
ياما عطت يمناه من طرش وغنيـم=وياما عطت يمناه معهن من المـال
ماقلتهـا ادرا ولا زاحمـن ضيـم=ولا خايفٍ منهـم ولانـي بعـد ذال [/poem]

والي يعرف من قصائده لا يقصر يزودنا بها

تحياتي

[مشــــعل]

تسلم يالصيرمي

تسلم يابعد حي
وهذا اللي نبيه

لكن انا هاليومين شمالي وقراطيسي الملويات بحايل

لكن يامني نكست ابشر باللي يتحيزم لك

تسلم يابعدحي

[خالد الشمري]

5 ـ
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يا راكب اللي تقل تداري من ايده=حمرا على السند اخروم يشوعي
حمـرا تدنّـا للديـار البعيـدة=عمال ما جارت عليها القطوعي
ركابها يوصل سلامـي امكيـدة=حبه مخلي بالضمائر مزوعـي
كلٍ نهار العيـد عايـد وديـده=وأنا نهار العيد عيدي ادموعـي
ياناس هنيـت القلـوب البليـدة=ما ولعنـة زاهيـات الردوعـي
جو جمع من كل سمويٍ بديـده=وجان البلاء من ذهيبان النجوعي
الرأس ذيل اللي تلـوج بحديـده=شقرا ترادي من هواها الفزوعي[/poem]

6 ـ

[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
أبديت أنا هاجوس قلبـي بقيلـي=ماهي هواجيس القلوب الهبايـل
هرجات ماهولس بهن الهبيلـي=مثايل من رمعـة العقـل قايـل
دخيل كان أنك لهرجـي تشيلـي=هرج يدل اللـي يتيـه القوايـل
ياصاحبـي وداعتـك يادخيلـي=ودعتك اللي ما يبوق الرسايـل
خويك اللـي بالخلالـك وكيلـي=لوزن عنـدك زلـة لا تسايـل
وأحذرك عن رفقة خطاة الرذيلي=ماينبذر بلّـي يغـط ّ الجمـايـل
صديقك اللي قبل جيلك وجيلـي=صديق جدك بالعصور الأوايـل
لاتطيع به حكي العرب والنقيلي=-عدّل معه شيله الى صار مايـل
وعدوّك اللي بغض جده محيلـي=تاتيك لو صافاك منـه النقايـل
وأفهم ترى باقي العرب مايضيلي=ياصاحبي ماغير ربعك صمايـل
أصبر تصير بعين ربعك جليلي=صبرك يجنبك الدروب الرذايـل
الصبر يودع باب حظك طويـل=وخل الهبايـل تايهيـن الدلايـل
ياصاحبي حذراك بالـك تعيلـي=ارتك على العاقل اللي جاك عايل
ياصاحبي حذراك تنسى الجميلي=ولاتنفـع اليمنـى بليـا شمايـل
الكد يصلح بالحصان الأصيلـي=اللي يهـدد بالجيـاد الأصايـل[/poem]

7 ـ

[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
انا هوا بالي خطات السجلـه=هذا هوا نفسي وغاية مرادي
ان غاب عنها كافره واسفهله=ياتقل له رب المقادير هـادي
يابركن عوص النضا بالاضله=بالقايله تلقى قرينـه يـدادي
حمرا ومذنب عينها تقل غله=مثل لهيب النار لولا السوادي
حمرا بطولٍ باتسـاعٍ بجلـه=حمرا وتقل مولفه لك ستادي
ياجللوا دهم القرب بالاجلـه=والما بعيدٍ حال دونه حمادي
ياوردن مع سهلةٍ مـا تدلـه=عليه ردي الخال ماله جلادي
لحاقة المقفي ولا يلحقن لـه=حمرا سنادٍ غاربه للشـدادي
تشدا تهنفل خفرةٍ جاه خلـه=متغربٍ عقب البطا جاه بادي[/poem]

8 ـ
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
القلب يبرم بالهواجيس ويدير =من جادل جتها طوارف اطروشه
قام الفهيم وصخر القيل تضخير =قرايض ما ولفوها الدحوشه
والله يالولا باقي الناس لا اشير = اخاف من ناس تنثر اقفوشه
لاقول عجوا بالبني الغنادير =وعزي لمن له عشقه ما يحوشه
مصور منبوز الارداف تصوير =تصوير وشحا نايشتها اعطوشه
لا بالقصار ولا الطوال الطناطير = ولا بالغلاظ ولا دقاق نشوشه
خده من الموت الحمر به دواوير = كن الصعيوي دورجن في نقوشه
خده عفر واصفر كما ذوبه الكير = والخشم مصقول بلمات هوشه
والردف شط امتيه له علي ضير =امه جضور وراعية ما ينوشه
والا يشادي نابيات ال****ير = عقب الهبوب ونايشتها رشوشه
وثنيوات الترف غر مغاتير =من شافها يسقم علي اردا معوشه
والعين غين اللي بروس العناقير =نجل سواد عيونها مع ارموشه[/poem]


9 ـ
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]

يا الله يعالم خفيـات الاسرار=حليـم ماتخفـا عليـك الجحـاده
تفرج لقلب دب الايام محتار=الى قلـت هـود جـاه يـوم وزاده
قلب غدا لمذلق الشوك محضار=سـدر بساتينـه وطلـح بـلاده
من عقب ذاياركبن فوق مزعار=مافوقه الامزهبـه مـع شـداده
حمرا سناعينه تشادي سنا نار=تلقب كما المشهاب عقب السواده
عين العديم الي سمع صيحة الجار=وعىوله عندالملازيم عـاده
تلقى فهد وتبلغه كـل الاخبار=العلـم كلـه داخـل فـي فـواده
ان ساعفت دنياك فالحبل ****=النفس ماتنسا طـوارى مـراده
ما من قلوب حيل كله بها اعشار=غيب والادريويش حـزة ولاده
تلقح رجال من رجال بالاشوار=وكل بحد السيف ياخـذ سـداده
سبب لقاحه من مدورة الاشرار=لقـاح قبسـون قمعهـا زنـاده
والصبر مابه للفتىكسرةاعبار=ليـن لـه الدنيـا تبيـن مقـاده
ان كان ضيف مخطىله على جار=عزالله انك ناجين من سـواده
رعى الزقيميات فىضلع سنجار=اخير عندي مـن قعادالزهـاده[/poem]

10 ـ
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
نجدٍ جفتنا بالمحل وأبعدتنا=ويوم أخصبت حنا هذولاك جينا
لولا محمد ماإفتدت سابلتنا=كان تاخذ الحكام باقٍ علينا[/poem]
والقصيده اطول من ذالك

11 ـ
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياراكبٍ حمراء تسوف العراقيب=حمراء تسوف كعوبها بي سبيبه
تلفي لهل العلياء هم منقع الطيب=ونعمين بالعلياء ومن ينتخي به
رويلات والله مابهم عد أجانيب=ولا منهم اللي نازحٍ عن قريبه
سطام مثلك ماحمل به ولا جيب =من مطلع البيضا لغربي مغيبه
مايستوي للبيض غيرك ضواريب=البيض خطو المشتبه وش تبي به
ياشوق من عيّت على كل خطيّب=قبلك على كل القبايل عصي به[/poem]
والقصيده اطول من ذالك


وفيه كم قصيده سوف ابحث عنه مثل قصيدته : قالو تشير وقلت انا اليوم ماشير ........
والف شكر يالصيرمي وتسلم ويعطيك الف عافيه يابن العم

[هايس الشمري]

ما شاء الله



يسلم من بدا الفكرة



و يسلم من اكملها


الصيرمي و خالد تسلمون


و الشكر موصول للاخ مشعل

هكذا نصنع شيئا


ما قصرتوا



و ان شاء الله اني اجمع قصائد احد شعراء شمر


دمتم بخير

[فيصل حمود]

الأخوان
الصيرمي
خالد الشمري

ماقصرتوا يالنشاما ونتمنى المزيد من اي شخص يعرف قصائد لأبو زويد الله يرحمه.

تحياتي

[راعي الوقيد]

بعدحيي والله ايه هذا الشغــل

عااااااشوا العيااااااال

و ان شاء الله اني اجمع قصائد احد شعراء شمر

كفو والله

وحنا نعين ونعاون خلونا نجمع دواوين شعراء شمر ،،،

فيه شعراء وشاعرات من شمر نحن ملزمين ومأتمنين لتجميع

وتدوين اشعارهم منعاً من فقدها وتشتتها ،،،

ومن هؤلاء الشعــراء :-

.. عيادة ابن منيس

.. رشيد بن طوعان

.. دايس الهجاز

.. حسين الذنيب

.. خضير بن صعيليك

.. فرج بن خربوش

.. عبدالله الأشقر

.. شاعرات الجبل

وغيرهم الكثير ممن لا تحضرني اسمائهم الآن ؟؟

فياليت كل واحد يتولى البحث عن وتجميع وتدوين قصايد اي من شعراء

وشاعرات القبيلة !؟

الصيرمـــي

البنااااخي !!

الله يعطيكم العافية ،،،

ولكم التحيـــــــــــــــــــة ،،،

والسلاااااااااااام ...

[السرعوفي]

مشكورين ياشباب على الجهود الطيبه !!! ورحم الله الشاعر ابو زويد , شاعر الوصف الكبير , تحياتي ... !!!

[خالد الشمري]

12 ـ
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يا راكب حمرا من الجيش مرعاب =طويلة الساقين مثل الزرافه
ما ضربت عند الشرارات بضراب =ابوه وحش هي كاسبينه حيافه
بين الرباع وسنها وبين الانياب =ومحيلينه لين زين عسافه
وليا روحه مع سهلة تلعب ألعاب =تاطا على مثل المجيدي خفافه
يقصر رسنها ويدب الجيش باداب =مثل الطموح اللي تزايد اعيافه
تسهم على الممشى كما يسهم الداب =وتنف برطمها وللذيل سافه
وعلى السنود مضريه توثب اوثاب =عين العديم اللي يشوف الجنافه
وليا ركبها الشيخ والغزو كساب =وحكوا مطراش الأهل والكيافه
كثيرهم يلفي على اللي تقل داب =وهروجها مثل وشيش الحضافه
لجه مثل معارك الذيب وكلاب =والذيب منهم خاطف له خطافه
زوله طويل وغاربه تقل مصلاب =ومن طول زوله صاير به هدافه
وليا جت بالسايه تقل مشي دولاب =حسه طويل ولاتهاب القنافه
والشيخ يلفي على وضاح الانياب =بنت الشيوخ اللي تبارق رهافه
بنت الشيوخ اللي خواله له انساب =اعطوه (نوره) من سخاهم مرافه
يا شبه وضحا به دباديب واجناب =اللي يحطبه الجرس والكتافه
ما شفت (نوره) مع اجانيب واصحاب =ولا تنتوصف عايزات اوصافه
يا عود موز به الريح تنساب =يازين ياهب الهبوب انتسافه [/poem]

13 ـ
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]

قالو تشير وقلت انا اليوم ماشير = وعيب على من جاب شوره ولا جاز
خيل الصحابه ربّطت بالجواخير=يصفقن من قل العوافي بالاجواز
الاوله ماجت على نية الخير =ولا صاده الوكري خذا حر من باز
والثانيه بنت الشيوخ المناعير= اللي لهم عند المظاهير ملكاز
والثالثه يدهم خماله دميثير= نفل بتصويت العشاء كل عناز[/poem]

[راعي الوقيد]

(14)

[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الى قيل هاوش ذا شحلن تشحيل = مثل النعام اللي مع القاع شراد

حيل يشادن مرمسات المحاحيل = الى قلت بادن هاظ مكنونهن زاد

تلقى على اثرهن قطيع المخاليل = تدويح يتمان على كرمة اجواد

فان نوخوهن العيال المشاكيل = على طرف قوم يحرفون الاذواد

يشدن تحلفز رجعن تالي الليل = جاهن خبر عرس وهن قبل رقاد[/poem]

[مشــــعل]

ومما قال شاعرنا ابو زويد:

[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياراكب اللي كن مشيه تضدي=مامونةٍ منوة مقضى الاغاريض
حمرا على السندا عديم يهدي=عليه سنام شاتي عقب تقييض
ميلاف عند المزهبه ماتردي=ولاعذبتني بالرغا والتفاضيض
نصه عتيق يانصيته يسدي=قرمٍ يبيع الروح باردا المعاريض
من ماكرٍ ينتج حرارٍ تهدي=ربعٍ له يوم اللوازم مراكيض
لايابعد خالي وعمي وجدي=وباللي غدا يالقرم فيك المعاويض
ابي عليك ابدي خفيات سدي=قلبي تدالاه الهواجيس والغيض
عتيق وجرحي برى واستردي=من هم غروٍ نقض الجرح تنقيض
عينه كما الساعه لوقته تعدي=او عينٍ عنزٍ سوهجت عقب تربيض
والردف شط حوارة ماتردي=ترضع لبن بكر على الكيف تفويض
والزول زملوق نعم واستجدي=وكساه عن لفح الهوى عشب تحميض
وشوفه بليا شب نار يغدي=ياصار قلبك داله مع هوى البيض
بنت الذي عينه لربعه تقدي=حقه عليه من الضواري لعافيض[/poem]

"يامن عين الصيرمي عسى المانع خير انشالله"