[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
باتساع الأفق باطلق نظرتي للمستحيل = علني آصل مدارك حلمي اللي اطلبه
ويعلم الله ما كتبت الشعر والقاف الجزيل = طامع بقولة (يهبل) هالشعر واللي (كتبه)
ولا كتبت الشعر ماجن ارتجي طرف ٍ كحيل = ولا كتبت الشعر للي ما يقدر مذهبه
خابر نفسي عصامي لو يميل اللي يميل = واثق الخطوه ولاني مزحزحٍ قيد حصبه
صافي النيه وكفي بالبخل اكبر بخيل = بالعطا صارت يديني كل ابوها مُشربه
حتى اني يوم اقدم شي لعيون النزيل = الشمال تقول حيّه واليمين تقربه
عيني اليمنى فراشه ولا يعكر له مقيل = والشمال لحاف لاجله لاوجد من يرهبه
سنة اجدادي ولاني مبتدع شي اصيل = بس انا طيبي سبقني يوم غيري غيبه
الله اعطى والمراجل حملها حمل ٍ ثقيل = من عهد هاك (البويضا) والمعالي كاسبه
والفقر وقصور يدي ماحجبوا عني دليل = وكل ما دنياي صكت زودت فيني نبه
والغنى من دون فطنه كالعمى صاب الكحيل = لاهو اللي صان شوفه ياخساره واذهبه
بين همي والطموح اللي من اسبابه عليل = استوى في موق عيني كل شي ٍ يحجبه
كل صعب بحول ربي ينحني لاجلي ذليل = وكل عاصي لي يلين وكل صلفٍ اغلبه
ربع قرن من الزمان عشتها بعز الهذيل = نارهم للضيف توقد في زمان المسغبه
وان رجعنا للقصايد باعنا فيها طويل = حاضرات ٍ يوم ردنا والبعيد نقربه
ننتقي منها كلام ٍ وافي ماهو قليل = يطرب اللي هو تعنى يدحض اللي يكذبّه
والزبد ما بان صفره غير بخضاض الصميل = والمصايب هملالي للقطامي تطربه
نشرب غثاها تكيّف حيلها براس الهبيل = عزتي للي علومه ما تعدى مطنبه
فارس ٍ لا ثار ثاير وابتدى صول وصهيل = الطلايع تهتويني ولا رغبت المذنبه
ويل قلبك يا حسودي نادرٍ مالي قبيل = يوم غرتك الاماني والاماني منكبه
لا تطالع للنجوم ولا تحدى يالهزيل = والعلم قد جاك مني جرب اللي تجربه
ارعدي يا طبول حربي واشعلى راس الفتيل = واكتبي بحروف اسمي كل حرفٍ يرعبه
والله اني ما كتبت الشعر والقاف الجزيل = طامع بقولة (ي/ه/ب/ل) هالشعر واللي (ك/ت/ب/ه)
[/poem]
.
.
.
شكرا لمن تكرم بالمرور
رد مع اقتباس
المفضلات