للشاعر / مطلق بن ناصر الطايعي الهاجري
بعنوان // أســــمـــــــــر لعل البيض تفدى مواطيه
التتن دامه في الدكاكين بـــــــشريه=بريال ولا بألف ماهو خســــــــــــاره
يامهبلك يامعذربه عند راعــــــــــــيه=من عذربه عندي بينقص وقـــــــــاره
لاجيت با خليه محتلت أخـــــــــــليه=ما يطرد الهاجوس كـــــــــود الزقاره
لولاه بوسوس وباأمرض وابـــــــاتيه=وتشوفني في كل شارع وحـــــــاره
مثل الهبيل اللي يضيع الـــبصر فيه= ياكل من الضيقه حبوب الحـــــــراره
انشهد انه حلو واللي مـــــــــــحليه=راعيه ما تطفي مشاهيب نـــــــــاره
وراعي الهوا غير التتن وش يسلــيه=خصٍ ليا منعت عليه الزيــــــــــــــاره
لاجيت جنبته وأنا كـــــــــان ناصـــيه=وحطيت مـــــــــــن بيني وبينه زباره
خايف عليه وخايفٍٍ من دناويــــــــــه=ابطفي الشعله تموت الشــــــــراره
وأمصاحبٍٍ جيرانه اللي حــــــــواليه=حيلة اضعيفٍٍ في طرفها صقـــــــاره
وأحب ضيفة جـــــــــاره اللي يواليه=القلب يمه والوجه يم جـــــــــــــــاره
الــــبر لا لا البــــدو ماني بـــــــدانيه=لخضّر مخضر بقلبي خضـــــــــــــاره
آليا خلا جال المرير ومـــــــــــضاميه=بعت البداوه واشتريت الحضــــــــاره
لي صاحبٍ يغليني اٍغلاي واغـــــليه=من يـــــــــــــــوم حبيته ودليت داره
ومادام منطوقه فديتك ولــــــــــــبيه=مانيب أفكر في الفقر والتجـــــــــاره
اسمر لعل البيض تفدى مــــــواطيه=أموت في سكبة عضــــــاه وسماره
واليا ضحك قلبي يفاخت عـــــراويـه=علي نذر مــــــــا عـــاد عندي عياره
تنشب عيوني في سنونه وأشافيه=لبعد عن الوجه المليح الستــــــــاره
وعرقا على كبدي ولاقلت له ليــــه=والبزر طامسةٍٍ سمـــــــــــــاه البزاره
واقول يا شاطر شف اللي تســـويه=منيب احسد الشاطرين الشــــطاره
مابيه يزعل ودي انضّر و أرضيـــــــــــه=لو أحذف نفسي من أطول عمـــاره
وامــــنول أهـــــــــذب كلامـي وأنقيه=واليوم خاشرت الغجر في الغجــاره
هاجوس قلبي مفردن به ومعـــمـيه=عشاي كرز ومرقدي في الغمـــــاره
عسى ان تنال على اعجابكم
رد مع اقتباس
المشاركة الأصلية كتبت بواسطة عاشق النون
المفضلات